Timatawus II 3:16 - Alkawali Woiwoyi

¹⁶ Rubutu ka vinya littafi gyi-gyi-yi nya Shekwoyi nu ɓei da nwoʼgbei, kwo n na apma yi n yi aba ntu n nya wu ɓo, n kwo zhin gaiciya, ya kpe enya ye n kwo to bmiyan, dna n yi asese, kwo gayi kala ya zhin oɓo n kwo bmiya.

Timatawus II 3:16 ပူးပေါင်းရင်းမြစ်များ

Matta 13:52

Wa je ɓa gna ge, “Aza n ɓa kpe a Yahudawayi owa ye ɓai zhin ma bara nu, ɓa ku duciya bwa ngun aba wato alkawali ko-koyi n woi-woi yi.”

Matta 21:42

Yesu wa pmi wa nya ɓa, “Fye to shin ba n Shekwoyi ɓedan, ‘Kuta na nyamiyi ta ye, kwo nu la ze kusurwa kuta yakon? Degye kwo nu zhin ɓezhin-zhin wo-woyi Dagayi nya.’

Matta 22:43

Yesu wa nya ɓa ge, “Kniyi nu zhin Dauda woi daɓo dna n Zafun Gyi-gyi-yi iko woi yi wo ge Dagayiʼa?

Matta 26:54

Ama n Ma zhin lo nu, Litafi Gyi-gyi-yi ɓeda ɓanu wuna tu naɓo ye ɓa zhin nsai ye nyia?”

Matta 26:56

Ama aɓeye zhin lo nu n saiye ɓai nu ɓo na anabi ɓo da nu, shi acei kafi n Litafi Gyi-gyi-yi.” Nna ba hi nu na bara vinya ɓo fwa Wo, ɓa busi.

Markus 12:24

Yesu wa dnaɓa ɓe gbe ge, “Bo kwo gna fye gna-gna nyi, fye ta kpe Shekwoyi ɓeda ye lom. Fyei ta kpe Shekwoyi iko ye lom.

Markus 12:36

Gama Dawuda nwohin tukwo ɓei ci ge, ‘Zufun Gyi-gyi-yi nu ɓei daɓo n womi, sanu wo ɓei ci ge, “Shekwoyi ɓei gna emi Dagayi, sase tu mi bwaizhe bwa sai Ma ze oha nuwuyi oha pita kpenya.” ’

Yohanna 10:35

A ku aza yi ge ashekwoyi, oɓa nu n Shekwoyi ɓeda ɓe ɓa ɓa, Shekwoyi ɓeda kwo ta ce akatan.

Yohanna 3:20

Ɓa ɓo wun buzangna ʼshe nya nu, ntuge ɓa ɓei ye ɓa zhin aɓo nukwoyi fi n wyegmaa, to a gye ɓa wyen m.

Atnu-tnuyi Aɓozhin 1:16

Wa gna “Emi azaje dole Shekwoyi ɓeda kwa nu tu n Yahuda tukwo. Woɓo la Yesu kun aɓo ku anabci zhin tu wo tukwo kafin ama wo. Esu Dawuda nu ɓo da, shin Zafun Gyi-gyi-yi ɓei wu wo.

Atnu-tnuyi Aɓozhin 18:25

N Masar ozado ho ɓo ku Nabari manayi gna wo ntu Yohanna Baptisma zhin yi ɓo, n wo wu-wu yi tu Yesu tukwo, wo to ɓei n Shekwoyi yekpe yi n du deye m.

Atnu-tnuyi Aɓozhin 20:20

“Amma mi to fa fye gaiciya gna ɓo m. Mi ku gaiciya gna fye naza bye har ma dna n fye a puwa.

Atnu-tnuyi Aɓozhin 20:27

“Ntu ge mi to so Shekwoyi ɓeda m, mi-i ku kwo gna zaho-zahoyi.

Atnu-tnuyi Aɓozhin 28:25

Ɓa na Bo aje yi n mwa, ɓa kuka n ɓeda gmanyi shi n Bulus ɓo da ge, “Zafun Gyi-gyiyi ɓo ku ɓeda da cewo n anabi Ishaya gbe ge,

Aromayi 15:4

Aɓeye n na cei kafi n litafi tunyi n sapa nyi, a kafi ntuge ɓa wuyi-atnazhin n bugba kala bwayi nu. Nnabayi ya pmi peceiye n hakuri yi har ewyi n Shekwoyi ɓe zun laifi kni n efiyi.

Aromayi 2:20

Fye gye ge fye ɓa mi, fya wu aza n na ɓi yi Shekwoyi zokwo, ntu ge fye kpe owo wyidna yelo n ɓa zhin ɓeyekpe n gaiciya yi nyi.

Aromayi 3:2

E, ampanyi lo n oza ɓa n wo zhin Yahudiyi, Kmisunyi Shekwoyi ɓei gaɓa owo awyidna. (N nabai ɓa kpe, ɓa zhin wo ɓeye).

Aromayi 4:23

Nsaiye, ɓeda wo-wo yi ye nge aɓei gwo wo ntu nwo gaiciya ga ɓo nu, ko to ɓei zhin ntu Ibrahim gyi ba ɓo nu gmanyin.

Akorintiyi I 12:7

Zafun Gyi-gyi-yi zhin Wa wu Shekwoyi iko n zaho-zahoi mi ntu naza vinya a pma ɓo.

Agalatiyayi 3:8

Knido nu shan sun a? Littafi ɓei shi esa ye nu awye n Shekwoyi ɓa gni abyedo ntu ɓa gaiciya ga ɓo. Shekwoyi ɓei ku ce gna Ibrahim tunyi n sapai ge, “Miɓa tu aza anabarka nɓa fi n kni doho-doho n ɓa gami gaiciya, shi fye gami nyi.” Kwo wulonu, aza n ɓa ga Kristi gaiciya ɓa bwa anabarka shi Ibrahim ɓei bwa nyi.

Timatawus II 2:25

Gba hohin tukwo esa n ho wu aza, n gaiciya nku ɓa gmi aje. Gama n ha daɓo n ɓai peceiye n na atnazhin yi, kpekni, dna n Shekwoyi bmazhin ɓa ɓa pmi ɓe ɓa vi gaiciya.

Timatawus II 4:2

Zhin Shewoyi ɓeda waʼazi n esayi vinya, Esa n ha bwa bednu n sayi vinya. Zhin eho aza aba, esa n bednu nyi kwo n tna bednu, ha gnakni ɓa esa vinya n kwo kunce, gaɓa kala ɓa zhin ɓemana n esai vinya, nu ɓa n Shekwoyi ɓedayi.

Aibraniyi 11:1

Kni yi nu zhin gaiciya ga? Gaiciya ga kwo nu zhin bugba shi ge nya yi ye kwo ɓa zhin. Ko nu zhin gaiciya ga n bugba ge nya lo na bye kwo da shike yi ta mi ya to kwo bwa m, kwo kwa ya gye m.

Aibraniyi 3:7

Ntu deye ɓo, she Zafun Gyi-gyi-yi ku da, “Kna tnubua n mi ɓeda n naiye,

Aibraniyi 4:12

Gama Shekwoyi ɓeda zhin wyewyeyi nu. Ko gyi-gyi-yi sosai. Ɓehinhin, ko du beyakwo n gyi-gyi. Kwa fin za har bugba. Kwa wu asiri bmi peipei.