Timatawus II 1:5 - Alkawali Woiwoyi

⁵ Mi kpe lo shi ho kpema Dagayi n sun, shi oho ya Afniki n oho nyikwo-wyi yi Lois ɓei zhin, mi tabata lo ho ye kpemawo lo, shi ho ɓei kpema wo nsapai.

Timatawus II 1:5 ပူးပေါင်းရင်းမြစ်များ

Yohanna 1:47

Shi Yesu ɓo gye Natanailu ɓai ɓe wa ci ge, “Gyewye, wo nu zhin Israilayi ɓehin-hin nya, wo ta zhin awyebui m.”

Atnu-tnuyi Aɓozhin 16:1

Bulus n Sila yi ɓa lo Darbe, n sayi ɓa lo Listra aba nu ɓa ɓo gye Timatawus. Timatawus n wo aza mayi ɓa ɓei zhin a Yesu viyi nu! Owo ʼya ɓo zhin Yahudiyi nu amma owo dada ɓo zhin Heleniyi nu.

Atnu-tnuyi Aɓozhin 26:26

Esu Agaribas kpe aɓeye lo, Mi da ɓeda ye n bugba kala yi, ntu ge aɓeye to zhin aɓo woi-woi nu nwo aba m, ntu ge ato zhin ɓa n vi nu m.

Aromayi 14:14

Nmi aba, mi kpelo lalle dna n Dagayi Yesu iko, nyaho to wunya lon, n na abu gyi yi n na zun sha ga eshan. Ama, nza gna ge kwo zhin ɓenukwoyi nu, to, wo to zhin m, ntuge n wo aba kwoto bmiya lon.

Aromayi 14:5

Azaho zhin nubo ge a Yesu viyi ɓa shi a Yahudiyi anyipyeyi asun-sun nya nu bwa, anyipyeyi n ɓa ɓa ga Shekwoyi mwa-mwa n cei, ama aza ho ci ge kwo zhin gbelohi nu nya zenu za zhin aɓei pya, ntuge anyipyeyi vinya zhin Shekwoyi anya nu. Nna beye pya ozaho-zahoi nu ɓa zhin oɓo n kwo kunce.

Aromayi 15:14

Mi kpe lo fye zhin aza manayi nu n ceceyi, omi azaje, fye kpe aɓeye ye lo n fye ɓami fya wu azaje ɓa.

Aromayi 4:21

Wo ɓei n gaiciyai ga ge Shekwoyi ɓa mi wa nu ɓo n wa da.

Aromayi 8:38

Ntuge mila gaiciya ga nyaho tami kwa gnayi aje n Shekwoyi yeye yi n. Efi ta min, wyewyei ta min, a malayika ta min, anapi kala vinya ta min kwa gwo yi Shekwoyi yeye yan, Eyi dnawo n naiye nya, n bugba wun yi nsu nya yi.

Akorintiyi II 6:6

Yi ku yihin tukwo wu ge, yi zhin Shekwoyi abara nu dna n yi zan-zan gyi-gyi-yi, n yeye gaiciya nya yi, n hakuri yi dna n Zafun Gyi-gyi-yi.

Timatawus I 1:5

Enya n kwo womi pwa lo kwonu ge a Yesu-viyi n ɓo vinya ɓa ku nu n ye-yei n kwo gmi n na bugba gyi-gyi-yi oɓa bemwi n gyi-gyi-yi, oɓa gaiciya ga kwa bwa kala.

Timatawus I 4:6

Nha zhin azaje bayani ye pya, ho nu ho tnu-tnu nu n gye Pasto, n wo n nuboi fu n gaiciya gai n nyawu gaiciya nya yi n ho vi nyi.

Timatawus II 1:12

Cenu zhin mi-i sin wahala dna n ya n kurkuku vinyikwoi ta wo mi lo n tu cen. Gama mi kpe ezaye lo n mi kpema wo, mi-i kpe lo nge wo ɓa mi wa gu enya n mi la gawo har ewyi n wo ɓa jeze ɓe n cei.

Timatawus II 3:15

Ho kpelo shi, esa n ho ɓei zhin ɓinayi nyi, aɓo ki Shekwoyi ɓeda wu ho, okwonu la ho ce ha gwo Shekwoyi gni-gni dna n gaiciya ga n Kristi Yesu.

Aibraniyi 11:13

Aza ye vinya ɓaku kpe ma Shekwoyi. Nya wo ɓei zhin ɓa alkawali, ɓa ɓo la kwo ga gaiciya. Amma ɓa to ɓo gwo anya vinya n Shekwoyi ɓei zhin ɓa alkawali m. Ɓa ɓei la ye ɓa gwo alkawali, amma ɓa ku ɓa nya fi. Amma ɓa ɓei nagmadayi ntu ge ɓa ɓo kpe ge anyi ye to zhin ɓa nya num. Eyi puwa lo n ʼshemi nu.

Aibraniyi 6:9

Aza to lo n wu ngye ekni nukwoyi ye m? Alo, ama emi azaje fye to wu lo ngye ɓa m. Fye na tnu-tnu manayi lo. Njesun Shekwoyi zhin wa tu fye anabarka.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.