Timatawus I 1:9 - Alkawali Woiwoyi

⁹ Ama ato zhin ɓa n yi ɓonu m, n Shekwoyi gni-gni yi n, ntu n na laifi da ɓonu n ɓata ye Shekwoyi nyi n, ɓa n na abugba kala kpenya yi, ɓai tu ekni, ɓai si nyasi, ɓai zhin gaba n ɓa dadayi, n ɓa ayai, aza wuyi.

Timatawus I 1:9 ပူးပေါင်းရင်းမြစ်များ

Matta 10:21

“Eza ɓei bwi wo zado har efi, adada ɓei bwi ɓa ʼɓi. Aɓi ce ɓei kuka da ɓa dada har koi zhin ɓa fi.

Aromayi 1:30

Ɓa ɓei zhin aza ɓetuyi nu, ɓai wun Shekwoyi nu, awyegba-ciyi, a tukwo-mwayi, cici ɓai zhin azokwo woi-woyi nubwo shi ɓa ɓa zhin ɓenukwoyi, to ɓai vi oɓa zakwoyi ɓom.

Aromayi 4:13

Kwa wunu cewo ngye Shekwoyi alkawali, nwo ɓei zhin Ibrahim nwo byei nyi, nge wo ɓa gawo anyi vinya nyi. Woto ɓei zhin wo alkawali ye ntu ge wo ɓei shi Shekwoyi awyidna bwa nun, ama ntuge wo ɓei ga wo gaiciya.

Aromayi 5:20

Aɓei ga awyidna ngun awo, n nabai zahozahoi wa gye aba nwa kaya n Shekwoyi awyidna bwashi. Ama, sanu ya gye eyi alaifi, ya gye Shekwoyi alheri dna ngafara zhin mi n mwa.

Aromayi 6:14

Laifi to shan fye tukwo da zen, ntuge fye to ye filo n ewa suntan, aba n laifi ɓa zefye owo baran. Ai fye n yanci yi lo dna n Shekwoyi alheri n sun-sun gyei.

Agalatiyayi 3:19

To, knihi ɓo zhin a ga awyidna yeʼa? A ɓei ɓe ɓa n na alkawali avun nu, kwa wu aza shi ɓa bma Shekwoyi awyidna ya. Ama zokwo ye ɓei ɓe har esanu n Kristi ɓa ɓe n cei, Eɓi n Shekwoyi ɓei zhin kwo alkawali (Ko kaka yi lo fyewyi, Shekwoyi ɓei ga wo amalaika nu owo awyidna ɓa ga Musa wa ka za ga.)

Agalatiyayi 5:18

Sanu Zafun Gyi-gyi-yi wa wu fye zokwo fye to n apmai lo fyavi a Yahudiyi aɓeknin.

Agalatiyayi 5:21

Eshe anya pwawo nya, zawu, jesin, n na wyefan kasa yi, n na ɓe deye pyai vinya. Ma gna fye njesun shi mi ɓei shin fye gna, oza n wo zhin aɓeye vinya wo ta lo Shekwoyi bemin.

Agalatiyayi 5:23

Ɓefyece, zawanshi, peceiye. Aɓeye vinya ta zhin gaba lo na Yahudiyi aɓeknin yin.

Atasalunikayi II 2:8

Nsai oza nukwoyi ye ɓei ɓe, oza n Dagayi Yesu ɓei bmiwo na n wo gbe osun yi, woi wu wo, esa n wa jeze ɓe n cei.

Timatawus I 4:7

To wun esaya hoi naɓo tu n aɓo nɓa to tukwoi n, kwo aɓeda a tna cei, gyi esa n ho kalayi tu aɓo nu nɓa ɓa zhin ho ha mwa dna n Zafun.

Timatawus I 6:20

O, Timatawus, to gba a kala na ɓeye zhin yi, n Shekwoyi wa fi ho n na akun nyin. To vi aɓenai, a cije nya n ɓa gma n ɓa ɓeyekpe yi nyin. Ɓai wu nu nge ɓa to n ɓeyekpe yi lon.

Timatawus II 2:16

La bui aɓeda kasa si n ɓa zhin aza ɓai gyi minagyi n na ajei nyi.

