Matta 7:21 - Alkawali Woiwoyi

²¹ “Aza vinya nu to n ho gye ɓa ge ɓa zhin a Yesu viyi nu m. Ɓa yi mi ge, ‘Dagayi, Dagayi’ ama ɓa ta lo she m, ntuge ɓenya gmanyi nu shi. Kwo ɓa vi emi Dada ɓeye lo n wo dna n ʼshe nyi.

Matta 7:21 ပူးပေါင်းရင်းမြစ်များ

Luka 6:46

“To, kni nu zhin fyei yi mi ge, ‘Shekwoyi’ to fyei vi mi ɓeye ma?

Yakubu 1:22

Fye pa ge ɓeda nu n oza ɓa zhinkwo, to ge oza knatun-bua kawai n, Ntu cenu fye to dna fyehin kwocen.

Luka 11:28

Yesu wa cige, “I amma anabarka gna tulo n aza ɓa wo mi ɓeda ɓai zhin kwo nyi.”

Titus 1:16

Azayi pya ci ge ɓa kpe Shekwoyi ye, ama nha gye nya n ɓa zhin, ha ku kpe ge ɓata kpe wo ye lon. Ɓa wun-wun yi ya, to ɓai vi ɓom, n tna a pma dna n ɓe manayi zhin.

Aibraniyi 4:6

Asun-sun ba lo ntu aza ɓo har nsaye. Yi to ku ze n gye aza tna ɓoviyi da m. Oɓa tna gaiciya ga n laifi yi ɓa zhin ɓa, to ɓa lo Shekwoyi sun-sun aban.

Yohanna 6:40

Omi Dada ɓeye nu nyi ge, Zaho-zahoi nwa gye Nugun, wa ga wo gaiciya wo ɓa bwa wye-wyei nyalo-nyalo nya. Omihin n ɓei la wo kala n vingwo n nyipyei kmaknayi.”

YOHANNA ƁEWYEGYE 3:5

Ozahozahoyi n wa gyi nasara, aɓei kpewo aje abuyi, mi to ɓei wun owo eye ya n Littafi wye-wyeyi nyan, amma mi ɓei zhin wo se-ida n emi Dada abye n wo a malaikayi nge wo zhin emi nya nu.

Bitrus I 4:2

Fye ta shan asese fyei vi aɓepwawo nayi nyam, ama aɓa wo fye pwa ngye fye zhin Shekwoyi ɓeye nu.

Aibraniyi 13:21

Shekwoyi wo gba fya bukata ntu ge fya zhin wo ɓeye. Wo zhin ɓo n yi-i, nwo cei pma, wo zhin ntu Yesu ɓo. A ga Yesu mwa-mwa nyalo-nyalo.

Matta 12:50

Wa je ko ɓe ge, Eza n wo vi mi Dada ɓeye n wo dna she nyi, wo nu zhin mi zado, emi mapui n mi ʼya yi.”

YOHANNA ƁEWYEGYE 22:14

Anabaraka da nu nyalo-nyalo aza nɓa zhan oɓa ajekpe, n na bai ɓa bwa Izini, ɓa lo ezhi yi n na abwokunmi, ɓa gyi shinwa wye wyeyi nya nɓo.

Yohanna 3:5

Yesu wa gna wo ge, “Zaho-zahoi to lo n wo vi mi ɓemwi to ai shan wo ma n nuwan yi ɓedo n Zafun yi m.”

Matta 18:3

Wa gna, “Sai fya ye abui n Shekwoyi aba, fya fwa alaifi, fya ze ngye aɓi, n to lo nu n, fye ta lo Shekwoyi ʼbe mi m.

Yohanna 7:17

Ndei oza la kni, wa zhin Shekwoyi ɓeye, wo ɓa kpe nya ye n mi wu nyi, ko kwo zhin Shekwoyi nya nu, ko omihin nya nu.

Aromayi 12:2

Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.

Markus 3:35

Eza n wo zhin Shekwoyi ɓeye, wo nu zhin Mi Mado, emi mapui, n Mi ʼya yi!”

Atasalunikayi I 5:18

Ɓeho-ɓehoi n kwa bwa fye, fye zhin Shekwoyi godiya, gama Shekwoyi nufi nyi n fye aba, n fye zhin Kristi Yesu nya nyi.

