Timatawus II 2:14 - Alkawali Woiwoyi

¹⁴ Pa oho aza a gaiciya ye ɓo, ha gaɓa wyidna dna n Kristi eye ɓa to na aɓo tu n aɓo nba to na apma yin, aɓenaye pya to n na apmayin, ɓai dna aɓo wyegma har ɓai ɓe n wahalai.

Timatawus II 2:14 ပူးပေါင်းရင်းမြစ်များ

Matta 16:26

Kni gyibai nu n za ɓa bwa ge anyi vinya ɓa ku ze wo nya, ama wa tna wye-wyei nyalo-nyalo nya? A ɓa mwi wye-wyei nyalo-nyalo nya do n kniyi ya?

Atnu-tnuyi Aɓozhin 13:10

Wa ci wo ge, “Oho shetam ɓi ho zhin oza nukwoyi nu. Ho ta ye anya manayi m. Ho ta fa gaba zhin ɓo n Dagayi m?

Atnu-tnuyi Aɓozhin 15:24

Yi ku wo ge a Yesu viyi ho n la kunya ɓai gmi fye aɓo aje ge, tile fya shi Musa awyidna bwa, yi nu to tnu ɓa m.

Aromayi 14:1

A Fye gwo oza n wo ye wa ɓe da fye kwo owo gaiciya ga kwoi gba kala. To zunwo kni ntuge owo aɓonubozhin wulo gbo n ho nyai, tu aɓo tukwo n kwo bmiya n doi n kwo to bmiyan.

Agalatiyayi 1:7

Gama zokwo do to lo n du odo n ya wu fye nyi m, aza n ɓa shando ɓai pmi Kristi gaiciya bma, ɓanu dna fye kwo ce.

Afisusuyi 4:17

Mi daɓo n fyei dna n Dagayi, fyeto shan ase-se ngye a tna viyin, ntuge awye nku ɓa bua, aɓo ku ɓa gmi aje. Oɓa bugba gu-guyi lo n nunuyi n wyegmayi, ɓa mwa kpalo n wye-wyeyi Shekwoyi nya yi, ntuge ɓaku ɓa bugba gu, to ɓa wowon, ɓa ta kpewo a zokwo ye lon.

Atasalunikayi I 4:1

Omi azaje fye kpelo, shi fye ɓa da Shekwoyi bugba, dna n fye asese fyegyi-fyegyi, gama fye kpe wyidna ye lo n yi ɓei ga fye dna n Dagayi Yesu, Nsaiye yi gyi fye wye dna n Dagayi Yesu, nge fye zan-zan shi ya wu fye.

Atasalunikayi II 3:6

Wyidna nyi n yi ga fye, omi azaje, dna n eyi Dagayi Yesu Kristi eye n wo ikoyi. Fye to gyi nugundo n Yesu-viyi doho-doho yi n wo wo bwato, to woi ye wa vi tnu-tnu zhin zbo n kalai, ngye shi yi ɓei gna fye nyin.

Timatawus I 1:6

Ama a malami deye ɓa ku bwi zokwo, ɓai gyi ɓahin esa, ɓai na aɓo, ɓai daɓo n tna ce-ce.

Timatawus I 4:8

Nayi tnu-tnu n bmiya, amma Zafun tnu-tnu n du, kwoi bmaho zhin n nya n ho zhin. Ntu cenu tumwi ha ze Yesu viyi manayi, kwo ta bmaho zhin dna anyi ye nu gmanyin, ama har n doi n kwo ye ɓe-ɓelo.

Timatawus I 5:21

Mi ga ho wyidna ye n Shekwoyi abye n Dagayi Yesu Kristi yi, n wo a amalaika a Gyi-gyi-yi, fya zhin lonu kwo pasto yi zhin ho nungundo nu kwo to woi zhin ho nungundon. Fye zhin aza ɓo gmanyi.

Timatawus I 6:13

Mi ga ho wyidna n Shekwoyi abye, n wo ga aza wye-wyeyi vinya nyi. N Yesu Kristi abye n wo ɓei ga seida manayi n tna dna n Bunti Bilatus abye nyi

Timatawus II 1:6

Miye ma paho ha hohin yi, dna n ho wyepa n na akalai n ho n cei lo, tunyi ewyi n mi ɓei tuho bwa n tukwo, ma tuho anabarka nyi.

Timatawus II 2:16

La bui aɓeda kasa si n ɓa zhin aza ɓai gyi minagyi n na ajei nyi.

Timatawus II 2:23

Njesun ma ci ge to lo dna n na aɓena n ɓa lo n azayi n minagyi n.

Timatawus II 4:1

A Ntuce nu mi zhin ho gargadi n Shekwoyi abye, n Kristi Yesu yi, n wo ɓei da aza wye-wye yi n na azafiyi owa n wyihoi nyin. Esa n wo ɓei ɓe nwo begyi-yi.

Titus 3:1

Pa oho aza ɓa vi abegyi yi ɓo n na atukwodayi vinya, ɓa zhin n shiri yi zhin ɓa zhin aɓo manayi.

Aibraniyi 13:9

Shi Shekwoyi ta shan do nyin, to ye a malami doho-doho ɓa dna fye kwoce n nyawu nukwoyi m. Fa Shekwoyi alheri kwa ga fye kala. To ge anyagyi ho pya awyidna ko kwa zhibaje m, ɓa zhin banza nu-nnaza ba nɓa gyi ɓa nyi.

Bitrus II 1:13

Ama Dagayi Yesu Kristi ku wumi ge ema nyipyei n na nyiye, ɓaku ga nu, miɓa fi esa fyewyi sa n mi ye wye-wyeyi lo kpa, miɓa tnu fye na ɓepayei cici,