Timatawus II 1:8 - Alkawali Woiwoyi

⁸ Ndei ha zhin apma n ikoyei n kwo dna n ho nyi, hota wo aza dnan, n Dagayi ɓeda gnayi n, kwo ɓai kpe ge mi zhin ho nugundo nu, koda-yake mi dnalo n kurkuku ntu n Kristi eye ɓo. Ho ɓa gni n shiri yi zhin-ha sin wahala n miyi ntu n Dagayi-ɓo, gama woɓa gaho kala dna n na azhingye.

Timatawus II 1:8 ပူးပေါင်းရင်းမြစ်များ

Markus 8:38

Eza nwa womi vinyikwo n Mi nabari yi dna na nyipyei nukwoyi ye tna gaiciya ga nya, Emi, Kristi, sa Mi ɓei jeze ɓe dna Mi Dada mwamwa n na malalka gyi-gyi-yi Mi ɓei wo zahi vinyikwo ce.

Luka 9:26

“Omi Masihu, sa ma ɓe cei dna nmimwa-mwa nmi Dada mwa-mwa yi nmi amalaika gyi-gyi-yi, nɓei wo aza vinyikwo nɓa wo mi ɓeda vinyikwo lo nsayi ye nyi.

Yohanna 15:27

Tile, fya gna zaho-zahoi omi nabari, ntu ge fye ku kunsun n miyi tunyi n kmisunyi.

Yohanna 19:35

Oza n wo ɓe gye ɓeye nyi, owo nu ga saida ge, owo saida zhin gaiciya nu. Wo kpe lo ge wo da gaiciya nu, woiga saida ye nnabai fya ga gaiciya nu njesun.

Atnu-tnuyi Aɓozhin 5:41

Abara kun ɓai dagma gama ɓa ku kunce ɓa sun wahala ntu Yesu ɓo.

Aromayi 1:16

Nabari manayi Kristi nya vinyiko ta wo milon, Shekwoyi ikoda zokwonu n wo ɓe n na zayi ri Shemi n ɓa gwo ko. Aɓei zhin nabari ye waʼazi n kmisun na Yahudiyi aba nu, amma n sayiye ala aza vinya yi ɓa ɓe Shekwoyi aba n zokwo yeyi.

Aromayi 16:25

Mi fi fye n Shekwoyi akun, n wo ɓa mi wa ga fye kala, fya mizhi n Dagayi nyi shi Nabari Manayi da. Shi ma gna fye n wu nyi. Shekwoyi gni-gni shiri nyi ntu n fye ɓo abyedo n soshi tnuyi n sapa. Ama shi anabi ɓei ku pmada shi Shekwoyi wa gbe, a zhin Nabari ye waʼazi lo n na abaho-bahoi, n na bai aza vinya n na anyi, ɓa ga Kristi gaiciya ɓa vi wo ɓo. Shekwoyi gmanyi n cece wum wo nu nyi, mwa-mwa kunsun n woi ntu n Yesu Kristi ɓo. Har nyalo-nyalo Amin.

Aromayi 8:36

Awo, gama littafi a gnayi, ntu n wo ɓo tilas ya zhin shiri ya sin wahala n saho-sahoyi, yi wu ngye akni nu n ɓa pmi a wuɓa.

Aromayi 9:33

Shekwoyi ɓo ku pma ɓa gna dna nwo ɓeda wa cige, “Mila Apma shi na a Yahudiyi zokwo, aza n mwa begye ɓa ce bonyi n wo (Yesu) aza n ɓa gawo gaiciya vinyikwo ta wo ɓam.”

Akorintiyi I 1:6

Nya mi ɓei gna fye ge Kristi ɓo mi Wa zhin ga fye, kwo ku zhin.

Akorintiyi II 6:7

Dna yi ɓeda gaiciya nya, njesun dna Shekwoyi iko, yi zhin wo nya nu Ɓefyece nu zhin eyi agu okun nya, yi ba sunkun n kwoi nu, ya kna yihin.

Afisusuyi 3:1

Omi Bulus Yesu Kristi fyenu, mi dyna n kurkuku ntu n fye ɓo nu, ntuge mi zhin waʼazi ge efye abyedo fye zhin Shekwoyi nya nu ce.

Afisusuyi 3:13

Ntucenu fye to bma bugba ya ntu nyaɓo n ɓa zhin mi n ya nyin, Mi sin wahala ntu fye ɓonu, kwo bmiya lo fya gma fya bwa bugba kala ntu ce.

Afisusuyi 4:1

Mi gyi fye wye, emi nmi dna n kurkuku ntu Dagayi bauta ɓo nyi, fye zan-zan fya zhin aɓo n kunce n na zayi n na la ɓa kni, ntu n anabarka wo-wo yi ye pya ɓo.

Afisusuyi 4:17

Mi daɓo n fyei dna n Dagayi, fyeto shan ase-se ngye a tna viyin, ntuge awye nku ɓa bua, aɓo ku ɓa gmi aje. Oɓa bugba gu-guyi lo n nunuyi n wyegmayi, ɓa mwa kpalo n wye-wyeyi Shekwoyi nya yi, ntuge ɓaku ɓa bugba gu, to ɓa wowon, ɓa ta kpewo a zokwo ye lon.

Afilibiyi 1:7

Kwo wulo cewo ma wo n mi mi ntu fye ɓo ngye shi mi wo nyi, ntuge, fye dnalo n mi bugba mwa. Yila gni bwa ngnisun Shekwoyi anabarka esa n mi ɓei dna n Kurkuku nyi, n esayi n mi ɓei la gmi nyi. Mi-i sunkun ntu gaiciya ɓo mi-i gna aza Kristi nabari.

