Timatawus II 1:9 - Alkawali Woiwoyi

⁹ Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Timatawus II 1:9 ပူးပေါင်းရင်းမြစ်များ

Matta 1:21

Wo ɓa ma eɓi nugbayi, Ho ɓa tu wo ʼye ge Yesu, (okwa wyega ge ‘Zagniyi’) ntu ge wo nu ɓa gni waza nɓa alaifi.”

Luka 10:21

Nsayi wa nu a agmada Zafun nya yi wa ci ge “Ma gode nhoi Shekwoyi dada, eshe nkni yi zhin ho nya nu. Ho ku aɓoye bwizhi aɓeyekpei azai nɓa kpe anyi ganyi. Amma hoi la ɓa guya gayi n yi n gaiciya ga n ho ngye aɓi nyi. O dada ma gode nhoi gama ho ɓei ye nlo nu nu.

Yohanna 17:24

Dada, mi ye aza no ku ga mi nyi, ɓa sase aba nmi nyi, ɓa gye mi mwa-mwa wye, mwa-mwa n ha ga mi ntu ge, ho ye mi tunyi to ai zhin anyi m.

Yohanna 17:9

“Mita gyiwye ntu aza vinya ɓo nu m. Ama mi gyiwye ntu naza ɓo nu nha ga mi nyi. Ntu ge ɓa nu zhin oha nya.

Yohanna 6:37

Aza n Dada ku gami nyi, tile ɓa ɓe mi aba. Mihin kwa mi ta nya ɓa yam.

Atnu-tnuyi Aɓozhin 15:18

Dagayi kpe wo shiri vinya, Wo ɓa mi wa zhin aɓo ngye shi wo shiri nyi tunyi nkmisun-yi.

Atnu-tnuyi Aɓozhin 2:47

Ɓai ci Shekwoyi, Har ezhi vinya kwa dagma nɓai, har Shekwoyi woi ɓe ɓa begye fyegyi-fyegyi.

Aromayi 11:14

Nna bai n kwo yezhin ma zhin ɓa ɓa ye enya n fye abyedo n cei lo, n zokwoyi magni azaho nɓa mi.

Aromayi 11:29

Gama Shekwoyi cauta n wo yiyi-i kwo ta shan kman, wotajeze n na vunyi n wo alkawali n wa zhin nyin.

Aromayi 16:25

Mi fi fye n Shekwoyi akun, n wo ɓa mi wa ga fye kala, fya mizhi n Dagayi nyi shi Nabari Manayi da. Shi ma gna fye n wu nyi. Shekwoyi gni-gni shiri nyi ntu n fye ɓo abyedo n soshi tnuyi n sapa. Ama shi anabi ɓei ku pmada shi Shekwoyi wa gbe, a zhin Nabari ye waʼazi lo n na abaho-bahoi, n na bai aza vinya n na anyi, ɓa ga Kristi gaiciya ɓa vi wo ɓo. Shekwoyi gmanyi n cece wum wo nu nyi, mwa-mwa kunsun n woi ntu n Yesu Kristi ɓo. Har nyalo-nyalo Amin.

Aromayi 3:20

Nsayi ye, hoku gye? Za to lo n naɓa zewo oza manayi n Shekwoyi abam, ntuge wo zhin ɓo n na awyid-na da m. Ntuge yi kpe Shekwoyi awyidnaye, ya gye to yi gna ɓa bwa shin, owo awyidna wu yi ge, yi zhin aɓe nukwoyi zhin yi nu.

Akorintiyi I 1:18

Gama Yesu fi-fi ti zundu nabari ko zhin gbolo-yi nu n aza bwi-bwi-yi aba. Ama n eyi aza gni-gni-yi aba, ko zhin Shekwoyi iko nu.

Afisusuyi 1:11

Ntu nya ɓo n Kristi n ku zhin, yi ku ze a cauta n Shekwoyi aba n ɓa da wo agma, gama dna n Shekwoyi shiri wo ɓei kni yi tunyi n sapa, aɓo vinya ɓei zhin shiwo ɓo zhin shiri nu.

Afisusuyi 1:9

Shekwoyi ku owo asiri wu yi nkwo ɓei so shi, dalili n wa tnu n Kristi yi, enya n wa zhin shiri dna n sun-sun gye tunyi n sapa.

Afisusuyi 2:5

Kwo da yake, yi ɓei fi-fiyi n zafun, akni zun yi ntu eyi alaifi ɓo, wa ga yi eyi a wye-wyei n jesun esanu n wo ɓei la Kristi kala n efi, ntu n wo ye-ye ɓo nu yi ku gni-gni bwa.

Afisusuyi 3:11

N zokwo n wa zhinkwo shiri dna n Yesu Kristi eyi Dagayi nyi.

Afilibiyi 3:14

Mi zhin atna masi asibui cezhi ba, ma gwo lada n Shekwoyi wa yi-yi ya lo she, ntu nya ɓo n Kristi Yesu wa zhin gayi nyi.

Atasalunikayi I 4:7

Gama Shekwoyi to yi yi, ya ze aza nu nɓa bugbayi nu-nuyi n cegye yi nun, n nu-nuyi n shakpe yin, ama ya ze aza agyi-gyi-yi.

Timatawus I 1:1

Wasika ye kwo gmi n Bulus akun nu, Waʼazi zhin yi Yesu Kristi nya, n Shekwoyi eyi gniyi n Yesu Kristi eyi Dagayi–eyi awyetu.

Timatawus II 1:1

Wasika ye kwo gmi n Bulus akun nu, Yesu Kristi waʼazi zhin yi, n Shekwoyi wa tnu n woi wa gna azanugbai n na anyikwozai n na aba vinya wye-wyeyi nyalo-nyalo nya ɓeda, nwa zhin kwo alkawali dna n gaiciya ga n Yesu Kristi nyi.

Titus 1:2

A tnu mi ma ɓe n gaiciya gai n aza ba nu n Shekwoyi la ɓa kni nyi, ma wu ɓa Shekwoyi gaiciya gaiciya n kwo shan aza wyewyeyi do nyi. N na bai ɓa bwa wyewyeyi nyalo-nyalo nya n Shekwoyi ɓei zhin ɓa alkawali tunyi kafin a sa anyi, woi ta ce a katan.

Aibraniyi 3:1

Ntu deye ɓo, ema zaje Gyi-gyi-yi, yi zhin Shekwoyi aza kni-kni yi nu. Fye ku efya bugba ga Yesu na tnu nwoi nyi. Eyi pirist dnagmanyi gaiciya ga nya.

Bitrus I 1:20

Shekwoyi ɓei kni wo tunyi n sapa to ai zhin anyin, ama n na anyipyei kmaknayi ye kwa ze anabarka n fya ba.

Bitrus I 2:9

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

YOHANNA ƁEWYEGYE 13:8

A zanyikwoci vinya, na ato n ɓa aye yi kafi n kugya wu-wuyi Littafi wye-wyeyi nya kafin anyi zhi san, ɓa ga Nyawan-nyawan nukwoyi mwa-mwa.

YOHANNA ƁEWYEGYE 17:8

Wo ɓei n wye-wyeyi ama nsaiye woto lon. Ama esafyewyi woɓa gmiɓe n bwokun tna cei, walo bwi-bwi nyalo-nyalo nya. N azai nɓa fi n anyi n ɓa aye to kafi lo n Littafi wye-wyeyi nya nyin, kafin a zhin anyi, ce ɓei woɓa nɓa ɓei gyewo n wo efi avun.