Matta 7:7 - Alkawali Woiwoyi

⁷ Fye ɓa, aɓa ga fye nya fye ye! Fye zan shin, fye ɓa bwa! Je abagunya, aɓa gu aba ya.

Matta 7:7 ပူးပေါင်းရင်းမြစ်များ

Matta 18:19

“Ma je fye gna, ndei aza gun aba ku gbe gun nanyi ye ɓa gyiwye ntu nyaho ɓo, Emi Dada n Wo dna ʼshe nyi, Wo ɓa zhin ko ga fye.

Matta 21:22

Fye ɓa gwo nyaho-nyahoi, nfya zhan duwa ntu kwo ɓo ndei fya ga gaiciya.”

Matta 6:33

Wo ɓa ga fye ɓa n bugba da yi, ndei fya wo nu shi na bye kpa, fyei zan-zan ngye shi wo ye fya zan.

Matta 7:11

Ndei efye abugba kala-kpeyi, a laifi da, fye kpe shi fye ɓa ga efye aɓi anya manayi. To fya ku gna kpe ge, efye dada Shekwoyi ɓa ga aza anya manayi na nya wo nyin?

Matta 7:8

Ntu ge ezaho- zahoyi nwo a, wo zhin wa gwo. Zaho-zahoyi nwo zanshin, wo zhin wa bwa. N fya je aba, aɓa gu fye aba ya.

Markus 11:24

“Fye wo Mi! Fye ɓa zhin aduwa ntu nyaho-nyahoi ɓo, ndei fye ga gaiciya ge fye la kwo bwa, kwo zhin fye nya nu.

Luka 18:1

Nwyihoi Yesu wa gna owa bara nabari ho n nabai wa wuɓa ge ɓa zhin aduwa cici. Har ɓa bwa amsa.

Yohanna 15:16

Ofye ye nu to kni mi m! Omi nakni fye! Nabai fya lo fye ga gyi-gyi manayi. Nabai nyaho-nyahoi nfya gyiwye dna nmi eye, Dada ɓa ga fye kwo.

Yohanna 15:7

Ndei fye sase fi nmi, fyei vi mi aɓeda, fye nya nyaho-nyahoi ɓo nfye ye aɓa ga fye kwo.

Yohanna 4:10

Yesu wa gna wo ge, “Ho takpe Shekwoyi nyaga ye lom, hoi takpe mi ye lon. Ho ɓo kpe ye lo, hoi kpe oza ye nwo nya nuwan ɓo nyi, wo ga ho nuwan wye-wyeyi nya.”

Aromayi 2:7

Wo ɓei ga aza n ɓa zhin Shekwoyi ɓeye n hakuri yi, Wye-wyei nyalo-nyalo nya, ɓai zan mwa-mwa n latu yi shin n wyewye yi nyalo-nyalo nyai nwo ganyi.

Aromayi 3:11

Ozato lo n wo vi Shekwoyi zokwo cewo ko n wo n cei pma wa vin.

Aibraniyi 11:6

Shekwoyi ta wo ho agmada m ndei ho to n gaiciya ga yi m. Oza n wo ye wa ɓe wa ba dole wa ga wo gaiciya. Wa kpe ge Shekwoyi zhin wa ga aza lada n ɓa zan wo shin nyi.

Yakubu 5:15

Oɓa aduwa nɓa zhin n gaiciya yli ga, ɓa ɓa kawo gna, gama Dagayi ɓa ka wo gna, ndei nyasan n kwo sanwo nyi laifi nu na bewo n kwoi, Dagayi ɓa zhin wo gafara.

Yohanna I 3:22

Ya bwa enya n yi nya, ntuge yi vi wo ɓo lo, yi zhin oɓo n wo ye.