Yi nya wo n na abai efye asese ɓa da Dagayi agma kwa la wo tu, n na bai nfye ɓa bwa ɓe manayi zhin, fyei zhin aza ɓe manayi, fya tumwi fya kpe Shekwoyi ye lo abye-abye.
Omi azaje fye kpelo, shi fye ɓa da Shekwoyi bugba, dna n fye asese fyegyi-fyegyi, gama fye kpe wyidna ye lo n yi ɓei ga fye dna n Dagayi Yesu, Nsaiye yi gyi fye wye dna n Dagayi Yesu, nge fye zan-zan shi ya wu fye.
Ama ngye ɓa n na ɓiyi lo kwo ayawyi, oɓanu ɓa bma ɓa zhin, gama kwo bmiya ɓemana zhin kwa ya na api nu. Hoi bma a zakwoyi awyekwoyi zhin. Ɓo nu n kwo da Shekwoyi n mwa.
Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.
Gaiciya, gyiba to lon, n na ga fye wahala ntu ɓe nukwoyi zhin ɓom, ama n fya zhin ɓemanayi fya sin wahala ntu ce har fya zhin hakuri dna n na zhin-hi mi, kwo zhin kwa da Shekwoyi n mwa.
Nsaiye fye ku ze akuta awyewyeyi, Shekwoyi wa zhin apma cei wa mi nyakun, kniyi du lo ɓoʼa? Fye ɓe Wa ba, (ofye n fye ku zhin anya go-go yi nwa ba ntu Yesu Kristi ɓo nyi,) fya ga wo anya n ɓa dawo.
