Timatawus I 5:5 - Alkawali Woiwoyi

⁵ Ikklisiya kwo bma a nyigbai zhin n ɓato n nyahoi n, ɓai to na zayi lon, ndei ɓa kmi awye shi Shekwoyi ɓai zhin aduwa n esai vinya.

Timatawus I 5:5 ပူးပေါင်းရင်းမြစ်များ

Luka 18:1

Nwyihoi Yesu wa gna owa bara nabari ho n nabai wa wuɓa ge ɓa zhin aduwa cici. Har ɓa bwa amsa.

Atnu-tnuyi Aɓozhin 26:7

A Israilayi abye ngun awo-cei-aba, ɓa zhin atna nyipyei n sukwoyi ge ɓa gye alkawali ye nunu nɓa ʼsa, ama nsayi ɓa la mi ze laifi da.

Atnu-tnuyi Aɓozhin 6:1

Shi a Yesu-viyi ɓei ku mwa begye a wahala ya kala ku. A Helleniyi ɓai gna, ata gye ɓa nuwan lo n ɓa anyigbayi-yin. A gna a Ibraniyi anyi-gbayi nyagyi ga lo.

Atnu-tnuyi Aɓozhin 9:39

Ba lo n woi aba n ɓa ɓei woi dna. Anyigbayi ɓo fi ɓo nmwa ɓai ci bwi ɓawu wo anya n Tabita ɓei zhin woi ga ɓa.

Atnu-tnuyi Aɓozhin 9:41

Wa shi wo bwa wa laka wa yi a viyi ɓedo anyigbayi ɓa ɓe wa wo ga ɓa.

Aromayi 1:5

Nsayi ye dna n Kristi, ala Shekwoyi alheri zeya pu eyi alaifi da n yi to kunce lo yagwo kwo gmanyi n amin. Nsayi ye wo tnuyi nge yi lo anyi, yi gna aza vinya n na bai vinya, aɓo ayakwo n Shekwoyi ku zhin ɓa nabai ɓa ga gaiciya ɓa vi wo ɓo.

Akorintiyi I 7:32

Nyaho-nyahoi fye ɓa zhin, mi to cei pma lo zaha zhin ko dna na ɓesam. Oza wo to nyikwoi dnam, wo ɓa mi wa zhin apma nwo sayi woi zhin Dagayi tnu-tnu, she kwo ɓa da Dagayi.

Akorintiyi I 7:34

Owo aɓopuawo n gnaje lo. Ɓinyikwoi nwa senu ce, oɓo gmanyi-gmanyi nu bwa wo sun. Ɓinyikoi wo to senun, owo ɓo pua-wonu wa zhin ɓo nkwo ɓa da Dagayi-dna ɓeho-ɓehoi wo ɓa zhin. Ama nyikwo nusei tile nu wa zhin aɓo-aje nubo, shi wo ɓa zhin wo puwa aba, shi wo ɓa zhin oɓo nkwo ʼɓa da wo ɓa.

Afisusuyi 6:18

Fye zhin aduwa cici, fye nya Shekwoyi ɓeho-ɓehoi n kwo dna n Zafun Gyi-gyi-yi ɓeye. Fye zhin atna n woi, fye pawo efya bukata ɓo, fye zhin aduwa ntu n na a Yesu viyi aje ɓo n na aba do.

Afilibiyi 4:6

Fye to damu ntu n nyaho-nyahoi ɓon, fye gna Shekwoyi efye abukata, to fya ze amwi fya sawa mi ntu na amsa ɓo n.

Timatawus I 2:1

Omi ɓeda nyi n ho aba, zhin aduwa n mwa ntu azaje ɓo, gyi Shekwoyi wye wa gye ɓa sun-sun. Zhin Shekwoyi godiya ntu nya ɓo nwo ɓa zhin ɓa nyi.

Timatawus I 5:16

Ma paho n jesun nge, nyigbai azanu ɓa shiwo bwa, ɓato fa deye n ikklisiya akun. Ikklisiya ɓa wu agyiwye kpe anyigbai tukwo nu nɓa to na zahoyi lon, kwo aɓa yi n ɓa ɓa kpe awye shi ɓan.

Timatawus I 5:3

Ikklisiya kwo shi anyikwoza bwa n oɓa aɓa n kufi, ndei ɓato n zayi lo n wo ɓa zhin.

Timatawus II 1:3

Mi zhin Shekwoyi godiya ntu ho ɓo, Timatawus nsukwoyi mi gyi emi Shekwoyi wye, nge wo tu ho anabarka n mwa, wonu zhin emi adada Shekwoyi, omi Shekwoyi nu n woi ce. Omi ɓomwi n mi asese vinya okwonu ma zhin ɓo n kwo dawo.

Bitrus I 3:5

Ntuge anyikwoza agyi-gyiyi sapa-nya, nɓa ɓei na wyetu yi n Shekwoyi aba nyi, ɓei zhin ɓahin nyigun lainu–ɓa ku ze oɓa ʼɓa ɓeda-viyi.