Timatawus I 1:5 - Alkawali Woiwoyi

⁵ Enya n kwo womi pwa lo kwonu ge a Yesu-viyi n ɓo vinya ɓa ku nu n ye-yei n kwo gmi n na bugba gyi-gyi-yi oɓa bemwi n gyi-gyi-yi, oɓa gaiciya ga kwa bwa kala.

Timatawus I 1:5 ပူးပေါင်းရင်းမြစ်များ

Matta 12:35

Eza manayi zhin wa da ɓo manayi n ko fi n wo mi. Bugba nukwoyi da kuwa wa da ɓeda nukwoyi n kwo fi womi.

Matta 5:8

Agmada n aza aba nɓa bugba gyi-gyi-yi, ntu ge ɓa ɓei gye Shekwoyi.

Atnu-tnuyi Aɓozhin 15:9

Wo to n gna yi tu lo n eyi atan-tasin nɓa yi m ntu ge wo la ɓa bugba zhanya ntu ɓa gaiciya ga ɓo ngye yihin.

Atnu-tnuyi Aɓozhin 23:1

Shi Bulus ɓo gni a shaula zhinyi abye wa gna, Omi azaje, mi ku zan-zan n Shekwoyi abye cici n bugba manayi yi.

Atnu-tnuyi Aɓozhin 24:16

Ntu aɓo deye ɓo mi zhin atna n mi akala yi vinya, ma zhin ɓo ko bmiya n Shekwoyi abye, na za yi.

Aromayi 10:4

Ɓata kpe genyi lo ge, Kristi ga aza nu n ɓa ga gaiciya, anya vinya n ɓa zhin atna ɓa bwa, dna n na awyidna bwashin. Woɓo ku ce zo vinya.

Aromayi 12:9

To ye aza n gbeyin, yeɓa cewo. To ye enya n kwo to bmiyan, ye ɓemana ha zhin kwo.

Aromayi 14:15

Ngye oho zaho damu lon nyayi n ho gyi, hota zhin yeye ɓe zhin nun, n ha gyi abye n gyi yin. To fa oho nyagyi kwa zhin oza n Kristi wa fi n wo ɓo wa bwin.

Aromayi 9:1

O, omi aza a Israila yi! O, om azaje Yahudiyi, shi mi n cei pma lo n mwa fya ɓe Kristi aba. Omi bugba wo mi shan lo, bugba yi wun mi n nyipyei n sukwoyi ntu n fye ɓo. Kristi kpelo, Zafun Gyi-gyi-yi kpelo, nge mi ta da egbe ɓeda nun, Sanu n ma cige mi yelo a mi gmiya n Shekwoyi ebe mi, ngye deye ɓa zhin fye fya bwa gni-gni.

Akorintiyi I 13:1

Kwo mi-i mi, ma daɓo n nabyei gbo-gbo har n na malaika nya yi ɓe, ama mi-i to n yeyei lom, mi la ze ngye sugu wyiɓeyi, ko eshan bwiciyi kawai.

Akorintiyi II 1:12

Eyi bugba bui-bui nyi, har eyi ɓemwi-i wu yi ge, eyi zan-zan dna nna anyi ye, tun ba ga eyi aɓozhinzhin nfyei, ɓa ku ze n Gyi-gyi-yi, n gaiciya yi, n Shekwoyi aba. Ya zhin lo nu, to ge dna n anyi ɓeyekpe nu m, ama alheri Shekwoyi nya nu.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Agalatiyayi 5:6

Eyi, n Kristi la wye-wyei nyalo-nyalo nya gayi nyi, yi to n na apmai lo ya damu kwo yi kaciya yi zhin lon, ko yi shi a Yahudiyi awyidna bwa lon, ntuge nya n yi ye kwonu zhin gaiciya ga tnu-tnu dna n ye-ye.

Timatawus I 1:18

Nsaiye, Timatawus, omi-ɓi, omi gbe ga nyi n ho aba. Sun okun n kalai Dagayi okun, shi Dagayi gna n na annabi egbe nge ho ɓa zhin nyi.

