Timatawus I 4:1 - Alkawali Woiwoyi

¹ A Zafun Gyi-gyi-yi gnayi pei-pei n ge dna n sa pmaknayi azaho n ɓafi n ikklisiya ɓa ɓei na Kristi aɓo, ɓai vi a malami n ɓa lo tnu-tnu n Shetan ɓeye yi.

Timatawus I 4:1 ပူးပေါင်းရင်းမြစ်များ

Matta 18:7

“Aiya nanyi aba ntu kwo aɓo nukwoi ɓo, tile a jaraba ɓe, ama aiya n za aba n wa ɓe n jaraba bonyi cenya yi.

Luka 17:1

Nwyihoi Yesu wa ci owa bara ge, aza ɓa bwa jaraba cici ntuge ɓa lofi n laifi. Amma aya n oza aba n wo zhin jarabaye nyi.

Yohanna 16:13

Esa nu Zafun Gaiciya nya ɓa ɓe, wo ɓa dna fye n zokwo gaiciya nya. Wo ta gna fye owohin ɓeda nu m. Ama nya nu nwo ku wo. Wo ɓo gna fye aɓo nɓa ɓe lo nabye.

Atnu-tnuyi Aɓozhin 13:2

N wyihoi ɓai zhin aduwa Zafun Gyi-gyi-yi wa cige, “Mi ye Bulus lo n Barnaba yi ntu tnu-tnu ɓo n mi ɓa gaɓa”.

Atnu-tnuyi Aɓozhin 17:18

Wa gye aɓeyekpeyi ho, shi wo ɓo gna ɓa Yesu efi ɓo, nwo kala la yi, ɓa ma wo san, ɓa kpe wo agye, ɓa ci wo wyegba ɓa gna ge, “Wo nuna nu kwo ge wa ɓe n kunnu woi-woi nu.”

Atnu-tnuyi Aɓozhin 20:23

Amma Zafun Gyi-gyi-yi ku gna mi ge wahala lo na bye.

Atnu-tnuyi Aɓozhin 21:11

Shi wo ɓei ɓe yi amisa, wa ku Bulus belti, wa pa wohin apita na bwa yi, wa gna, “Zafun Gyi-gyi-yi wa gna ge elo nu aɓa zhin n belti dagayi yi a Yahudiyi ɓa pa wo n Urushelima ɓa ga wo dna a Romayi akun.”

Atnu-tnuyi Aɓozhin 28:25

Ɓa na Bo aje yi n mwa, ɓa kuka n ɓeda gmanyi shi n Bulus ɓo da ge, “Zafun Gyi-gyiyi ɓo ku ɓeda da cewo n anabi Ishaya gbe ge,

Akorintiyi I 10:20

Oɓo nyi mi da ge enya na ku gba kpe nʼshan to a ga Shetan nu, toge Shekwoyi m. Mito cei pma lo kwa fya ze gmanyi n shetan yim.

Akorintiyi I 11:19

Ama ko bmiya lo ajegna lo fya tasin, ntuge aza ɓa fi lo n gaiciya, a kpe ɓa ye pei-pei.

Akorintiyi I 12:11

Ama Zafun Gyi-gyi-yi gmanyi nu zhin aɓoye vinya, Woi gna anyaga ye n naza ba shi Wo wyewyeyi cei pma.

Akorintiyi I 2:10

Ama yi kpe aɓeye yelo ntuge Shekwoyi la tnu n Wo Zafun yi Wa gna yi, owo Zafun zhin wa bi aba ya vinya, Wa wuyi asiri shin-shin-yi Shekwoyi nya.

Akorintiyi II 11:3

Ama mi wo dna lo n vinvin yi, mi-i wodna sakun zaho wa pmi fye awyeya n fye gaiciya ga dna n Dagayi, shi shetan ɓei dna Hawawu kwoce dna n Adini ofwa nyi.