Timatawus II 3:2

Gama aza ɓei ye ɓahin tukwo n ɓa agyiwyei, ɓa ɓei zhin aɓokwo ɓai gma, ɓai ci Shekwoyi wyegba, to ɓai wo oɓa zakwoyi ɓedan, to ɓai zhin godiyan, aɓi a nukwoyi.

Titus 1:10

Gama aza lo n mwa begye n ɓa ta vi ɓon, Deye kwo zhin gaiciya nu tun ba ga na aza aba n ɓa gna nge tilas a shi a Yahudiyi awyidna bwa nyin. Ama deye zhin ɓeda gbeloyi nu, kwo bua za wye, to ɓa gye gaiciyan.

Titus 1:16

Azayi pya ci ge ɓa kpe Shekwoyi ye, ama nha gye nya n ɓa zhin, ha ku kpe ge ɓata kpe wo ye lon. Ɓa wun-wun yi ya, to ɓai vi ɓom, n tna a pma dna n ɓe manayi zhin.

Titus 1:6

Aza n ha kni a kpe ɓa ye ntu n ɓa asese manayi ɓo, nyikwoza gmanyi da oɓa ɓi ɓai ye Dagayi, to ge a tukwo gnana-kwoyin, nɓata vi oɓa azakwoyi ɓedan.

Titus 3:3

N sapa yi ɓei zhin aza mama n tna cei, yi kwo tukwo agnana. Aza ɓei dna yi woice ya ku ze afyenu aɓewyeda nya n shakpe nukwoyi nya yi, eyi awye-wyeyi ɓei wun azanu ɓahin ɓai wunyi nu.

Aibraniyi 11:31

Rahab ɓei zhin karuwanu. Ama wo ɓei la gaiciya ga Shekwoyi iko, wo to ɓei fi n kunsun nwo azaje yi m, ɓa ɓei fi ntu ge ɓa to ɓei vi Shekwoyi begye m. Amma Rahab ɓei la azhi-pmigye yi gwo.

Aibraniyi 12:16

To fya zhin anagbayi m, to fya shi Shekwoyi lafya-lafya, n gye Isuwa m. Wo ɓei kun wo gado ntu mikun ɓo. Kwo ɓei zhin ɓo gboloyi nu n wa ba.

Bitrus I 2:7

E, wo n latu yi lo n fya ba n fye ku gaiciya ga nyi, n na zaba n ɓa la wa ɓo na nyi, To, “Kuta ho n na a nyakunmiyi la kwa ɓo nanyi, kwo la ze kuta nyakun-bwakonu nya nkwo du n mwa-mwa n na pmai dna nyakun mi nyi.”

Bitrus I 3:20

a zafun aza nya nu tunyi dna n Nuhu anyipyei, n ɓa to ɓei wo Shekwoyi nyin ko da yake wo ɓela pmi ɓa dna bugbabwa esa n Nuhu ɓei ji eya nyi. Ama aza ngun nyimwa-nyimwa nu ɓei bwa pwo, to ɓa bwi nuwan yakwo yim.

Bitrus I 4:18

N na a-ɓe-fyece-zhin-yi a pwo deca, atna Shekwoyi-viyi nna ɓenukwoyi zhin yi ma, aɓei papa agye ɓa da ma?

Yahuda 1:15

Wo ɓei ɓe n na azanyikwoci yi n owada abye, ɓo gwo tata cewo ai wu aɓo anukwoyi n ɓa ku zhin gaba n Shekwoyi, woi wu oɓo n ɓa zhin nwo tukwo.”

YOHANNA ƁEWYEGYE 21:8

Ama aɓiɓi n ɓa fa mi viɓo ɓai jeze n na avun yi, n na azayi nɓa ta nu egben, n na cegye dayi, azawuyi, n na aɓenukwoyi-zhinyi, n na aza yi n ɓa daɓo n alijanu yi, n na shangbayi, n na a kataceyi vinya, oɓa abwiba nyi n anapi ena zundna n kwo gyi ena n sulfa yi. Efi bayi nu.

YOHANNA ƁEWYEGYE 22:15

“Aza nɓa bma Shekwoyi zokwo ya to ɓai vi won, n na aɓeyi, n na a shan-gbayi, n na azai n ɓa ye akata, ɓai ce ɓa.