Timatawus II 4:8 - Alkawali Woiwoyi

⁸ N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Timatawus II 4:8 ပူးပေါင်းရင်းမြစ်များ

Matta 24:36

Ama ezaho to lo n wo kpe nyipye ye lo ko esa nu esa kmaknayi ɓa ɓe n ceyi m, ko amalaika. Ko Shekwoyi Nugun, sai Dada gmanyi vonu kpe lo.

Matta 7:22

N wada wyi, aza mwa begye ɓei ci mi ge, ‘Dagayi, Dagayi yi ku ho nabari gna azaje har ya kun azafun nukwoyi ya n hoye yi, yi zhin aɓo wo-woyi n jesun.’

Luka 10:12

Har ma a Sodoma yi ɓo ku gnafye bmiya zhi n owada wyi, n ɓa nu ɓo zhin alaifi da nyi.

Aromayi 2:5

Amma, fyeta kna tnubua lo n, fye ye minagyi nukwoyi zhi fyehin ntu fye abugba kala kpe ɓo, n ge fyeta pmi avun wu of ye alaifin. Minagyi nyipyei ɓelo n Shekwoyi ɓei da anyi vinya wa.

Aromayi 8:23

Eyihin a Yesu viyi ko shiko nyi yi n Zafun Gyi-gyi-yi dna lo n yi mi ngye tuze eyi mwamwa nya, yi do dna n yi wye-wyei mi, a lo yi ya n na azhin-gye n wahala yi, yihin ce yi pmi nyipyei, wyi n Shekwoyi ɓei gayi eyi loloya towo aɓi nya ɓedo n nayi woi-woyi n wa zhin yi alkawali nyi, anayi n nyasan ta shan ɓa san, ɓai ta shan fin.

Akorintiyi I 2:9

Nya nu n Littafi Gyi-gyi-yi kwa da cei ge zaho-zahoi to shin gye, ko wa wo, ko wa zhin ɓo nubo cei, enya Shekwoyi ku zhin shiri ntu naza ɓo nɓa yewo nyi m.

Akorintiyi I 3:13

Zaho-zahoi tnu-tnu dai aɓei pmi ko gye nʼna nu. Wada wyi nu n Kristi ɓei pmi ko gye n wohin tukwo yi. Ena nu ɓei wu ko tnu-tnu yi bmiya lo, ko koto bmiya lo m.

Akorintiyi I 9:25

Zaho-zahoi wo zhin wyefan-yi wo zhin wa gawo nayi wahala, woi tu aɓomwi, woi wan aɓo fi. Wo zhin lo nu ntuge wa gwo lada nu nkwo ta mwa sa m. Ama yi zhin ntuge ya gwo lada eshe nya nu n koɓa mwasa har nyalonyalo.

Akorintiyi II 5:2

Nsaiye kwa aku yi ɓe, yi cei pma lo ya bwa puwa eshe nya ye.

Afilibiyi 3:11

Nya n kwa zhin, emi nu ɓa zhin oza n wo bwa wyewyeyi woi-woyi dna na za n ɓa ku fi ɓa je wye-wyeyi bwa.

Akolosiyi 1:5

Fye pmi agmada eshe nya nu, tunyi esa n na ɓei kmi fye waʼazi nabari manayi nya zhin nyi.

Atasalunikayi I 1:10

Ɓai da lo ngye shi fye nawyetuyi lo ntu Shekwoyi Nugun jezeɓe n ʼshe, wato Yesu, n Shekwoyi ɓei la wo kala n vingwo nyi, wo nu zhin eyi Gniyi n Shekwoyi minagyi n kwo ɓe lo nyi.

Atasalunikayi I 5:4

Ama emi aza je, fye to filo n wyegma n na aɓeye tukwon, Dagayi nyipyeyi to ɓei ɓe efye aba ngye evin.

Atasalunikayi II 2:8

Nsai oza nukwoyi ye ɓei ɓe, oza n Dagayi Yesu ɓei bmiwo na n wo gbe osun yi, woi wu wo, esa n wa jeze ɓe n cei.

Timatawus I 6:19

Nɓa zhin nlai ɓa so nya bwa hin-hin shi nu nshemi, nyaso shi manayi nu nyalo-nyalo nya. Ɓa se ase manayi n kwo kunce n na a Yesu viyi n na anyi deye.

