Timatawus I 3:1 - Alkawali Woiwoyi

¹ Ɓeda ye kwo zhin gaiciya nu nge ndei oza ye wa zhin pasto, wo ɓemwi manayi dnalo n bugba.

Timatawus I 3:1 ပူးပေါင်းရင်းမြစ်များ

Luka 15:10

To, kwo wu lo nu. Ammalaika n she zhin ɓa dagma ntu laifida ɓo gmanyi n wa ga gaiciya.”

Atnu-tnuyi Aɓozhin 1:20

Anabci ye dna n Zabura nu kwa da ge, “Fa owo puwa kwa wunya to oza wa dnam. ‘Njesun a lawo tnu-tnu ga ozado wa zhin.’

Atnu-tnuyi Aɓozhin 20:28

Suku-suku, fye kpa akni Shekwoyi nya wato owo ikklisiya nwa si n wo ami yi nyi, Zafun Gyi-gyi-yi na kni fye fya ze aɓo wyednayi.

Aromayi 11:13

Shi fye kpelo ge, Shekwoyi lami kni owo tnu-tnu yi nfye aba abyedo, mi gnafye, mi-i ce a Yahudiyi ɓepa shi mi ɓa mi nsun.

Afisusuyi 4:12

Kni nu zhin woi gayi ɓe-kpezhin n nabai ya kpe aɓo zhin n bmiya? N na abai Shekwoyi aza ɓami ɓa zhin tnu-tnu manayi gawo, ɓa mi ikklisiya, Kristi nayi kwa mwa kwa bwa kala.

Afilibiyi 1:1

Bulus n Timatawus yi, Yesu Kristi a fyenu, eyi nu ka ga fye a Pasto n na abyedo yi n na Yesu viyi vinya n fye fi n Filibi zhi mi nyi.

Atasalunikayi I 5:14

Omi azaje, fye gnakni aza n ɓa wo bwato, fye fu aza bugba n ɓa bugba la wunya, Fya zhin aza atna nɓa to n kalai lon, fya zhin hakuri n na azai vinya.

Timatawus I 1:15

Kwo zhin gaiciya nu, mi n cei pma lo aza vinya ɓa kpe ce ye, n ge Kristi Yesu wa ɓe anyi mi wa gni alaifi da, omi yi nu zhin oɓa esu.

Timatawus I 4:9

Gaiciya nu nyi kwo bmiya lo ozahozahoi wa gwo kwo. Yi zhin tnu-tnu n mwa, yi sin wahala n mwa, ntuge aza ɓa ga kwo gaiciya. Gama eyi awyetu lo n Shekwoyi wye-wyeyi da nu, n wa fi ntu na za ɓo vinya nyi tun baga aza nɓa la wo gni-gni gwo.

Timatawus II 2:11

Gaiciya deye zhin kwa fu mi bugba, nge Esa n ya sin wahala ya fi ntu n Kristi ɓo, kwo wunu ge yi ɓa ya asese n woi n eshemi.

Titus 1:7

Tilas pasto wa ze oza nu n nata ciwo aɓenya n wo asesen, gama ɓa zhin Shekwoyi atnu-tnu zhinyi nu, ɓato zhin aɓekwo zhin yi, kwo a tna mi wanshi yi, to ɓa ze ajesin yin, agusun yin, kwo agyiwye shakpe; woyin.

Titus 3:8

A nyaye n ma gnaho nyi ɓa zhin gaiciya nu, la nyimaɓa n na abai a Yesu viyi ɓa zhin peceiye, ɓa zhin ɓemana n sai vinya, gama kwo to bmiya lonu gmanyin, ama kwo zhin kwa ɓe n na ampanyi.

Aibraniyi 12:15

Fye dna je wye n fye ɓa bwa Shekwoyi anabarka n fye to ye ge nuwun kwo lo fye a tasun. Ko zhin kwa ɓe n wahala yi, kwa to aza wye-wyeyi bwa.

Bitrus I 2:25

Ngye akni fye ɓei ku bwi Shekwoyi zokwo, ama nsaiye fye la jezeɓe da fye ʼkniknayi ofye awye-wyeyi guyi n wo gu fye n nanya kasayi nyi.

Bitrus I 4:15

Fye to ye mawo fye wahala sin ɓo ntuge fya wu oza kwo fya wyi ʼvim, kwo ɓenukwoi zhin, kwo ge fye laɓa fyei fi azaɓo abwam.

Bitrus I 5:2

Fye ga Shekwoyi akni nyagyi, fyei shi ɓa bwa n bugbai gmanyi ntna wyice, to tu enya ɓo nfye ɓa bwa dna ko mim, ama ntuge awo fye pwa lo fya zhin Dagayi tnu-tnu.