Timatawus I 3:4 - Alkawali Woiwoyi

⁴ Owo apuwa da ɓaku ze aza manayi, hankali da n na aɓiyi n ɓa vi ɓo n pye, n tna gnunu-gnunu dayi.

Timatawus I 3:4 ပူးပေါင်းရင်းမြစ်များ

Atnu-tnuyi Aɓozhin 10:2

Wo ɓei zhin oza nu nwo wo Shekwoyi edna duk n wo puwayi, woi ga sadaka dai-dai, woi zhin aduwa cici.

Afisusuyi 5:24

Ntu cenu efye anyikwoza tile fya vi efye aɓa ɓeda, shi ikklisiya zhin kwa vi Kristi ɓeda nyi.

Afilibiyi 4:8

Nsaiye emi azaje, shi mi zo wasika ye nyi, wuye ma gna fye ɓeye n kma-sun. Fye la wye dna n gaiciya, ni ɓoyi n kwo bmiya. Fye zhin aɓo nubo n ɓa gyi-gyi-yi n bmiya, anya n ɓa gyi-gyi-yi n fi n na azaje, fye zhin nubo n nyai n fye ɓa ci Shekwoyi, fyei dagma.

Timatawus I 3:12

Byeda wa bwasun n nyikwoyi gmanyi, n na aɓi aɓo viyi ɓai dagma n na ajei.

Titus 1:6

Aza n ha kni a kpe ɓa ye ntu n ɓa asese manayi ɓo, nyikwoza gmanyi da oɓa ɓi ɓai ye Dagayi, to ge a tukwo gnana-kwoyin, nɓata vi oɓa azakwoyi ɓedan.

Titus 2:2

Wu azakwoi ɓa ku ɓahin wanshi, ɓai zhin ɓe manayi, ɓai kpe gaiciya ye ɓai zhin ɓeho-ɓehoyi n ye-yei n bugba bwayi.

Titus 2:7

N ya tilas ohohin ha ze efye manayi dna n na aɓo vinya. Fa nyaho-nyahoyi n ho ɓa zhin kwa wu n ge ho ye gaiciya lo n nwyeyi kana.