Afisusuyi 6:6

Fye to zhin tnu-tnu n kalayi n fye dagayi awyeba nu kawai n, ama fye zhin tnu-tnu cewo n sai vinya a gye fye zhin Kristi nya, fya zhin Kristi nya, fye zhin Shekwoyi ɓeye n bugbayi gmanyi.

Bitrus I 2:15

Shekwoyi nufi nu efya sese manayi ɓa kun aza gbe n ɓa ci Nabari Manayi aɓenya to ɓai kpe oɓoye n kwo ɓa mi kwa zhin ɓa nyim, ntuge ɓa to shin kwo iko towom.

Matta 25:21

“Ewo puwa da wa ci wo ntu tnu-tnu manayi ɓo. Wa gna wo ge, Ho ku gaiciya zhin tu na gyi wye ɓi-ɓiye, ntu ce nu nɓa tnu-tnu ɓe ho. Dagma ngnisun nho puwa dai.

Atasalunikayi I 4:3

Cama Shekwoyi n cei pmalo fya ze aza Gyi-gyi-yi, ntna cegye, Fya bui anagbayi si n na abai zaho-zahoi wa pa mula n gyi-gyi-yi.

Akolosiyi 4:12

Abafras, n wo gmi n fye ayi nyi, Yesu Kristi fyenu, wo tnu fye n wo gnaɓiyi, wo zhin aduwa cici ntu fye ɓo, woi nya Shekwoyi wa ga fye kala, wa bma fye zhin fya kpe wo nufi ye n sai vinya n na aɓo vinya n fye ɓa zhin.

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Luka 18:25

Ko ɓa gna wo fafa Rakumi kwa lo aci bwo a ya cige gyiwye da wo lo Shekwoyi ebe mi.”

Markus 9:47

“Nho wye zhin laifi, ha kwo gmiya. Gwoma ho lo Shekwoyi bemi n wyei gmanyi aya cige oha wye gnu aba gye anapyi.

Matta 19:24

Ma je fye gna, kwo du lo n sauci lakunmi kwa du naci bwo da duciya da wo lo Shekwoyi ʼbe-mi!”

Matta 18:35

N lo nu Emi Dada eshe nya zhin fye n fyeto ye nfya bugbai, fya zhin fya zaje gafara m.”

Yohanna 15:23

Oza nwo wun mi nu, wo wun mi Dada nu lo ce.

Matta 26:42

Wa je ɓa fwa wa lo Wa zhin aduwa, “Emi Dada! N gye wahala ye ta duya m, sai Ma sin ko vinya, Oho ɓeye ko ze lo nu.”

Matta 16:17

Yesu wa gna wo ge, “Shekwoyi la ho tu anabarka, Siman, Yunana nugun. Ntu ge emi Dada n wo dna ʼshe nyi, wo na wu ho ɓeye, zanyikoci nu ton.

YOHANNA ƁEWYEGYE 2:27

Wo ɓei gyi ebe tu n ɓa tukwo n sinknanya bwai, shi emi dada gami iko tu n ɓa tukwo, aɓei ɓa ɓaya ngye shakun, n na ɓakwo ya wyiwo-wyiwo nyi.

Yohanna 14:7

Fye ɓo gna fye kpe mi ye lo, fye kpe mi Dada ye lo, nsayi ye fye kpe wo ye lo, fyei ku wo gye wye.”

Yohanna 5:17

Yesu wa ye wa gna ɓa ge, Omi Dada zhin Bemanayi n saho-sahoyi, Mi shan wo nu.

Matta 26:39

Wa ce ta lo fyewyi wa ya shi n kni wa zhin aduwa. “Emi Dada! Ngye ko ɓa ye zhin, fwa wahala ye kwa mi duya. Ama emi ɓomwi nu to na ɓa vi m, sai oho nya.”

Matta 18:10

“Fye zhin peceiye to fya ci aɓi naiye wyegbam. Ntu ge oɓa amalaika ʼshe zhin ɓa lo mi Dada aba cici.

Matta 18:19

“Ma je fye gna, ndei aza gun aba ku gbe gun nanyi ye ɓa gyiwye ntu nyaho ɓo, Emi Dada n Wo dna ʼshe nyi, Wo ɓa zhin ko ga fye.

Matta 25:10

“Shi ɓa ɓo ku zo lo, esa fyewyi mulaɓa woi ɓe, aza nɓa ɓo n shiri zhin, Ɓa gni lo fi n awyefan ba, apmi a ba gu.