Afilibiyi 3:10

Nsaiye mi ku anya vinya ya, miku gye okwonu zhin zokwo gmanyi n za ɓa kpe Kristi ye, oza kpe iko ye n kwo ɓo je wo wye-wyeyi ga nyi, ma bwa awyega wahala sin nya, n fi yi ngnisun n woi.

Afilibiyi 4:13

Gama mi ɓa mi ma zhin nyaho-nyahoi n Shekwoyi a gnami dna n Kristi bmazhin n wo gami kala n iko yi nyi.

Akolosiyi 1:11

Yi zhin aduwa n jesun, wa nu fye n wo kala yi n mwa-mwa n na bai fya gyi abye ko knidonu yi na zhiʼa. Fya ze nu-nu yi n Dagayi agmada yi cici.

Akolosiyi 1:24

Ama emi tnu-tnu nu ma sin wahala ntu fye ɓo, ai dami lo, gama mi bmazhin lo ma nu Kristi azhingye n tu wo nayi ɓo, wato ikklisiya.

Atasalunikayi I 3:4

Ko esa n yi ɓei kunsun n fyeyi nyi, yi ɓei ku gna fye ge safyewyi wahala ɓa ɓe, kwoi la ku ɓe.

Timatawus I 2:6

Wa gawo wye-wyeyi ntu n na aza ɓo vinya. Ɓeda nyi n Shekwoyi wa tnu n cei dna n esa manayi n na lanyi.

Timatawus II 1:10

Nsaiye wo ku wuyi pei-pei, sanu eyi gniyi Yesu Kristi wa ɓe n cei, n wa bma efi iko ya wa wuyi wye-wyeyi nyalo-nyalo nya zokwo, dna n gaiciya ga nyi.

Timatawus II 1:12

Cenu zhin mi-i sin wahala dna n ya n kurkuku vinyikwoi ta wo mi lo n tu cen. Gama mi kpe ezaye lo n mi kpema wo, mi-i kpe lo nge wo ɓa mi wa gu enya n mi la gawo har ewyi n wo ɓa jeze ɓe n cei.

Timatawus II 1:16

Dagayi wo tu Onisifurus anabarka nwo puwa yi vinya, gama wo zhin mi ziyara woi gami bugba kala. Owo ziyara gami kala n gye ese manayi, to wa wo vinyikwo ge mi dna n kurkuku n.

Timatawus II 2:3

La oho robo dna n wahala sin ngye soja manayi Yesu Kristi nya. Shi mi zhin nyi.

Timatawus II 2:8

To ze gaiciya amwi n ge Yesu Kristi ɓei zhin zanyikwocinun, a mawo dna n Esu Dawuda efyen, woi zhin Shekwoyi nu, shi owo kala la n efi kwo wu yi.

Timatawus II 2:9

Ntuge ma zhin waʼazi gaiciya yakwo ye nya nu, cenu zhin mi-i dna gni n wahala n ya, ai lami dna n kurkuku ngye ɓenukwoyi zhin yi. Ama ato pa Shekwoyi ɓedan, kwo ai la mi pan.

Timatawus II 4:17

Ama Dagayi ɓei gnisun n miyi wa gna mi esa ma zhin waʼazi tna edna anyi vinya ɓa wo. Wa gni mi n na agaba ʼgbe.

Timatawus II 4:5

La mi gni to wo wahala dna n ho ɓa sin ntu n Dagayi ɓo m. Gni aza je ɓe n cei n Kristi aba. To fya ɓeho n tna zhinyi n kwo kunce ha zhin.

Bitrus I 1:5

Shekwoyi, dna n wo iko yakwo, wo ɓa shi fye bwa fya si ɓo n lafiyai n nabai fya bwa fya si ɓo n lafiyai n nabai fya bwa kwo, ntuge fye kpema wo lo. Kwo ɓei ze ofye nya dna n nyipyei kmaknayi n kwo ɓelo nyi zaho-zahoi wo gye.

Yohanna I 4:14

Har sahi, yiku gye n yihin awyeyi, yi gna anyi, nge Shekwoyi la tnu n wo Nugun yi wa ze anyi Gniyi.

Yahuda 1:24

Nsaiye, mwa-mwa vinya n wo aba n wo zhin Shekwoyi gmanyi nyi, n wa gni yi ntu Yesu Kristi ɓonyi, e, mwa-mwa n kalayi vinya, iko vinya n ebe yi owo nya nu tunyi n kmisunyi, ɓa zhin owo nya nu tunyi n kmisunyi, ɓa zhin owo nya nu ɓai ɓo zhin owo nya nyalo-nyalo. Wo n ikoyi lo wa shifye bwa to fya taya fya miya, waɓe n fye yi ntna laifi n gyi-gyi-yi, n wo abye, mwa-mwa n kasun ci agmada nya yi, nyalo-nyalo. Amin.

YOHANNA ƁEWYEGYE 1:2

Yohanna wa kaɓa kpe vinya, Shekwoyi ɓeda, n Yesu Kristi yi n na aɓei vinya n wo ɓei wo, woi ce woi gye.

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.

YOHANNA ƁEWYEGYE 12:11

Ɓa gyi nasara n wo tukwo n kugya ami yi nu, n ɓa seidayi gama ɓato ye ɓa wye-wyeyi m, ɓa gakwo ntu wo ɓo.

YOHANNA ƁEWYEGYE 19:10

Ma yashi nwo apita ma ga wo mwa-mwa, ama wa gna, lafa to zhin. “Gama mi zhin Shekwoyi fyenu nu n gye ho ce, n ho azajei a Yesu viyi, n ɓa zhin seida n ɓa gaiciya gayi n Yesu nyi.” Delili anabci ye nya vinya, n na ɓoi n ma wu ho nyi, ɓa zhin seida nu tu n Yesu tukwo.