Timatawus II 1:10

Nsaiye wo ku wuyi pei-pei, sanu eyi gniyi Yesu Kristi wa ɓe n cei, n wa bma efi iko ya wa wuyi wye-wyeyi nyalo-nyalo nya zokwo, dna n gaiciya ga nyi.

Timatawus II 1:12

Cenu zhin mi-i sin wahala dna n ya n kurkuku vinyikwoi ta wo mi lo n tu cen. Gama mi kpe ezaye lo n mi kpema wo, mi-i kpe lo nge wo ɓa mi wa gu enya n mi la gawo har ewyi n wo ɓa jeze ɓe n cei.

Timatawus II 1:18

Dagayi wo tuwo anabarka ewyi n Kristi ɓei jeze ɓe n cei. Ho gna kpelo shi wo ɓei bmami zhin n Afisus.

Timatawus II 2:5

Vi Dagayi awyidna owo tnu-tnu zhin nya, shi asibui zhin agbetu sibui nya kwo bai bwa lada kwo to ɓai bwa ladan nyin.

Timatawus II 4:1

A Ntuce nu mi zhin ho gargadi n Shekwoyi abye, n Kristi Yesu yi, n wo ɓei da aza wye-wye yi n na azafiyi owa n wyihoi nyin. Esa n wo ɓei ɓe nwo begyi-yi.

Titus 2:13

Yi shi esayi awye n yi pmi nyi, n na aɓei gyewo mwa-mwa wye n cei nyi, mwa-mwa eyi Shekwoyi dnagmayi n eyi Gniyi Yesu Kristi yi.

Aibraniyi 12:11

A tada oza sanu na ta won, sai dai ko la duya. Kwo zhin ha fa a zokwo nukwoyi ya vi zokwo do na gmada yi ɓedo lafiya yi.

Aibraniyi 9:28

Ntu cenu Yesu ɓei fi ntu yi ɓo zungmanyi, wo ɓei fi eyi a laifi fi nu. Amma wo ɓei la laka n vingwo, wo je ze ɓe lo wa gni aza nɓa vi wo nyi.

Yakubu 1:12

Bugba bui-da nu oza n wo wan wohin shi, to wa kaya dna n jaraban, gama n na avun wo ɓa bwa rawani wye-wyeyi nyalo-nyalo nya, n Dagayi a zhin aza alkawali nɓa ye wo nyi.

Bitrus I 1:4

Shekwoyi n cauta dnagmayi so shi owo aɓi lo n ʼshe; kwo gyi-gyi-yi lo, kwoi ta shando aigna kwo bom kwoi ta shan zom.

Bitrus I 5:4

Esa n Kniknayi tukwoda ɓei jeze ɓe fye ɓei gwo lowonyi nkwo bmiya-bmiya ta shando nyin.

YOHANNA ƁEWYEGYE 1:7

Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.

YOHANNA ƁEWYEGYE 19:11

Nnavun ma gye eshe n guya gni n dokwo buyi gni agni gni n ɓo, ayi oza n wo ɓei sase tu n dokwo yi nyi ge, “Gbenuyi n Gaiciya yi” Oza nwo ta aza nyi, woi sun okun.

YOHANNA ƁEWYEGYE 2:10

To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.

YOHANNA ƁEWYEGYE 22:20

“Oza n wa da aɓeye vinya nyi wa gna, E, Mi ɓelo esa fyewyi!” Amin Ɓe, Dagayi Yesu.

YOHANNA ƁEWYEGYE 4:10

A tukwoda shiba cei anyi ye, ɓa miya zhi n wo abye ɓa gawo mwa-mwa, wye-wyeida nyalo-nyalo nya ɓa ya oɓa a rawani zhi n wo abye, ɓai kwo anyi ɓai cige.

YOHANNA ƁEWYEGYE 4:4

Esu ashinkpegye a ɓiyi n gun shiba cei anyi n she Esu Shinkpegye dnagmayi gun, n na atukwodai ʼshiba-cei-anyi n sase kpe n ɓa, n na ajei kpe n bui-bui n rawani zinariya nya yi wan n ɓa tukwo.