Timatawus I 1:19

La gaiciya ga shi n kalai dna n Kristi ha anubo-zhin ze agyi-gyi-yi, ha zhin oɓo n kpe ge kwo zhin ɓemana nu. Gama azaho n la oɓa anubozhin zungna ɓai zhin oɓo n ɓa kpelo ge kwo to bmiya lon, kwo to zhin ɓe wo-woyi nu shi ɓa ya ɓa gaiciya ga dna n Kristi, ɓai la Shekwoyi eye aɓo na lo nun.

Timatawus I 3:9

Ɓaku ze aza gaiciya da, ɓai vi Kristi n bugbai gmanyi, n wo zhin yi gaiciya ga tukwo nyi.

Timatawus II 1:3

Mi zhin Shekwoyi godiya ntu ho ɓo, Timatawus nsukwoyi mi gyi emi Shekwoyi wye, nge wo tu ho anabarka n mwa, wonu zhin emi adada Shekwoyi, omi Shekwoyi nu n woi ce. Omi ɓomwi n mi asese vinya okwonu ma zhin ɓo n kwo dawo.

Timatawus II 1:5

Mi kpe lo shi ho kpema Dagayi n sun, shi oho ya Afniki n oho nyikwo-wyi yi Lois ɓei zhin, mi tabata lo ho ye kpemawo lo, shi ho ɓei kpema wo nsapai.

Timatawus II 2:22

Bui enya si nkwo ɓa ɓe ho n na nubo zhin nukwoyi, n kwo ɓe samari aba, ama la nyima enya vinya n kwo zhin ho ha wo ɓemana zhin pwa. Bwa gaiciya ga n ye-yei, ha gyi nugundo n na azayi n ɓa ye Dagayi, n na bugba manayi.

Titus 1:15

Oza n wo bugba gyi-gyi-yi wo gye anya vinya n gyi-gyi yi, ama oza n wo bugba tucegye n tna gaiciya, wo gye nyaho-nyahoi n tna bmiya yi nu, gama owo bugba cegye nya n bugba kala kpei nu zhin woi wo lonu, woi gye lo nu njesun.

Aibraniyi 10:22

Emi azaje, yi lo Shekwoyi aba n bugbayi guguyi ya. Yi ku gaiciya ga n ge wo ɓa gwo yi, ntu ge Yesu ami layi zhanya sarai. Zafun kwa woi zhan yi ya cici.

Aibraniyi 13:18

Fye zhin aduwa ntu yi ɓo, yi ye ya zhin tnu-tnu ɓehinhin nya nu n ɓefyece yi.

Aibraniyi 9:14

Amma Shekwoyi nugun ami gyi-gyi-yi du oɓa nyalo. Zafun ɓei zhin woi bma wo zhin, owo ami n kala yi lo. Kwo ɓa shan yi do kwapmi ya bugba bma, kwa zhan yi alaifi ya. Kwo la ednawo gmiyi ya ntu na awyindna ɓo, kwo ga yi kala ntu ge ya zhin wo atnu-tnu.

Yakubu 4:8

Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 3:16

Fye zhin oɓo kwo bmiya, n naza daɓo tu fye tukwo, ɓai yi fye n naye nukwoi yi she fye vi Yesu, vinyikwo a woɓa ntu ɓa ɓeda nukwoi ɓo.

Bitrus I 3:21

(Nlonu batisma zhin dogbe, dna n batisma, yi wu ge alayi gni n efi n bwi-bwi yi dna n Kristi kalala n vingwo; to ntuge ala nayi cegye shinya n, ama ntuge dna n batisma zhin, yi pmi awye wu Shekwoyi nu, yi ɓa wo wa zhan ya bugba ya n laifi.)

Bitrus I 4:8

Nya kwo du vinya, fye gyi abye fyei wu aje ye-ye dnagmai ntuge yeye zhin kwa pui alaifi nya mwa begye.

Bitrus II 1:7

Deye nu ɓa zhin fya wo azaje agmada, fya yeɓa ce har n shince n ʼkni yj.

Yohanna I 3:10

Nlonu yi ɓa mi ya wu oza n wo zhin Shekwoyi ɓi, n zayi n wo zhin shetan nya. Oza nwo sase dnalo n laifi to woi ye nwo azaje yin, wa wunu ge woto dnalo n Shekwoyi aɓin.

Yohanna I 3:23

Enya nyi n Shekwoyi wa gna ge yi zhin, Yi ga gaiciya n Yesu Kristi owo Nugun eye, ya ye n na jeyi.

Yohanna I 3:3

Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.