“N sayi ntu azumi ɓo. Fye tna nyagyi-gyi ntu zafun ɓo. Fye to zhin kwo pei-pei m, ngye shi a kwoce- dnayi zhin ɓa wu ge ɓa n wahala yi lo, to ɓa so tukwo m, n nabai aza ci ɓa sun-sun. Gaiciya, lada nu n ɓa ɓa bwa.
Oh, Urushelima, Urushelima ezhi nko wu anabi nyi. Ezhi nkwo kni aza kuta n na tnu ɓai n ɓa aba nyi. Miɓa zhin wuna gama mi zhin ma ye ntuge ma ye fye zhi, shi pese zhin kwa ye ekwo aɓi zhi nyi, amma fyeta ye lo m.
“Fye ye efya nuwun yi, fye zhin ɓa ɓe manayi, fye gaɓa nyamwi to ha gni hoi gye ge ɓa ɓa je ho gba m. Nsayi nu n ho lada ɓa mwa n she mi, fye ɓa ze Shekwoyi aɓi, gama wo zhin aza nɓa ta zhin godiya m ɓemanayi njesun n azai n ɓa zhin aza nukwoyi.
Apollos nʼmi-i, yi zhin tnu-tnu n ngye bwadodna nya, n ɓomwi yrgmanyi, ko shi ko nyi a ɓei ga zaho-zahoi nʼyi mi lada she wa zhin tnu-tnu n wohin yekpe sun.
Ngye aɓa emi ami zeya nu ntu n fye gaiciya ga ɓo n mi ga Shekwoyi kwo ngye hadaya nyi, wato ngye mi ba fi ntu fye ɓo nu, aɓa dami n mwa, mabwa agmada ngnisun nfyei.
Sanu n ɓa ɓei ku anabi wu, n na avun ɓa wu Dagayi Yesu, n saiye ɓa kuyi ga wahala n tna sun-sun gye, ɓa la yi nya ya. Ɓa zhin gaba n Shekwoyi n na azayi.
Fye ɓei sin wahala ɓedo n naza yi n ɓafi n kurkuku. Fye to ɓei damu sa n na ɓei ku fye akaya m, fye ɓo ku Shekwoyi kpeye har fyei kpema wo. Fye kpe lo ge, gyiba dnagmayi lo kwoi pmi fye nʼshemi.
Wo ɓei gna wo ta ye wa zhin aɓo n gye a Masar yi aɓin, ama wo ɓo gye kwo ɓa wo du wa sun wahala ntu Shekwoyi alkawali ɓo, Wo ɓei la gaiciya ga ge Shekwoyi ɓaga wo lada n du Masar nya.
Shekwoyi ta wo ho agmada m ndei ho to n gaiciya ga yi m. Oza n wo ye wa ɓe wa ba dole wa ga wo gaiciya. Wa kpe ge Shekwoyi zhin wa ga aza lada n ɓa zan wo shin nyi.