Matta 6:2 - Alkawali Woiwoyi

² Esa nu ha ga nyaɓayi cauta to dna ewyi m, shi akwoce dnayi zhin ɓai bye amwayi na aduwa nyakun, na zokwoyi ntu ge aza gye ɓe manayi n a zhin nyi! Gaiciya ma gna fye ɓa la oɓa lada pma gwo n ɓa ɓa bwa nyi.

Matta 6:2 ပူးပေါင်းရင်းမြစ်များ

Matta 15:7

Efye akoce-dnayi anabi Ishaya ɓo ku anabci zhin dai-dai tu fye tukwo,

Matta 22:18

Ama Yesu wa ku kpe ɓo ye ɓa ye, “Wa gna ɓa, Efye aza-kwocednayi! Fye ye fya ze nyikanu mama n fya ɓenya a dabara nya yi a?

Matta 23:5

Nya ɓa zhin vinya ɓa zhin ge agye nu. Ɓa zhan ɓo gye aza gyi-gyi-yi, ɓai shi a takarda aduwa nya n na ayoyi kafi, ɓai ɓe atnu-tnu-je ɓopa nya yi kpe.

Matta 23:6

Ɓa zhin ɓa ye ɓa sase kpe nabye n na nyagyi, ba, ɓedo na saseba manayi na duwa-nyakun.

Matta 24:51

Wo ɓo lu ho n mwa, woi lo n hoi n akoce-dnayi owa da ba, a ba bwici lo ai gyi anyikna.”

Matta 5:18

N mi bugba yi vinya, Ma gna fye, owa doho-dohoyi kwo ɓa gyi abye lo nu har kwa nu oɓo na ye ce yi.

Matta 6:16

“N sayi ntu azumi ɓo. Fye tna nyagyi-gyi ntu zafun ɓo. Fye to zhin kwo pei-pei m, ngye shi a kwoce- dnayi zhin ɓa wu ge ɓa n wahala yi lo, to ɓa so tukwo m, n nabai aza ci ɓa sun-sun. Gaiciya, lada nu n ɓa ɓa bwa.

Matta 6:3

Ama esa nu ha zhin eza ɓemanayi, ha zhin kwo fiya to ye ge bwa pmi kwa kpe oɓo n bwaizhe zhin m.

Matta 6:5

Ntu aduwa zhin ɓo, esa fya zhin aduwa, fye to zhin ngye a kwoce dnayin. Ɓa nu n a zhin aduwa na zokwo n aduwa nyakun yi, ntu ge aza gye ɓa. Gaiciya, oɓa lada nu n ɓa ɓa bwa gwo.

Matta 7:5

Zakwoce-dnayi! La shinwan-knunu gmiya nho wye kpa, ha kpe wyeba gye ha bma ho zado zhin.

Markus 12:39

Ɓa ye a seseba manayi na duwa nyakun, n na mwa-mwa ba yi, aba na zhin aɓo gmada.

Markus 7:6

Yesu wa gnaɓa ge, “Efye amu-nafici da! Ishaya Anabi wa wufye bmi pai-pai sa n wa ci cei ge, ‘Azaye ci Shekwoyi ngbeyi nu, ama ɓa ta yewo n ɓa bugba min. Ɓa gami mwa-mwa gbeloyi nu, ntu ge ɓa gna aza ge Shekwoyi gnage a shi ɓa wyidna bwa. Ishaya da gaiciya nu.’

Luka 11:41

Azhin a wu gyigyi, a wu n ye-ye nu.

Luka 11:43

“Aiya n fyei a Farisiyi, gama fye ye aba manayi n aduwa nyakun, n na zagnaɓi n bmi laɓa du n gnikwo gbe, nkwo ɓe fye n mwamwa nyi.

Luka 12:33

Fye kun anya vinya n fyei ce lo, fya ku ga aza nɓa to cei lo m, Deye ɓa gafye arziki n She mi. Gama nya ta wunya ɓom, ai ta wyi vi ɓo m, a gwowyi kwa ta gyi anya ɓo m.

Luka 12:56

Zagbelo! Fye kpe nya anyi da amma fye tagye wahala lo n kwo shi n fya bye nyi m.

Luka 13:15

Amma Yesu wa ciwo ge, “Zagbolo! Ho ta lo anakwo ya n Satiwyi ntuge ɓa sin nuwan?”

Luka 20:46

Fye zhin peceiye n ɓa Yahudawa malami yi n ɓa cei pma ɓa lo n aje dnagmai kpe nyi, ɓa cei pma a ɓi ɓa gna n mwa-mwai gni n gniko gbe. Ɓa zhin ɓa sase kpe n aba manayi nu n aduwa nyakun ɓedo n abai n aza zhi ɓai zhin agmada.

