Timatawus I 5:6 - Alkawali Woiwoyi

⁶ Ama to ge ɓai gyi esa, ɓai zan laɓa, ɓai zhin agnagbain, kwo ɓai da aza ɓon, ɓai zan anyi gmada shin ga ɓahin, n lonu ɓai wu ɓahin wyewyeyi n.

Timatawus I 5:6 ပူးပေါင်းရင်းမြစ်များ

Matta 8:22

Ama Yesu wa gna wo, “Vi mi n sayiye, Fa aza nɓa fi-fiyi dna n zafun ɓa bi aje.”

Luka 12:19

Nsayi ma ci mi wye-wyeyi ge, la sun lonu, gama ho n nyagyi lo har n ayei mwa. Ntuce nu dagma ha gyi hoi sin.’

Luka 15:13

Nsayi oɓi yi wa ku owo akaya wa lo ezhi ho nkpayi. Wa gyi agyiwye yi vinya. Wo si nyagyi ga aza laɓa, woi ce wo gyi a karuwa.

Luka 15:24

Gama emi ɓi ye ɓei la fi, amma wola jeze ɓe. Wo ɓei la bwi amma ala wo gye.’ Sai n agmada yi nu sayi.

Luka 15:32

Amma kwo bmiya lo ya dagma. Gama wo zhin oho mado nu wo ɓei la fi amma wo la jeze ɓe. Wo ɓei la bwi amma a lawo gye wye.”

Luka 16:19

Yesu wa cige, ozaho ɓei nyi n agyiwye yi sosai. Wo ɓei na je yi n mwa har woi dagma n saho-sahoi.

Luka 7:25

Fye ɓei gye wo n naje manayi kpe aje anakoi? Awo! Ai aza n ɓa dagma ɓa fi nsu puwa nu to ge n zhabui m.

Afisusuyi 2:1

Nsa dohoi fye ɓei fi n Shekwoyi knitu sinta, n zunkni zhi nyalonyalo ntu n fye alaifi ɓo.

Afisusuyi 2:5

Kwo da yake, yi ɓei fi-fiyi n zafun, akni zun yi ntu eyi alaifi ɓo, wa ga yi eyi a wye-wyei n jesun esanu n wo ɓei la Kristi kala n efi, ntu n wo ye-ye ɓo nu yi ku gni-gni bwa.

Afisusuyi 5:14

Cenu zhin Shekwoyi woi daɓo, n wo ɓeda wa cige, “Fye kun agyewyi, o, gye-wanyi, fye kukala n efi, Kristi ɓa ga fye buzangna.”

Akolosiyi 2:13

Fye ɓei ku fi fi n fye alaifi, ato ɓei zun fye a shakpe a laifi nya yan. Wa ga fye aba dna n Kristi wye wyeyi gama wo ɓei ku fye zhin gafara.

Timatawus II 3:6

Azayi pya nu lo aza puwa ɓai gyi nugundo n na anyikwo tna ceceyi, alaifi yi nu bugba, ɓa wu anyikwozaye oɓa zokwo woi-woyi.

Yakubu 5:5

Fye ku sun fi n na anyi, dna n anyida, fyei fu fyehin bugba, nsaiye efye abugba awye-wyeyi zhin ɓa pmi shazun nyipyeyi nu.

YOHANNA ƁEWYEGYE 18:7

Wola sase dna n nanyi do n agmadai, mwi kwo do n kasu n ibugbawunyi n anyi. Nsayi woi gma nge, ‘Mi zhin Sarauniya nu tu n mi esu-shinkpegye, mito zhin anyigbai banzanya nun, mi ta kpe bugba wun yen.’

YOHANNA ƁEWYEGYE 3:1

Zuwa ikklisiya tukwoda n Sardisu: Tnu-tnuye gmi n oza aba nu nwo n na Zafun Shekwoyi nyai n gun tnabai shi, n na a kpasu yi n gun tnaba. Mi kpe hoye lo n ge ikklisiya wye-wyeyi n tnutnu-zhinyi, amma ho fifi yilo.