Matta 5:8 - Alkawali Woiwoyi

⁸ Agmada n aza aba nɓa bugba gyi-gyi-yi, ntu ge ɓa ɓei gye Shekwoyi.

Matta 5:8 ပူးပေါင်းရင်းမြစ်များ

Atnu-tnuyi Aɓozhin 15:9

Wo to n gna yi tu lo n eyi atan-tasin nɓa yi m ntu ge wo la ɓa bugba zhanya ntu ɓa gaiciya ga ɓo ngye yihin.

Akorintiyi I 13:12

Nlonu, nya yi gyelo nʼsaiye, yi kpawyega tu n Shekwoyi tukwo nyi, ko wulo duru-duru ngye shi oza zhin wa gye wohin duru n maganyi cegyeda nyi; ama n wyihoi yi ɓa gye Wo pei-pei shi Wo nyi dna Wo nunu-ntuge Wo ɓei ce yawye yihin yi ce Wawye. Oɓo mi kpeye lo nsaiye, mi kpeyelo kpe nʼsheshe nu, ama n wyihoi, mʼɓei kpeye n shince nʼkni yi, n nunuyi njesun ngye shi Shekwoyi kpe miye lo n nunuyi nyi.

Akorintiyi II 7:1

Ntu n na alkawali dnagmayi ɓo n na a cei gayi nyi, omi a nugundo ye-ye-yi, yi la awye pmi ya n ɓonukwoyi doho-doho yi, Ko dna n zafun, ya ze yihin a gyi-gyi-yi, ya zan-zan n Shekwoyi dnawoyi, yi ga yihin tukwo n wo akun.

Titus 1:15

Oza n wo bugba gyi-gyi-yi wo gye anya vinya n gyi-gyi yi, ama oza n wo bugba tucegye n tna gaiciya, wo gye nyaho-nyahoi n tna bmiya yi nu, gama owo bugba cegye nya n bugba kala kpei nu zhin woi wo lonu, woi gye lo nu njesun.

Aibraniyi 10:22

Emi azaje, yi lo Shekwoyi aba n bugbayi guguyi ya. Yi ku gaiciya ga n ge wo ɓa gwo yi, ntu ge Yesu ami layi zhanya sarai. Zafun kwa woi zhan yi ya cici.

Aibraniyi 12:14

To je zaho-zahoi m, ha zan-zan gyi-gyi-yi cici, Ntu ge aza n ɓa to gyi-gyi-yi m, ɓa ta gye Shekwoyi wye m.

Aibraniyi 9:14

Amma Shekwoyi nugun ami gyi-gyi-yi du oɓa nyalo. Zafun ɓei zhin woi bma wo zhin, owo ami n kala yi lo. Kwo ɓa shan yi do kwapmi ya bugba bma, kwa zhan yi alaifi ya. Kwo la ednawo gmiyi ya ntu na awyindna ɓo, kwo ga yi kala ntu ge ya zhin wo atnu-tnu.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Yakubu 4:8

Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

YOHANNA ƁEWYEGYE 22:4

Ɓa ɓei gyewo awyeba, ai ka wo eye kpe n ɓa anyikunmi.