Akolosiyi 2:18

Fye to ye zaho-zahoi wa ci fye ge fye ku bwi, ntu ge fye ta zhin a malaika sujada lon. Shi ɓa gna fye ge tilas fya zhin nyin, ɓai gna ge ɓaku gye ruya ɓai kpela nge ko kuncelo fya gye. Aza tukwo mwayi (koda yake ɓa gna nge ɓata mwa ɓahin tukwon.) Ɓa ce-ceyi lo dna n ɓa aɓemwi.

Timatawus II 3:13

Ɓehinhin, a malami akatayi, n na aza nukwoyi ɓa ɓa gyi abye abye n ɓenukwoyi, ɓai dna aza kwoce n mwa, n ɓahin ce shetan n la ɓa dnakwoce.

Timatawus II 4:4

Ɓato ɓei kna ɓeda tnubua n Shekwoyi ɓeda dan, ama ɓa ɓei vi oɓa anubo zhin zokwo bwi-bwi nya.

Yakubu 3:15

Gama shewo n hohin tukwoye yi, ɓa to zhin Shekwoyi ce-ce pya nun. Aɓeye pya zhin anyi nyanu n tna zafun, shetan nu ce aɓeye pya bwa.

Bitrus I 1:20

Shekwoyi ɓei kni wo tunyi n sapa to ai zhin anyin, ama n na anyipyei kmaknayi ye kwa ze anabarka n fya ba.

Bitrus II 2:1

Ama a anabi akatai ɓei nyi nna nyipyei avun nyace, ngye shi amalami akatai ɓa kun nfye mi nyi. Ɓa ɓei ce akata nʼgbai tu n Shekwoyi tukwo, ɓai pmi avun wu ɓa Dagayi nwo ɓei si ɓa nyi; ama wahala bwi-bwi nya ɓelo tu nɓa jtukwo npye-pyei.

Bitrus II 3:3

Kmisunyi, miye ma pa fye ge dna n na nyi-pyei kmaknayi, agyekpei ɓei ɓe nɓa ɓei zhin aɓo nukwoi doho-dohoi nɓa kpelo, ɓai ma gaiciya ʼsan.

Yohanna I 2:18

Emi aɓi, anyi ye esa kmaknayi nla ɓe, Fye ku Kristi Nuɓayi ɓo wo, oza n wo zhin gaba n Kristi nyin-saiye azahi pya n mwa begye nku ɓe, deye wuyi ge anyi zo sa la ga si.

Yohanna I 4:6

Ama yi zhin Shekwoyi aɓinu, ntu cenu aza n ɓa kpe Shekwoyi ye ɓa nu knayi ɓeda tunbua. Azado ta won, Zokwonu njesun n yi ɓa kpe kwo ɓeda gmi n Shekwoyi aba nu, ntuge n kwo gmi nwoabanuanyitawon.

Yahuda 1:18

Nge n na anyipyei kmazoyi agyekpe yi ɓei ɓe, oɓa nufi vinya ɓa dabahin agma dna n zokwo nukwoyi doho-dohoi.

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.

YOHANNA ƁEWYEGYE 13:14

Wa zhin aɓo awo-woyi ye wo ɓei mi wa dna aza kwoce n na aba vinya, wo ɓei mi woi zhin aɓo a wowoi ye esa vinya n Nyawan-nyawan kmisunyi gni woi gye wo. Waga aza wyidna n na anyi nge ɓa zhin Nyawan-nyawan kmisunyi dogbe, n na ɓei la wo wu waje lakala nyi.

YOHANNA ƁEWYEGYE 16:14

A zafun, aɓo wowoyi zhinyi ye, ɓa si egbe do n asu anyi nyayi vinya, ɓa yeba zhi ɓa sunkun n Dagayi n nyipyeyi yakwoyi owadawyi, Shekwoyi ikoda nya.

YOHANNA ƁEWYEGYE 18:2

Wa sawyi n kalai, “Babila Dnagmayi nla miya, kwola miya, wola ze alijanu fiba, a guzhenyi a fazan zan ba, n zafun nukwoi dohodohoi.

