Timatawus II 1:12 - Alkawali Woiwoyi

¹² Cenu zhin mi-i sin wahala dna n ya n kurkuku vinyikwoi ta wo mi lo n tu cen. Gama mi kpe ezaye lo n mi kpema wo, mi-i kpe lo nge wo ɓa mi wa gu enya n mi la gawo har ewyi n wo ɓa jeze ɓe n cei.

Timatawus II 1:12 ပူးပေါင်းရင်းမြစ်များ

Matta 12:21

Owo ye ɓa ze anyi vinya awyetu.”

Matta 24:36

Ama ezaho to lo n wo kpe nyipye ye lo ko esa nu esa kmaknayi ɓa ɓe n ceyi m, ko amalaika. Ko Shekwoyi Nugun, sai Dada gmanyi vonu kpe lo.

Matta 7:22

N wada wyi, aza mwa begye ɓei ci mi ge, ‘Dagayi, Dagayi yi ku ho nabari gna azaje har ya kun azafun nukwoyi ya n hoye yi, yi zhin aɓo wo-woyi n jesun.’

Luka 10:12

Har ma a Sodoma yi ɓo ku gnafye bmiya zhi n owada wyi, n ɓa nu ɓo zhin alaifi da nyi.

Luka 23:46

Yesu wa la begyetu wa cige, “Dada, n ho akun nu mi ga mi wye-wyeyi.” Shi wo ɓei zoda lonu wa fi.

Yohanna 17:15

Mi ta zhin aduwa ge ɓa kun ɓa nanyi num, ama ha kna ɓa n shetan iko.

Yohanna 6:44

Zaho-zahoi ta mi wa ɓe mi abam, sai Dada gna wo ge wo ɓe. Mihin mi ɓei la wo kala n vingwo n nyipyei kmaknayi.

Atnu-tnuyi Aɓozhin 13:46

Bulus n Barnaba yi kuwa ɓa cige, “Kwo yi zhin dole nu ya ɓe fya ba a Yahudiyi n nabari manayi. Amma n saiye fye la yi ɓo na, fye ta ye yi ɓeda lo m. Ntu cenu yi lo abyedo aba nu.”

Atnu-tnuyi Aɓozhin 13:50

Amma a Yahudiyi atukwoda ɓa la gyikici ka. Ɓa zhin a nya Bulus ya n zhi yi.

Atnu-tnuyi Aɓozhin 21:13

Amma wagna ge, “Kni nu zhin fyei ci bwi a? Fye bma mi bugba ya nu. Mi n shiri zhin lo to ge ma lo kurkuku n Urushelima gmanyi m, amma ma fi ntu Dagayi Yesu Kristi ɓo.”

Atnu-tnuyi Aɓozhin 7:59

Shi ɓa ɓo kni wo akuta Istifanus wa zhin aduwa wa gna Dagayi Yesu gwo mi wye-wyeyi.

Atnu-tnuyi Aɓozhin 9:16

N ɓa wu wo shi wo ɓa sin, wahala nsun ntu mi ɓo.”

Aromayi 1:16

Nabari manayi Kristi nya vinyiko ta wo milon, Shekwoyi ikoda zokwonu n wo ɓe n na zayi ri Shemi n ɓa gwo ko. Aɓei zhin nabari ye waʼazi n kmisun na Yahudiyi aba nu, amma n sayiye ala aza vinya yi ɓa ɓe Shekwoyi aba n zokwo yeyi.

Aromayi 9:33

Shekwoyi ɓo ku pma ɓa gna dna nwo ɓeda wa cige, “Mila Apma shi na a Yahudiyi zokwo, aza n mwa begye ɓa ce bonyi n wo (Yesu) aza n ɓa gawo gaiciya vinyikwo ta wo ɓam.”

Akorintiyi I 1:8

Wo la ye har nyalonyalo ayi fye aza kni-kni-yi, tna laifi n ɓenukwoi yi dna Wo nyipyei jezezhi nya.

Akorintiyi I 3:13

Zaho-zahoi tnu-tnu dai aɓei pmi ko gye nʼna nu. Wada wyi nu n Kristi ɓei pmi ko gye n wohin tukwo yi. Ena nu ɓei wu ko tnu-tnu yi bmiya lo, ko koto bmiya lo m.

Afilibiyi 1:20

Gama mi zhin nubo n na awyetuyi, mi ta zhin ɓeho n kwo ɓa zhin mi ma wo mihin vinyikwon, ama ma gni n shiri yi zhin n saho-sahoi, ma da Kristi nabari n bugba kalayi, sa n mi dna n na a zhin gye n ya, shi mi shin gye n sapa n na abai ma ga Kristi mwa-mwa, kwo mi-i n wye-wyeyi kwo mi ya fi.

Afilibiyi 3:10

Nsaiye mi ku anya vinya ya, miku gye okwonu zhin zokwo gmanyi n za ɓa kpe Kristi ye, oza kpe iko ye n kwo ɓo je wo wye-wyeyi ga nyi, ma bwa awyega wahala sin nya, n fi yi ngnisun n woi.

Afilibiyi 3:21

Sanu n wa jeze ɓe, wo ɓa la anayi fi-fi ye waga yi anayi mwamwa nya, ngye owo nya, woi zhin apma n iko dnagmayi, n wo ɓei zhin apma n cei wa gyi nasara n na ba vinya nyi.

