Timatawus II 2:24 - Alkawali Woiwoyi

²⁴ Shekwoyi aza ta ku ze anya wuyin, tilas ɓaku ze amishiyi, hakuri da, ɓai wu aza nɓa ku bwi aba.

Timatawus II 2:24 ပူးပေါင်းရင်းမြစ်များ

Matta 12:19

Wo ta sun okun kwo wa ɓewyi m, wo ta la begye tu m.

Yohanna 6:52

A Yahudiyi, ɓa ya aɓona na jei, ɓai gna, Oza deye ɓa mi nwuna wa ga yi owo nayi ya gyiʼa?

Atnu-tnuyi Aɓozhin 15:2

Amma Bulus n Barnaba yi ɓa dna ɓedayi wye n naza hoi ngnisun. Har kwa ze ikklisiya Antakiya nya, ɓa tnu Bulus n Barnaba yi ɓa lo a tukwoda aba n Urushelima ntu wu-wu deye pya ɓo.

Atnu-tnuyi Aɓozhin 23:9

Aɓo ɓa ku gmaje na shaula zhin ba. A Yahudiyi abye da ɓai gna ɓa to gye Bulus laifi m, Ɓa naɓo najei. Ɓa gna kpesun Zafun ko malaika nu ɓei daɓo n Bulus yi n Dimashika zokwo.

Atnu-tnuyi Aɓozhin 7:26

“Nwyihoi wa lo wa gye a Israilayi ɓai sungu ɓahin-ɓahin, wa gna kni ɓa wa gna, ‘kwo to bmiya lo fya sungu fyehin-fyehin m.’

Akorintiyi II 10:1

Omi Bulus, mi gyi fye wye pecei-ye shi Kristi n wohin tukwo ɓa zhin, ama azaho nfye mi cilo nge, “Bulus wasika woshan esa nwo gni n tagni, ama esa nwo si n ya, edna ɓawo wo wa daɓo nkalayi.”

Akorintiyi II 10:4

Mi zhin apma n Shekwoyi akun kaya akalada, to ge ado n zanyikwoci wa zhin nwo abwa yin, mi-imi shetan aba anukwoyi akalada ya m.

Akorintiyi II 6:4

Maimakon lo nu dna nyahonyahoi n ya zhin, yi wu ge yi zhin Shekwoyi abara nu, dna n hakuri bwa na wahala yi.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Afisusuyi 4:2

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

Afilibiyi 2:14

Nyaho-nyahoi n fye ɓa zhin, fye bui gunu-gunu da si na ɓena yi, na jeyi.

Afilibiyi 2:3

To ye hohin tukwon, to zhin ɓo n na bai aza ci hon, gba hohin tukwo, ha gye azaje ndu hohin.

Akolosiyi 3:13

Fye zhin peceye fyei zhin shiri fya zhin aza gafara. Fye to shi za n fye min, fye pa ge Dagayi n ku gafara zhin fye, ntucenu tilas fya zhin azaje gafara.

Atasalunikayi I 2:7

Ama yi ɓei zhin peceiye n efye aba, shi oɓi ya zhin wa gawo ɓi nyagyi peceiye nyi.

Timatawus I 6:11

O, Timatawus, ho zhin Shekwoyi zanu, bu aɓo nukwoyi ye si vinya, ha zhin oɓo n kwo wu cewo n bmiya, hoi tumwi ha kpema wu, hoi ye azaje, ha zhin hankuri n mi bwai.

Titus 1:1

Wasika ye kwo gmi n Bulus akun nu, Shekwoyi fyenu, Yesu Kristi tnu-tnuyi.

Titus 1:7

Tilas pasto wa ze oza nu n nata ciwo aɓenya n wo asesen, gama ɓa zhin Shekwoyi atnu-tnu zhinyi nu, ɓato zhin aɓekwo zhin yi, kwo a tna mi wanshi yi, to ɓa ze ajesin yin, agusun yin, kwo agyiwye shakpe; woyin.

Titus 1:9

Tile oɓa gaiciya ga kwa migni n kala yi, n na bai n ɓa ɓa mi ɓa wu azaje, ɓa wu aza n ɓa ta gwo oɓa ɓedan. Ɓa wu ɓa aba n ɓa bwi aba.

Titus 3:2

Ɓa to da ɓeda nukwoyi n zaho-zahoi tukwon, kwo ɓa wu anyan ama ɓa zhin peceiye ɓai zhin ɓemana n aza ba vinya.

Yakubu 1:1

Wasika ye gmi n Yakubu akun nu, Shekwoyi bara n Dagayi Yesu Kristi nya yi. Kwoi lo a Yahudiyi a Yesu-viyi aba, n ɓa busi yafi laɓa nyi, mi tnu fye lo n gnaɓiyi.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Yakubu 4:2

Fye ye nya n fye to n cei lon, ntu cenu fyei wu aza ntuge fya bwa. Fyei wo anya she nʼza cei lo, to fyei bwan, ntuce fya Iya anya n guyi ntuge fya gwo ɓa kwo, Duk dalili n kwo zhin fyei to n nyayilo n fye ye nyin ntuge fye ta nya Shekwoyi ɓon.

Bitrus I 3:8

Nsaiye ɓeda ye kwo ɓe fye abanu vinya. Fyeku ze ngye puwa yakwo ɓai dagma, fyei gye aje sun-sun fyei ye najei n bugba manayi n tukwo-gba yi.

Yahuda 1:3

Omi anugundo ye-yeyi mi zhin shiri maka ga fye ntu n gni-gni ɓo n Shekwoyi la gayi, Ama nsaiye kwo la ze dole ma ka fye n nyaho tukwo gbo, ma gna ge fye sunkun n wyei bmi ntu n gaiciya ɓo n Shekwoyi ɓei ga owo aza, bwa sun gmanyi, ɓa shikwo ntna doshanyi, aye yi mwa begye.