YOHANNA ƁEWYEGYE 18:23

Wyegma, wyegma okwo asukwo vinyal kwo fitila ato ɓei gye n kwo atagan n I jesun ato ɓei je amula a shan won, n na amula ɓa n na amula anyikwoyi begye dadayin. A kpe owo anyansiyi ye vinya n anyi, n wa dna anyi kwoce n wo aɓeyi-sunyi

YOHANNA ƁEWYEGYE 19:20

A wan Nyawye-wyei n Anabi Katayi, n wo zhin aɓo wowoi esa n Nyawye wyei nukwoyi gni n cei nyi, aɓo a wo-woi nɓa dna aza kwoce n ɓa ɓei gwo Nyawye-wyei Nukwoyi zetu, n ɓa ga owo nya zhin-zhin mwa-mwa nyi, Oɓa ba Nyawye-wyeyi nukwoyi n wo anabi Katayi a sheɓa yafi n wye-wyeyi yi n ena zundna n kwo gyina n suffa yi nyi.

YOHANNA ƁEWYEGYE 2:11

Fa zahozahoi n wo wo atnubua ɓo wa wo oɓo n Zafun gna a ikklisiya. Oza n wo gyi nasara. Efi Bayi ta gye wo wyen.”

YOHANNA ƁEWYEGYE 2:17

“Fa oza nwo wo atnubua ɓo wa wo oɓo n Zafun gna a ikklisiya. Oza nwa gyi nasara, wo ɓa gyi n manna n kwo so shinyi. Asiri lafiya ganya n kwo soshi n eshe mi nyi, ma ga zaho-zahoi kuta buyi, n kuta yi mi ɓei ka eye tu n zahota kpe kwo yen, sai: oza n wa bwa kwo.”

YOHANNA ƁEWYEGYE 2:29

“Fa ozaho-zahoyi nwo wo atnubua ɓo, wa wo oɓo n Zafun gna a ikklisiya.”

YOHANNA ƁEWYEGYE 2:7

“Fa ɓedaye kwa lo zaho-zahoi tnubua n wo kna tunbua woi wo oɓo n Zafun gna a ikklisiya. Oza n wa gyi nasara, miɓa gawo, shinwa wye-wyeyi nya n kwo dna n Shekwoyi paradise wagyi.”

YOHANNA ƁEWYEGYE 20:10

Nnavun, Shetan nwa dnaɓa kwoce nyi ai shewo yadna n ena zundna n kwo gyi n sulfa yi nyi, aba n Nyawan-nyawan n Anabi katayi fi nyi, ai wu ɓa anyi n nyipyeyi n sukwoyi nyalo-nyalo.

YOHANNA ƁEWYEGYE 20:8

Wo; gmilo wo dna abye kwoce n na anyi wa yeɓa zhi gnisun, Gog n Magog yi, ɓa sun okun, aza begye, to ai shin ban, ngye amwi n ɓa kpe n ela gbe.

YOHANNA ƁEWYEGYE 3:13

“Fa oza n wo n na atnubuai wa wo oɓo n Zafun gna a Ikklisiya.”

YOHANNA ƁEWYEGYE 3:22

Fa zaho-zahoyi n wo wo atnubua ɓo wa wo oɓo n Zafun gna a eklisiya.”

YOHANNA ƁEWYEGYE 3:6

Fa aza vinya n ɓa wo atnubua ɓo ɓa wo oɓo n Zafun gna a ikklisiya.

YOHANNA ƁEWYEGYE 9:20

Amma aza nɓa ɓei ce zhin n wye-wyeyi n nato wuɓa n nɓa anyasan dna-gmai yin, to ɓa ye ɓa ga Shekwoyi mwa-mwan. To ɓa na alijanu bauta zhin ɓon, kwo oɓa ashan n ɓa zhin n zinariya yi n azurfa yin, n sinkna byei, n na akutayi, n na ashinwan yin, n ɓa ta mi n zan-zan kwo ɓa daɓon.