Timatawus I 4:3 - Alkawali Woiwoyi

³ Ɓa ɓei ci ge kwo to bmiya a pa mulan, kwo to bmiya a gyi abun, koda-yake Shekwoyi wa ga anya gye vinya, n na Yesu viyi abanu ɓa gyi ɓa n bugba bui-bui ɓai zhin godiya.

Timatawus I 4:3 ပူးပေါင်းရင်းမြစ်များ

Matta 14:19

Wa gna aza ge ɓa ku sase kpe nagbe-gbe, Wa ku bredi yi ngun atnu ɓedo na bmiya yi ngun aba, wa kpa wye wu she wa ɓa Shekwoyi ge wo tu nyagyi anabarka, wa sa-kwo-ya, wa ga abara ɓa ga ʼza.

Matta 15:11

Fye ta tu cegye ntu ge fya gyi nyagyi cegye da m. Nya fye da nyi, kwo nu ze fya cegye da.”

Matta 15:36

Wa go bredi tnaba yi na bmiya yi, wa zhin Shekwoyi godiya, wa sa ko ya ga wo abara ɓa pmi ɓa ga ʼza.

Luka 24:30

Shi aɓei ɓe n nyagyi wa sase ngnisun ɓai, wa shin bredi wa zhin Shekwoyi godiya, wa gnakwo ajeya wa gaba.

Yohanna 6:23

Aza ho ɓa kun n Tibariya, ɓa piya kpe vivi aba yi aza ɓai gyi buredi, n Dagayi ɓei tu kwo anabarka nyi.

Atnu-tnuyi Aɓozhin 27:35

Shi wo ɓo zo da lonu, wa la bredi wa zhin Shekwoyi godiya nɓa abye vinya, wa sa wa gyi.

Aromayi 14:17

Gama aɓo kpakaiayi n yi a Yesu viyi aba, kwo nu to zhin nyagyi n nyasin yi, ama ɓemana, bugba fu, n na agmada yi n Zafun Gyi-gyi-yi aba.

Aromayi 14:3

Aza n ɓa gye kwo to wunya lo ɓa gyi abuyi pyan, ɓato ci aza wyegba n ɓata gyin. Nho ta gyin to gye ɓa laifi n ɓa gyi nyin. Ntuge Shekwoyi la ɓa gwo ɓa ze owo aɓi.

Aromayi 14:6

Nho n na anyipyeyi kni hoi ga Shekwoyi mwamwa, ho ye ha lawo tu ho zhin ɓe manayi nu. Nlo nunce oza n wo gyi abu n na zun sha ga eshan. Wo sa Shekwoyi ami ntu nkwo ɓo, wo zhin ɓe manayi nu, oza ce n wo ta to abuyi bwan, wo zhin atna nu wa zhin oɓo n kwo da Dagayi, Woi zhin godiya.

Akorintiyi I 6:13

Shekwoyi la nubo gayi ntu nyagyi ɓo, ama tuge ya gyi ndu ya nubo-fu yam. To zhin nubo ge nyagyi zhin ɓo yako num, ntuge Shekwoyi ɓa du a nubo ya ɓedo n nyagyi yi n wyiho yi. Ama anagbai zhin to bmiya lom ko fyefye: a to zhin ya nayi ga ce num, ama ntu Dagayi ɓo, woi cei pma lo wa nu ya nayi n wohin tukwo yi.

Akorintiyi I 7:28

Ofye anugbai, nfye cei pma lo fya gyabye na nyikwo kuyi nsaiye, ɓenukwoi nu tom; Ko ɓinyikwoi senu dna saye pya, abui nu ton. Ama ce, mula pa ɓa ɓe a wahala ɓeɓe nu n mi to ɓo cei pma fya sin ɓa n saiye m.

Akorintiyi I 8:8

Pa ge Shekwoyi to damu lo ko yi gyi, ko to yi gyim. Ko ta zhin ya gba-gba m, n yi to gyi m, kwoi ta ɓe yi mwa-mwa yi ya gyi m.

Akolosiyi 2:16

Ntucenu fye to fa oza wa zan-fye laifi zanyi ntu n na anya ɓo n fye gyi ko nfye sin. Ko ntu ge fye ta shi a Yahudiyi anyipyei agyi-gyi yi bwa lon, ko epya woi ko asabar woyi m.

Akolosiyi 3:17

Enya vinya n fya zhin kwo fya da, fye fa kwa ze wakili Dagayi Yesu nya, fya ɓe n gnisun n woi n Shekwoyi Dada abye fya zhin wo godiya.

Timatawus I 2:4

Gama wo ye aza vinya ɓa pwo, ɓa bwa gaiciya ye awyega.

Timatawus I 4:4

Gama anya vinya n Shekwoyi wa zhin ɓa bmiya, yi ɓa mi ya gyi ɓa n bugbai gmanyi yi zhin godiya.

Timatawus I 5:14

Ntu cenu mi gye kwo bmiya lo anyigbayi a nawyi ɓa senu njesun, ɓa ma aɓi ɓa shi ɓahin puwa, n lonu ata da ɓeda nukwoyi tu ɓa tukwon.

Aibraniyi 13:4

Fye la mula ɓo shi dei-dei. Kada a zhin fye agma fya wunya. N fya wunya Shekwoyi ɓei dafye wa.

Aibraniyi 13:9

Shi Shekwoyi ta shan do nyin, to ye a malami doho-doho ɓa dna fye kwoce n nyawu nukwoyi m. Fa Shekwoyi alheri kwa ga fye kala. To ge anyagyi ho pya awyidna ko kwa zhibaje m, ɓa zhin banza nu-nnaza ba nɓa gyi ɓa nyi.