Timatawus I 1:3 - Alkawali Woiwoyi

^3-4 Shi mi ɓei da esa n mi ɓei lo Makidoniya nyi, la dna n Afisus ha zhin atna ha kma aza n ɓa wu nya akata nya nyi. Ku oɓa asita n ɓa abyetnuyi ce n ɓa nubo-zhinyi n ge a ɓa gni aza dna n na aɓe a desi n na malaikai ɓei sido n Shekwoyi abye n ɓato n na akpegnin bayin. Anubozhin n na aɓe mwi deye pya zhin ɓa la aɓena kala. Maimakon ɓa bma aza zhin ɓa gwo Shekwoyi shiri gaiciya ga nya.

Timatawus I 1:3 ပူးပေါင်းရင်းမြစ်များ

Atnu-tnuyi Aɓozhin 18:19

Shi yi ɓei si aya lo ɓa n Afisusu wa fa yi fi n eya wa lo aduwa nyakun wa daɓo n a Yahudiyi n ɓo.

Atnu-tnuyi Aɓozhin 18:21

Wa gna dole ma lo mi sun dna Urushelima. Amma wa zhin ɓa alkawali ge, wo ɓa je ɓe ndei Shekwoyi waye, ya lo yi nya.

Aromayi 15:26

Gama fye gye, a Yesuviyi n ɓa fi n Makidoniya n Akaya yi ɓaku enya ga ntu n na azaje ɓo n ɓa fi n Urushelima ɓai sin wahala nyi.

Aromayi 16:17

Nsaiye, ɓeda gmanyi n mi cei lo ma da kafin mi zo n wasika ye yi. Fye la pmiya n na aza n ɓaɓe n na ajegnayi ɓai shan aza gaiciya ga a shan. Ɓai ɓe n wuwuyi nkwo wu gbo, n doyi n aku wu fye.

Akorintiyi II 11:4

Fye wu lo ngye fye to mi zhi lon, fyei ga nyaho-nyahoi gaiciya n na gna fye, ko oza woi zhin fye Kristi do n waʼazi gbo ndoyi n yi zhin nyi, ko zafun do ndu Zafun Gyi-gyi-yi nfye ɓei gwo nyi ko ai wu fye zokwo do n fye ɓa pwo, fya gwo ko lo abwa ʼba-ba.

Afisusuyi 4:14

Nnavun yita shan ze ngye aɓin, yi shan abugba do na anya ɓo n yi ga gaiciya n, ntuge aza ɓe yi n wuwu akata nya yi, yi gye ngye gaiciya nu.

Afilibiyi 2:24

Mi ga Shekwoyi gaiciya lo ge, esa fyewyi mi ɓa ɓe ma gye fye wye.

Timatawus I 4:11

Wu anya ye vinya ha tabata aza tu ɓa mwi lo dei-dei.

Timatawus I 4:6

Nha zhin azaje bayani ye pya, ho nu ho tnu-tnu nu n gye Pasto, n wo n nuboi fu n gaiciya gai n nyawu gaiciya nya yi n ho vi nyi.

Timatawus I 5:7

Deye kwo la ze ofye ikklisiya wyidna n na bai aviyi ɓa kpe, ɓa zhin oɓo n kwo bmiya.

Timatawus I 6:10

Gama agyiwye ye nu zhin oza zhin a ɓenukwoyi aje. Azaho la avun pmi wu Shekwoyi ntu n na gyiwye ɓo, ntuce ɓaku ɓe ɓahin n bugba wun yi n mwa.

Timatawus I 6:17

Gna aza n ɓa n nyabwai nyi nge ɓato mwa ɓahin tukwon, to ɓa kpema oɓa nyabwan. N kwo ɓa zo esa fyewyi nyin, ama ɓa gma ɓai kpema Shekwoyi wye-wyeyi da, n wo gayi anya vinya n yi n cei pma ntu n yi agmada ɓo nyi.

Timatawus I 6:3

Azaho ɓa na aɓeye ɓo, ama ɓanu zhin wuwu hin-hin Dagayi Yesu Kristi nya. Oɓa nu zhin tushi asese manayi nya.

Timatawus II 1:18

Dagayi wo tuwo anabarka ewyi n Kristi ɓei jeze ɓe n cei. Ho gna kpelo shi wo ɓei bmami zhin n Afisus.

Yohanna II 1:7

Fye ka atukwoda akatai wye, n ɓa sheyi gun laɓa nyi, n ɓata ga gaiciya nge Kristi ɓei la ɓe anyi dna n nayi ngye eyi nya pyan. Aza deye pya gni apapa n gaiciya yi, n Kristi yi.

YOHANNA ƁEWYEGYE 2:14

“Ama mi na ɓei shilo n hoi, Ho fa aza ho nɓa wu aza ge ɓa zhin shi Bilamu ɓei zhin, wa wu Balak shi wo ɓa bwi a Israilayi aɓi dna n na anagbayi zokwo, wa ga ɓa bugba kala nge ɓa lo ashangba ba.

YOHANNA ƁEWYEGYE 2:20

“Amma mi n na aɓeyi shilo game n hoyi, Ho fa nyikwozayi Jezebe, n wo yi wohin ge anabi woi wu emi abara nge anagbai to zhin ɓenukwoyi nun, woi ye ena fiɓa nge ɓa zhin cegye tnu-tnu, nge ɓagyi enya n na ala zunsha ga ashan.