Luka 6:24

“Amma anyabwa yito n bugbafu yi io m, gama ɓa ku agmada pma bwa ya.

Luka 6:42

“Ho ɓa mi nwuna ha gna ho zado emi zado fa ma gmi ho byasukwo ya nho wye, to hoi mi ho gye shinwan-knunu nkwo dna nho wye nyi ma? Zakwocednai, la Shinwan knunu gmiya nho wye kpa, ha mi ha gye wyeba sarai, ha gmi ho zado byasukwo ya nwo wye.

Yohanna 13:29

Shi Yahuda nu ɓo zhin oɓa gyiwyeshiyi nyi, azaho ɓa gye ge Yesu ɓo tnu wo nyagyi si nu, ko ge wo ga awyekwoi gyiwye.

Yohanna 5:41

“Mi ta ye aza latu nu m.

Yohanna 5:44

Fye ta mi fya ga gaiciyam ntuge fye zan latu shin n aje aba, to fyei gye fye anuwan n latu yi nkwo gmi n Shekwoyi abam.

Yohanna 7:18

Oza nwa da ɓeda ntu wohin tukwo ɓo, wo ye mwa-mwa n wohin ɓo nu, ama, oza nwo zhin tnu-tnu ntu oza latu ɓo nwa tnu wo nyi, wo nu zhin oza gaiciya da nza manayi.

Atnu-tnuyi Aɓozhin 10:2

Wo ɓei zhin oza nu nwo wo Shekwoyi edna duk n wo puwayi, woi ga sadaka dai-dai, woi zhin aduwa cici.

Atnu-tnuyi Aɓozhin 10:31

Wagna mi ge omi aduwa n sadaka yi ɓa ku si Shekwoyi aba.

Atnu-tnuyi Aɓozhin 10:4

Malaika gna wo ge, owo sadaka n aduwa yi ɓa ku si Shekwoyi aba.

Atnu-tnuyi Aɓozhin 11:29

Ntu cenu a viyi ɓa zhin shawara ɓa tnu n nyagyi yi ga a viyi n Yahudiya, zaho-zahoi wa ga shi wo ɓa mi.

Atnu-tnuyi Aɓozhin 24:17

“Mi ɓo la gmiya na ye yi mwa begye, ma je ze ɓe Urushelima na gyiwyei shi ma bma a Yahudiyi zhin, ma zhin sakirifais ga Shekwoyi.

Atnu-tnuyi Aɓozhin 9:36

N Joppa nyikwoza ho dna ɓo n zhin viyi a yi wo Dokas ko Tabita woi bma aza zhin tun ɓa ga a sanyi ba.

Aromayi 12:8

Ngye ho zhin waʼazi zhin yi nu kpe ge eho waʼazi n kalai lo n bmazhin yi dna. N Shekwoyi la gyiwye gaho, bma azaje zhin n cei. N Shekwoyi la aza bwashi tnu-tnu ga ho woi ku azafiho n nakun zhin tnu-tnu n ho kala yi. Aza n Ba zhin abugba zhi-zhi da a tna ɓa zhin kwo n bugba a Kristi yi nya yi.

Akorintiyi I 13:3

Ko mi-i ku mi nyabwa yaga vinya agna awyekoyi, har ma ga mi nayi ntuge a gyi ko ʼna ɓedo, ama mi-i to n yeyei lom, ko la ze ɓo gbolo.

Agalatiyayi 2:10

Enya gmanyi n ɓa ɓei gayi shaula tu kwo tukwo okonuge, yi pa awyekwoyi ɓo, emihin ce ai wo mi pwa lo nu.

Afisusuyi 4:28

Ndei oza wyivi lo, tilas wa fa evi wyiɓo, wa ya tnu-tnu zhin n wo abwayi, n nabai wa bma azaje zhin n ɓa gyi san lo.

Atasalunikayi I 2:6

Yi to shin ye n ge zaho ciyin, koda yake yi n iziniyi lo fya ga yi mwa-mwa ntu ge yi zhin atnu-tnuyi nu.

Timatawus I 6:18

Gna ɓa ɓa zhin apma n ɓa agyiwyei dna n ɓemana zhin. Ɓa ku ze anyabwai dna n ɓemana zhin, ɓai ga aza n ɓa gyisan lo n bugba bui-buyi, n shiri yi zhin ɓa gni n na azai enya n Shekwoyi wa ga ɓa.

Filimon 1:7

Omi n mihin mila gyiba bwa, bugba buyi nya n emi fuyi n ho ye-yeɓo, emi zado, ntuge oho ɓemana-zhin, bma Shekwoyi aza bugba zhin lo.

Aibraniyi 13:16

To ze ɓemana zhin amwi m, zhin aɓo manayi. Ce nya ga aza n ɓa to cei lon. Nyaga nu Shekwoyi ye n cei.

Bitrus I 4:11

Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.