Timatawus II 1:7 - Alkawali Woiwoyi

⁷ Gama Zafun Gyi-gyi-yi, Shekwoyi cauta, to ncei pma lo ha wo aza dnan, ama ha ce, ha bwa kala, ha ye ɓa, ha dagma n ho asese n ɓai.

Timatawus II 1:7 ပူးပေါင်းရင်းမြစ်များ

Luka 10:19

Mila iko ga fye tu anuwunyi tukwo, njesun fye ɓa zan-zan fi awa atan-tasin ɓedo anapisiyi fya kpe ɓa apita, nyaho ta zhin fyem.

Luka 15:17

“Sanu wo ɓei zhin anyi ɓo nubo, nsayi wa cige, Ai n yi puwa ko abara ma ɓa n nyagyi lo sosai. Amma mi gninyi ya mikun ɓamiya.

Luka 24:49

“Emice, mi ɓa tnu fye n nyai n mi dada ku alkawali zhin. Amma fye ku pmi fi n zhimi ye saidai ikwo n kwo gmi nshe kola ɓe da fye.”

Luka 8:35

Safyewyi aza yezhi ntuge ɓa gye nya kwa zhin, ɓa gye zayi, na kun alijenu ya nwo nyi n sasetu n ajei kpe ndna n wohin hankali. Odna wo aza n mwa.

Yohanna 14:27

Kyauta asese-lafiya nyami la fwa nfye aba; Omi asese-lafiya nya nu nmi ga fye, kwo kakayi lo nnanyi nya. Ntu ce nu bugba to wun fyem, fyei to wo edna m.

Atnu-tnuyi Aɓozhin 1:8

Ama Zafun Gyi-gyi-yi ɓei ga fye iko esa n wa ɓe ncei, fye da mi nabari dna n Urishelima n Yahudiya yi n Samariya yi n na bai vinya. Fye da ʼmi kala-la ɓo n vingwo.

Atnu-tnuyi Aɓozhin 10:38

Ho kpe lo ge Zafun Gyi-gyi-yi ɓo gnisun n Yesu yi, wa ga wo iko woi ka aza gna du azayi n ɓa aljanu yi, ntu ge Shekwoyi ɓo kunsun n woi.

Atnu-tnuyi Aɓozhin 20:24

Omi wye-wyei zhin gbeloyi nu sai dai ma zhin a pma n kwoi, ma zhin tnu-tnu n Shekwoyi ga mi nyi. Emi tnu-tnu nu ge ma gna azaje Shekwoyi yeye ɓo, nwo alheri yi.

Atnu-tnuyi Aɓozhin 21:13

Amma wagna ge, “Kni nu zhin fyei ci bwi a? Fye bma mi bugba ya nu. Mi n shiri zhin lo to ge ma lo kurkuku n Urushelima gmanyi m, amma ma fi ntu Dagayi Yesu Kristi ɓo.”

Atnu-tnuyi Aɓozhin 26:11

Mi ɓei zhin ma ga a Yesu viyi wahala abaho-baho yi, mi ye ge ɓa na Yesu aɓo. Mi ɓei pyena nɓayi, mi zan ɓa shin azhi yakwo, akniyi gbo-gbo.

Atnu-tnuyi Aɓozhin 26:25

Ama Bulus wa gna, “Mi ta cenya nu m, Festus duduyi, ama mi da gaiciya nu Behinhin.

Atnu-tnuyi Aɓozhin 6:8

Istifanus ɓei nu Zafun Gyi-gyi-yi iko yi. Ntu ce nu wa mi wa zhin aɓo wo-woyi.

Atnu-tnuyi Aɓozhin 9:22

Bulus wa gyi abye n waʼazi yi sosai, har ma wa du a Yahudiyi n ɓa nyi n Damashika nyi, ngye shi wo daɓo tu n Yesu tukwo ge wo nu zhin Masihu.

Aromayi 5:5

Nnavun, sanu n kwo zhin lonu, yiɓa mi ya bwa bugba kala ko knidonu na zhin yiʼa, yi kpe ge nyaho ta zhin ntuge yi kpelo shi Shekwoyi yeyi, yi wo ye-ye yi lo n yi abugba mi, ntuge Shekwoyi zafun dnalo n yi mi, woi nuyi a bugba n wo yeye yi.

Aromayi 8:15

Nlonu yi to ze ngye afyenu, yi wo dna n, ama yi zhin aɓo n gye Shekwoyi aɓi nwa gwo ɓa fi n wo iyali ɓai yiwo “Dada, Dada”.

Akorintiyi I 2:4

Mi to ɓei zhin waʼazi n ɓeda dadai yi zanyikoci ɓeyekpe nyam, ama Zafun Gyi-gyi-yi ɓei dna n ma ɓeda Woi wu aza nɓa ɓa wo nyi ge, tnutnu ɓo gmi n Shekwoyi aba nu.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Akolosiyi 1:8

Owo nu na gnayi ye-ye dnagmayi ɓo, nfye cei lolo n na azaje aba nyi, n Zafun Gyi-gyi-yi wa ga fye nyi.

Aibraniyi 2:15

Wo ɓo ye ntu ge wa gni aza nɓa wo efi dna tunyi nɓa ma wyi. (Nna bai ɓa po har abada).

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Yohanna I 4:18

Yi to n dna apma yi lo n za aba nwo ye yi lo cewon, owo ye-ye n yi aba n la aɓo dna nya nyayi ya, n woɓa zhin yi nyi. N ya wo edna, yiwo oɓo dna nu n wo ɓa zhinyi, kwa wu nu ge yita kpelo shi wo ye yi nsun.