Matta 7:11 - Alkawali Woiwoyi

¹¹ Ndei efye abugba kala-kpeyi, a laifi da, fye kpe shi fye ɓa ga efye aɓi anya manayi. To fya ku gna kpe ge, efye dada Shekwoyi ɓa ga aza anya manayi na nya wo nyin?

Matta 7:11 ပူးပေါင်းရင်းမြစ်များ

Matta 23:9

Fyei to yi zaho-zahoi nanyi ye ge, ‘Dada m,’ ntu ge Shekwoyi nwo tu she nyi, owo gmanyi nu na ɓa yi wo lo nu.

Matta 7:10

Ndei wa nya wo ebmiya ɓo, wo ɓa ga wo owa? Awo!

Yohanna 3:16

Gama Shekwoyi wa ye na nyi yi, har wa wo ʼɓi gba gmanyi ga, ntuge zaho-zahoyi n wa gawo gaiciya, wota bwi n, ama wo ɓa bwa wye-wyeyi nyalo-nyalo nya.

Aromayi 3:19

Ntucenu Shekwoyi minagyi n wagyi tulo mwa n na Yahudiyi, ntu ge oɓa tnu-tnu nu, ɓa shi Shekwoyi awyidna bwa, ɓace ɓai zhin aɓo nukwoyi, zaknayi n ɓami to n na ɓenayi lo lon. Ɓehin-hin anyi vinya to n na gmiba yi lon n Shekwoyi ikoda abyen.

Aromayi 3:9

To, eyi a Yahudiyi du aza je lo? Ko fyewyi, ntuge, yi ku luwu ge aza vinya zhin a laifi danu. Ko a Yahudiyi ko aza nɓa to zhin a Yahjudiyin.

Aromayi 8:32

Tunda wo to kni wo Nugun gnin, ama wa gawo ntu yi ɓo vinya, wota gayi anya vinya ngnisun nwoyin?

Yakubu 1:17

Ama enya manayi doho-dohoyi nkwo bmiya kwo gmi n Shekwoyi aba nu, Owo na zhin buzangna, woi bmiyana nyalo-nyalo, n tna jejelu kwo kuwa wyegma.

Yohanna I 3:1

Fye gye shi eyi Dada eshe nya yeyi nsun, har woi ye ge a yi yi ge owo aɓi–gaiciyai nu yi zhin wo aɓinu, ama aza n mwa begye nɓa ta kpe Shekwoyi yen, ɓata kpe lo ge yi zhin owo aɓi nun,

Yohanna I 4:10

Dna n tnu-tnuye yi ku gye shi yeye hin-hin wu, kwo to zhin eyi yeye nu n Shekwoyi aban, ama, owo yeye nu n yi aba, esa n wo ɓei tnu n wo Nugun yi wa ya Shekwoyi minagyi zhi n yi alaifi tukwo.