Timatawus I 1:2 - Alkawali Woiwoyi

² Kwoi lo Timatawus aba, Timatawus ɓei zhin ngye omi-ɓi nu dna n Dagayi. Fa Shekwoyi eyi Dada, N Yesu Kristi eyi Dagayi wa wu ho owo alheri n sun-sun gyei, wa ga ho bugba fu yakwo n ho bugba mi n ho nubo zhin yi.

Timatawus I 1:2 ပူးပေါင်းရင်းမြစ်များ

Agalatiyayi 1:3

Fa bugba fu, n anabarkai, n ɓa kun n Shekwoyi Dada aba nyi n Dagayi Yesu Kristi yi ɓa ze efye nya.

Atasalunikayi I 3:2

Ya tnu n Timatawus yi, eyi zado n tnutnu kunzhin-yi, Shekwoyi tnu-tnu yi wa ɓe efye aba, wa ɓe fye gaiciya ga kala n bugba kalai, n nabai to fya zun fi ko fya bma bugba ya ntu wahala ɓo n fye sin nyin. (Ama fye kpelo wahala ye pya dna n Shekwoyi shiri ntu n yi ɓo.)

Timatawus I 1:12

Mi zhin Kristi Yesu eyi Dagayi godiya n mwa, shi wa kni mi ma zhin wo tnu-tnu yi, woi gami kala ma zhin wo ɓefyece.

Timatawus I 1:18

Nsaiye, Timatawus, omi-ɓi, omi gbe ga nyi n ho aba. Sun okun n kalai Dagayi okun, shi Dagayi gna n na annabi egbe nge ho ɓa zhin nyi.

Timatawus I 6:20

O, Timatawus, to gba a kala na ɓeye zhin yi, n Shekwoyi wa fi ho n na akun nyin. To vi aɓenai, a cije nya n ɓa gma n ɓa ɓeyekpe yi nyin. Ɓai wu nu nge ɓa to n ɓeyekpe yi lon.

Timatawus II 1:2

Kwoi lo Timatawus aba omi ɓi ye-ye yi. Shekwoyi Dada, Kristi Yesu eyi Dagayi wo gaho owo alheri, sun-sungye n bugba fuyi.

Timatawus II 2:1

O, Timatawus emi nugun, la dna kala dna n kala n Kristi Yesu wa gaho nyi.

Titus 1:4

Kwoi lo Titus aba n wo zhin emi oɓi dna n Dagayi zokwo nyi. Shekwoyi Dada n Kristi Yesu eyi gniyi, wo gaho anabarka n bugba fuyi.

Titus 2:2

Wu azakwoi ɓa ku ɓahin wanshi, ɓai zhin ɓe manayi, ɓai kpe gaiciya ye ɓai zhin ɓeho-ɓehoyi n ye-yei n bugba bwayi.

Titus 3:15

Aza vinya n ya tnu fyelo n ɓa gnaɓiyi. Ɓi a Yesu viyi gna gami n ɓo Shekwoyi anabarka ɓa kunsun n fyeyi.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Yohanna II 1:3

Shekwoyi Dada n wo Nugunyi Yesu Kristi, ɓa tu yi anabarka n sun-sungye dnagmayi n bugba fuyi, n gaiciya yi n ye-yeyi.

Yohanna III 1:4

Bugba buyi do to lo nkwo ɓa du deye ngye shi mi wo aɓeye pya n mi aɓi aban.

Yahuda 1:2

Fa Shekwoyi alheri, bugbafu n sun-sungyei, ɓa mwa nfye aba lo abye abye.