Timatawus I 4:8 - Alkawali Woiwoyi

⁸ Nayi tnu-tnu n bmiya, amma Zafun tnu-tnu n du, kwoi bmaho zhin n nya n ho zhin. Ntu cenu tumwi ha ze Yesu viyi manayi, kwo ta bmaho zhin dna anyi ye nu gmanyin, ama har n doi n kwo ye ɓe-ɓelo.

Timatawus I 4:8 ပူးပေါင်းရင်းမြစ်များ

Matta 19:29

“Zaho-zahoi n wo la wa pyi fa, nwa zaje yi, n wa mapui, n dada yi, n ʼya yi, nnyikwo yi, naɓi yi, kwo duciya, ntu ge wa vi mi, wo ɓa bwa gyiba har abwa tagyi ngye shi wa fa anya sun, njesun wo ɓa bwa wye-wyei nyalo-nyalo nya.

Matta 6:33

Wo ɓa ga fye ɓa n bugba da yi, ndei fya wo nu shi na bye kpa, fyei zan-zan ngye shi wo ye fya zan.

Markus 10:30

Nwo ta gwo gyiba abwa tagyim, tu nwo puwa, owo aje, owo amapwi, owo ya, owo aɓi, owo kni, nwahala sin yi. Anya deye vinya ɓa zhin wo nya nu, dna na ʼnyi ye n anyi ɓa ɓe lo nyi, njesun wo ɓa bwa wye-wyei nyalo-nyalo nya.

Luka 5:38

Ko zhin dole nu a fi je woi-woi n apa woi-woi ce.

Aromayi 8:28

Yi kpelo ge aɓo vinya nɓa bwayi ɓa lo tnu-tnu manayi n yi aba, ndei yi ye Shekwoyi lo, yi-i kunce lo nwo shiri yi.

Akorintiyi I 3:22

Wo la Bulus, n Apollos yi, n Bitrus yi ga fye ɓa bma fye zhin. Wo la anyi vinya ga fye fya zhan-pma ceyi, wye-wyei ɓedo nʼfi yi ofya afyenu nu. Wo ku anya vinya ga fye nɓa lo n sayi ye ɓedo na nya yi nɓa ye ɓeɓelo. Ɓa zhin fyanya nu vinya

Akorintiyi I 8:8

Pa ge Shekwoyi to damu lo ko yi gyi, ko to yi gyim. Ko ta zhin ya gba-gba m, n yi to gyi m, kwoi ta ɓe yi mwa-mwa yi ya gyi m.

Timatawus I 4:7

To wun esaya hoi naɓo tu n aɓo nɓa to tukwoi n, kwo aɓeda a tna cei, gyi esa n ho kalayi tu aɓo nu nɓa ɓa zhin ho ha mwa dna n Zafun.

Timatawus I 6:3

Azaho ɓa na aɓeye ɓo, ama ɓanu zhin wuwu hin-hin Dagayi Yesu Kristi nya. Oɓa nu zhin tushi asese manayi nya.

Timatawus I 6:5

Aɓenaiye n ɓa bugbai nunu yi n ɓenukwoyi, ɓa ta kpe gaiciya da m, n ɓa aba Nabari manayi zhin agyiwye bwa zokwo nu fye la bui ɓa si.

Timatawus I 6:6

Ho cei pma ha zhin nyabwayi hin-hin? Ho la ze nyabwayi n gye ho zhin ɓemana lo hoi dagma.

Timatawus II 3:5

Ɓa ɓei lo aduwa nyakun, ama ɓato ɓei ga nya ho gaiciya n ɓa wo n ɓon. To ye ɓa dna ho kwocen.

Titus 3:8

A nyaye n ma gnaho nyi ɓa zhin gaiciya nu, la nyimaɓa n na abai a Yesu viyi ɓa zhin peceiye, ɓa zhin ɓemana n sai vinya, gama kwo to bmiya lonu gmanyin, ama kwo zhin kwa ɓe n na ampanyi.

Aibraniyi 13:9

Shi Shekwoyi ta shan do nyin, to ye a malami doho-doho ɓa dna fye kwoce n nyawu nukwoyi m. Fa Shekwoyi alheri kwa ga fye kala. To ge anyagyi ho pya awyidna ko kwa zhibaje m, ɓa zhin banza nu-nnaza ba nɓa gyi ɓa nyi.

Yohanna I 2:25

Nwohin tukwo wo ku deye alkawali zhin yi wato wye-wyeyi nyalo-nyalo nya.

YOHANNA ƁEWYEGYE 3:12

“Oza n wa gyi nasara, miɓa ze wo jigo n mi Shekwoyi yakun, nyaho ta bwawon wo ta shagmin nyalo-nyalo miɓa ka emi Shekwoyi eye tu n wo, wa ze ekni ɓi n emi Shekwoyi aba. Woɓei bwa emi eye n katu n wo.

YOHANNA ƁEWYEGYE 3:21

Mi ɓa ye zaho-zahoi n wa gyi nasara wa sasetu n miyi n mi akujara-ebenya shi mi ɓei sase tu n gnisun n mi Dada nyi n mi ɓei gyi nasara nyi.