Timatawus I 5:1 - Alkawali Woiwoyi

¹ To daɓo n minagyi yi n zayi n wo kwo hon, ama daɓo n woi peceiye ngye oho dada, da ɓo n na za nawyi yi ngye oho azaje ye-ye yi.

Timatawus I 5:1 ပူးပေါင်းရင်းမြစ်များ

Matta 23:8

Fye to ye ge a yi fye ce, lo num! Ntu ge Shekwoyi gmanyi nu zhin fye Male, efye vinya zhin gmanyi nu n fya zaje yi.

Atnu-tnuyi Aɓozhin 14:23

Ɓa kni abyeda ga ɓa, ɓa zhin aduwa gaɓa n azumi yi sosai, ɓa fi ɓa n jesun n Shekwoyi akun.

Atnu-tnuyi Aɓozhin 15:4

Shi ɓa ɓo ku si Urushelima, ɓa lo abyeda aba. Bulus n Barnaba yi, ɓa wu abyeda ngye shi Shekwoyi lo tnu-tnu lo n ɓai n abyedo aba.

Atnu-tnuyi Aɓozhin 15:6

Abyeda ɓa yi aje zhi ɓa gundo, ntu ge ɓa zhin shaula tu n ɓeda ho tukwo.

Atnu-tnuyi Aɓozhin 20:17

Shi yi ɓo si Melitus, Bulus wa tnu Afisus atukwoda ɓo, ɓa she gun yi n nuwan gbe.

Aromayi 13:7

Fye gba ozaho-zahoi nya n kwo kunce, fye gba ofye gadu n bugba bui-bui, fye vi aza ɓo nɓa kpe n fye she. Fye ga aza mwa-mwa n kwo kunce nɓayi.

Agalatiyayi 6:1

Omi azaje, ndei Yesu viyi wa zhin laifi ho, ofye nfye ce zhi n Gyi-gyi-yi nyi, fya bma wo zhin fya jeze ɓe n woi, n na atnayi n zokwo manayi, fyei pa nfyehin ge kpekni nsu fye ɓei ka laifi zhin.

Timatawus I 5:17

A Pasto nɓa zhin tnu-tnu cewo n bugbai gmanyi, a gbaɓa dei-dei, a ciɓa dei-dei, tun baga aza n ɓa nyi-wye da waʼazi zhin n nyawu yi.

Timatawus I 5:2

Zhin anyikwoza anyigbakwoyi ɓo ngye oho aya, aɓi anyikwoyi n gye oho amapui, hoi zhin nubo manayi n ɓa tukwo.

Titus 2:2

Wu azakwoi ɓa ku ɓahin wanshi, ɓai zhin ɓe manayi, ɓai kpe gaiciya ye ɓai zhin ɓeho-ɓehoyi n ye-yei n bugba bwayi.

Titus 2:6

Elonu, gna aɓi-a-nuyi ɓa zhin peceiye ɓai wan ɓahin shi naɓo vinya.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Yakubu 5:14

Nyasan san Zaho lo? Wo yi a ikklisiya atukwoda ɓa zhin aduwa gawo, ɓa shin wo emi, ɓai yi Dagayi wa kawo gna.

Bitrus I 5:1

Nsaiye ofye a eklisiya tukwoda, omi n mihin mi zhin tukwoda nu, n ma wyei mʼɓei ku gye Kristi woi fi tu n zundu, n mihin mʼɓei bwa wo mwa-mwa, n wo latu yi esa n wa jeze ɓe cei, Oma tukwodaje, emi wyegyi nfya ba ge:

Yohanna II 1:1

Wasika ye gmi n Yohanna byeda, zakwoyi ikklisiya nya aba nu, kwoi lo nyikwoza ye-yeyi aba n Shekwoyi wa kni nyi, n wo aɓiyi n mi ye n mwa nyi shi azaje ye wo dna ekilisiya nyi.

Yohanna III 1:1

Wasika ye gmi Yohanna byeda aba nu kwoi lo Gayus emi za yeyeyi aba, n mi ye wo n gaiciya nyi.

YOHANNA ƁEWYEGYE 4:4

Esu ashinkpegye a ɓiyi n gun shiba cei anyi n she Esu Shinkpegye dnagmayi gun, n na atukwodai ʼshiba-cei-anyi n sase kpe n ɓa, n na ajei kpe n bui-bui n rawani zinariya nya yi wan n ɓa tukwo.