Afilibiyi 3:8

E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Atasalunikayi I 2:16

Ɓai zhin atna to ɓa ye ge yi zhin abyedo waʼazin, ɓai wo dna ge azaho ɓa pwo. Ntu cenu oɓa laifi ce kwoi mwa. Ama Shekwoyi minagyi n la ɓa wan.

Atasalunikayi I 5:4

Ama emi aza je, fye to filo n wyegma n na aɓeye tukwon, Dagayi nyipyeyi to ɓei ɓe efye aba ngye evin.

Timatawus I 6:20

O, Timatawus, to gba a kala na ɓeye zhin yi, n Shekwoyi wa fi ho n na akun nyin. To vi aɓenai, a cije nya n ɓa gma n ɓa ɓeyekpe yi nyin. Ɓai wu nu nge ɓa to n ɓeyekpe yi lon.

Timatawus II 1:14

Mi ye ha gu kpezhin, cauta dnagmayi n Shekwoyi wa gaho nyi, n ho ɓei gwo n Zafun Gyi-gyi-yi aba n wo dna n ho mi nyi.

Timatawus II 1:16

Dagayi wo tu Onisifurus anabarka nwo puwa yi vinya, gama wo zhin mi ziyara woi gami bugba kala. Owo ziyara gami kala n gye ese manayi, to wa wo vinyikwo ge mi dna n kurkuku n.

Timatawus II 1:18

Dagayi wo tuwo anabarka ewyi n Kristi ɓei jeze ɓe n cei. Ho gna kpelo shi wo ɓei bmami zhin n Afisus.

Timatawus II 1:8

Ndei ha zhin apma n ikoyei n kwo dna n ho nyi, hota wo aza dnan, n Dagayi ɓeda gnayi n, kwo ɓai kpe ge mi zhin ho nugundo nu, koda-yake mi dnalo n kurkuku ntu n Kristi eye ɓo. Ho ɓa gni n shiri yi zhin-ha sin wahala n miyi ntu n Dagayi-ɓo, gama woɓa gaho kala dna n na azhingye.

Timatawus II 2:9

Ntuge ma zhin waʼazi gaiciya yakwo ye nya nu, cenu zhin mi-i dna gni n wahala n ya, ai lami dna n kurkuku ngye ɓenukwoyi zhin yi. Ama ato pa Shekwoyi ɓedan, kwo ai la mi pan.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Titus 3:8

A nyaye n ma gnaho nyi ɓa zhin gaiciya nu, la nyimaɓa n na abai a Yesu viyi ɓa zhin peceiye, ɓa zhin ɓemana n sai vinya, gama kwo to bmiya lonu gmanyin, ama kwo zhin kwa ɓe n na ampanyi.

Aibraniyi 12:2

Yi shi Yesu nu awye, wo nu zhin yi gnabye. Vinyikwo to ɓei wo wo wa fi ntu ya laifi ɓon. Wo ɓei kpe ge kwo ɓa ɓe wo n mwa-mwai. Nsaiye kuwa wo tu lo n naba duduyi n kunsun n Shekwoyi n ʼshemi.

Aibraniyi 2:18

Wa sin wahala jaraba nya. Ntu lo nu, wo ɓa mi wa bma aza zhin n na zhin ɓa jaraba nyi.

Aibraniyi 7:25

Gni-gni nwo ga nyi, kwo nu-nuyi lo njesun kwo zhin nyalo-nyalo nya nu. Yesu nyi nyalonyalo. Ntu cenu Yesu ɓa mi wa gni aza nɓa ɓe wa ba nyi. Wo zhin wa gyi Shekwoyi wye ntu yi ɓo.

Bitrus I 1:5

Shekwoyi, dna n wo iko yakwo, wo ɓa shi fye bwa fya si ɓo n lafiyai n nabai fya bwa fya si ɓo n lafiyai n nabai fya bwa kwo, ntuge fye kpema wo lo. Kwo ɓei ze ofye nya dna n nyipyei kmaknayi n kwo ɓelo nyi zaho-zahoi wo gye.

Bitrus I 4:16

Ama kwo to zhin vinyiko ɓonu oza sin wahala she wo vi Yesun, ci Shekwoyi she ho zhin Yesu nya nu, har ai yi ho n wo ʼye latu nya yi.

Bitrus I 4:19

Ntuce nu fye sin wahal a ntu Shekwoyi ɓeye zhin ɓo, gyi abye n ɓe-manai-zhin-yi, fya kpema Shekwoyi n wa zhin fye nyi, ntuge wota yafyen.

Yahuda 1:24

Nsaiye, mwa-mwa vinya n wo aba n wo zhin Shekwoyi gmanyi nyi, n wa gni yi ntu Yesu Kristi ɓonyi, e, mwa-mwa n kalayi vinya, iko vinya n ebe yi owo nya nu tunyi n kmisunyi, ɓa zhin owo nya nu tunyi n kmisunyi, ɓa zhin owo nya nu ɓai ɓo zhin owo nya nyalo-nyalo. Wo n ikoyi lo wa shifye bwa to fya taya fya miya, waɓe n fye yi ntna laifi n gyi-gyi-yi, n wo abye, mwa-mwa n kasun ci agmada nya yi, nyalo-nyalo. Amin.