Timatawus I 2:8 - Alkawali Woiwoyi

⁸ Ntu cenu miye aza vinya ɓa zhin aduwa ɓai ku abwa a gyi-gyi-yi wu Shekwoyi n tna laifi, ntna minagyi, ntna nuwun.

Timatawus I 2:8 ပူးပေါင်းရင်းမြစ်များ

Matta 21:21

Yesu wa gna ɓa ge, “Ɓehinhin, ndei fye gaciya gai lo, ntna shaka, fye ɓa mi fya zhan ɓeye pya har ma ndu ɓo. Fye ɓa mi fya gna Zaitun ʼpe ye ge, ‘Laka ha she dna ʼla,’ kwa zhin lo nu.

Matta 5:44

Ama ma ci ge, ye nha nuwun-yi yi. Zhin aduwa ntu naza ɓo nɓa ga ho wahala!

Matta 6:12

Ha zhin yi alaifi gafara ngye shi yi zhin ɓa n ɓa zhin yi laifi nyi.

Luka 23:34

Yesu wa cige, “Dada, zhin ɓa gafara gama ɓata kpe oɓoye lo n ɓa zhin m.” Ɓa gna owo aje n kuriya yi.

Luka 24:50

Nsayi wa kunɓaya zhi nbmi wa vi zokwoyi n kwolo Baitanya nyi. Wa ku abwa wu nshe wa tuba anabarka.

Yohanna 4:21

Yesu wa ci wo ge, nyikwozaye nhohin, esa ɓe lo n na ta ga Shekwoyi mwa-mwa n ya, kwo n ʼpe ye, kwo n Urushelima m.

Atnu-tnuyi Aɓozhin 10:2

Wo ɓei zhin oza nu nwo wo Shekwoyi edna duk n wo puwayi, woi ga sadaka dai-dai, woi zhin aduwa cici.

Atnu-tnuyi Aɓozhin 10:31

Wagna mi ge omi aduwa n sadaka yi ɓa ku si Shekwoyi aba.

Atnu-tnuyi Aɓozhin 10:4

Malaika gna wo ge, owo sadaka n aduwa yi ɓa ku si Shekwoyi aba.

Atnu-tnuyi Aɓozhin 21:5

Shi Lahadi ɓei wu vi ya jeze lo eya aba n gnisun a Kristi yi nɓa anyikwo yi n ɓa aɓi yi. N nuwan gbe eyi vinya ya kniakwokwo ya zhin aduwa.

Atnu-tnuyi Aɓozhin 7:60

Wa ce akwo-kwo wa da ɓo n kala yi wa gna, “Dagayi zhin ɓa gafara,” wa fi wo nya.

Akorintiyi I 1:2

Kwoi lo Shekwoyi aza ʼba n Korinto, n Shekwoyi wa yiɓa ɓa ze Wa za, Woi la ɓa gwo dna n Yesu Kristi mi. Kwa lo aza ba vinya njesun nɓa yi Yesu Kristi, eyi Dagayi nɓa nya yi.

Akorintiyi I 7:7

A womi ngye zahozahoi fye mi wa gni ngye mi ntna mula pa yi. Ama yi to wu lo gmanyi-gmanyi num. Shekwoyi ga azaho nyaga mula-pa nya, ko mula-nyiko, azaho kuwa zhi-zhi lonu na gmada yi ntna mula-pa yi.

Akorintiyi II 2:14

Ama godiya ga Shekwoyi, ntu nasara ɓo, n Yesu Kristi ku zhin, tu n yi tukwo nyi, ngye shi wo zhin ampanyi n yi abaho-baho yi n ya lo, ntu ge ya da owo Nabari manayi n aza aba, ngye turare sundayi.

Afilibiyi 1:12

Mi cei pma lo fya kpe, omi azaje, aɓo vinya n ɓa bwa mi ya, kwo la ze apma nya kwoi zhin aza ɓai wo Nabari manayi Kristi nya.

Atasalunikayi I 1:8

Nsaiye Dagayi ɓeda nla kun nfye aba, kwoi gnami lo azaje aba vinya, kwoi lo aknido, ntu ge abaho-bahoyi n ya lo ya wo aza ɓai gna yi efye gaiciya ga ɓo.

Timatawus I 5:14

Ntu cenu mi gye kwo bmiya lo anyigbayi a nawyi ɓa senu njesun, ɓa ma aɓi ɓa shi ɓahin puwa, n lonu ata da ɓeda nukwoyi tu ɓa tukwon.

Titus 3:8

A nyaye n ma gnaho nyi ɓa zhin gaiciya nu, la nyimaɓa n na abai a Yesu viyi ɓa zhin peceiye, ɓa zhin ɓemana n sai vinya, gama kwo to bmiya lonu gmanyin, ama kwo zhin kwa ɓe n na ampanyi.

Aibraniyi 10:22

Emi azaje, yi lo Shekwoyi aba n bugbayi guguyi ya. Yi ku gaiciya ga n ge wo ɓa gwo yi, ntu ge Yesu ami layi zhanya sarai. Zafun kwa woi zhan yi ya cici.

Yakubu 4:8

Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba.

Bitrus I 3:7

Ofye aɓa, fye zhin peceiye nfye anyikwoyi fye zhin nubo n ɓa bukatayi, fyei gaɓa mwa-mwa ngye aza nɓa to n kalayin, pa ge oho nho nyikwoyi, fye kun Shekwoyi anabarka gwonu, ntu cenu, n ho to zhin wo shikwo kuncen, ata wo fye aduwam.