Timatawus II 4:1 - Alkawali Woiwoyi

¹ A Ntuce nu mi zhin ho gargadi n Shekwoyi abye, n Kristi Yesu yi, n wo ɓei da aza wye-wye yi n na azafiyi owa n wyihoi nyin. Esa n wo ɓei ɓe nwo begyi-yi.

Timatawus II 4:1 ပူးပေါင်းရင်းမြစ်များ

Matta 16:27

Ntuge Emi, Zanugun, ɓaɓe n ma malaikayi dna latu Emi Dada nya, miye da zaho-zahoi owa shi wa zhan ɓo wu.

Luka 19:12

Nsayi wa ciɓa ge, “Arzikida ho ɓei nyi n wo ɓei lo ezhi ho n kpai ntuge wo gyibe wo zhi.

Luka 19:15

“Esanu n wo ɓei jeze zhi, wa yi owa abara yi zhi n wo ɓei gaɓa agyiwye nyi, ntuge wa kpe gyiba ye n ɓa ku bwa.

Luka 23:42

Nsayi wa ci Yesu ge, “Yesu, pami ɓo dna n ho ebe mi.”

Atnu-tnuyi Aɓozhin 10:42

Wa tnu yi ntu ge ya zhin waʼazi ge Shekwoyi la Yesu ze wadayi. Anyi nya vinya awye-wyei da na fifiyi.

Atnu-tnuyi Aɓozhin 17:31

Ntu ge wo nyipyei shi lo, n wo ɓei da anyi wa cei dna ɓefyece n oza aba n wo ɓei la wo ka n vingwo nyi, wo nu ɓo da aza wa.”

Aromayi 2:16

Nyipyei ɓelo n Shekwoyi ɓei da aza nukwoyi wa, nɓa ɓemwi nukwoyi, dna n Yesu Kristi. Deye kwonu zhin Shekwoyi shiri n mi zhin waʼazi.

Akolosiyi 3:4

Esa n Kristi nwo zhin eyi wye-wyeyi hin-hin, wa jezeɓe fye ɓei bmiya na fyei bwa owo mwa-mwa.

Atasalunikayi II 2:8

Nsai oza nukwoyi ye ɓei ɓe, oza n Dagayi Yesu ɓei bmiwo na n wo gbe osun yi, woi wu wo, esa n wa jeze ɓe n cei.

Timatawus I 5:21

Mi ga ho wyidna ye n Shekwoyi abye n Dagayi Yesu Kristi yi, n wo a amalaika a Gyi-gyi-yi, fya zhin lonu kwo pasto yi zhin ho nungundo nu kwo to woi zhin ho nungundon. Fye zhin aza ɓo gmanyi.

Timatawus II 1:10

Nsaiye wo ku wuyi pei-pei, sanu eyi gniyi Yesu Kristi wa ɓe n cei, n wa bma efi iko ya wa wuyi wye-wyeyi nyalo-nyalo nya zokwo, dna n gaiciya ga nyi.

Timatawus II 2:14

Pa oho aza a gaiciya ye ɓo, ha gaɓa wyidna dna n Kristi eye ɓa to na aɓo tu n aɓo nba to na apma yin, aɓenaye pya to n na apmayin, ɓai dna aɓo wyegma har ɓai ɓe n wahalai.

Timatawus II 4:18

E, Dagayi ɓa gni mi n na aɓo nukwoyi vinya, wa lo mi dna n wo ebemi eshe nya. Mwa-mwa kwo kunsun n Shekwoyi nyalo-nyalo. Amin.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Titus 2:13

Yi shi esayi awye n yi pmi nyi, n na aɓei gyewo mwa-mwa wye n cei nyi, mwa-mwa eyi Shekwoyi dnagmayi n eyi Gniyi Yesu Kristi yi.

Bitrus I 1:7

A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Bitrus I 4:5

Ama fye pa ge tilas ɓa zhi n Wadayi vinya abye, awye-wyeyi da n na zafi yi, aɓei taɓa ngye shi ɓa sase wu.

Bitrus I 5:4

Esa n Kniknayi tukwoda ɓei jeze ɓe fye ɓei gwo lowonyi nkwo bmiya-bmiya ta shando nyin.

Bitrus II 1:11

Shekwoyi ɓa gu fye eshe abwokun-mi ya bmam, ntuge fya lo owo ebemi nyalo-nyalo nya eyi Dagayi nya, n ʼyi gniyi yi, Yesu Kristi.

Bitrus II 1:17

Mʼɓei tu n epe Gyi-gyi-yi sanu wo ɓei bmiyana n mwa n Shekwoyi owo Dada ɓei gawo nyi. Mʼɓei ku wo, begye yakwo, ikoda, latu nya, kwoi gmi n ʼshe kwoi ci ge, “omi Nugun ye-yei nu nyi. Owo ɓo dami n mwa.”

Yohanna I 2:28

Nsaiye emi aɓi, fye ku fi n zumunta agmada n Dagayi n na bai n wa ɓe fye ku kpe nge ɓeho to lon, vinyikwo to ɓei wo fye, fyei ta n na avun yin esa n wa ɓe n cei n.

YOHANNA ƁEWYEGYE 1:7

Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.