Matta 5:11 - Alkawali Woiwoyi

¹¹ “Esa nu akpe fye aye nukwoyi, ai ga fye wahala, ai ce akata fi fye ntu ge fye zhin ma viyi nu-kwo bmiya lo.

Matta 5:11 ပူးပေါင်းရင်းမြစ်များ

Matta 10:18

E-har ma fye ɓa gni-agni n gwamna abye ɓedo asuyi ntu ʼMi ʼye ɓo. Deye kwo ɓei ga fye sa ntu ge fya zhin mi saida n ɓa bye ɓedo n na nyi yi vinya.

Matta 10:22

Aza ɓei wun fye nu, ntu ge fye zhin ma nya nu. Amma eza n wa mi gni har nyalo-nyalo, wo ɓa pwo.

Matta 10:25

Makaranta ɓi zhin wa ɓe wa sun ngye wo malami, fyenu lo nu ngye wo pida. Ntu cenu, shi ɓa ku mi yi ge ‘Shetan’, n mi zhin fye Dagayi nyi, balle efye!

Matta 10:39

“N ha kpema ho wye-wyei, ko ɓa ho bwi, ama n ha ga ko ntu mi ɓo, kwa ho pwo.

Matta 19:29

“Zaho-zahoi n wo la wa pyi fa, nwa zaje yi, n wa mapui, n dada yi, n ʼya yi, nnyikwo yi, naɓi yi, kwo duciya, ntu ge wa vi mi, wo ɓa bwa gyiba har abwa tagyi ngye shi wa fa anya sun, njesun wo ɓa bwa wye-wyei nyalo-nyalo nya.

Matta 24:9

Aza vinya n anyi ɓo ga fye wahala ɓai wu fye ɓai wun fye nu, ntu ge fye zhin emi aza nu.

Matta 27:39

Azoko wanhi ɓai duya ɓai da ɓeda nukoyi ga wo, ɓai bmiya tukwo ɓai gna.

Markus 13:13

Aza ɓei bmifye ntu ge fye zhin Ma nya nu. Ama eza n wa mi gni har esazo sa to wa na Ma ɓom, wo ɓei pwo.

Markus 13:9

Ama sa na nya deye ɓei zhin, fye ye lura, ntugɓe fye ɓe fi n wahala n mwa. Aɓei lo fyei n na wadayi aba. Ai lu fye n na duwa nyakun, ai ga fye laifi n na gwamna ʼba n na suyi, she fye zhin Ma viyi. Efye sa nu nyi nfye ɓei bwa fya zhin emi eye saida nɓa bye.

Markus 4:17

ama ngye agebegbe putu nu fyi n kni-yi pya, oɓa gbegye to lo shin n kpayin, koda shike ɓa zhin ɓa bmiya kmisun yi, sa n wahala bwa ɓa, ɓa fyi.

Markus 8:35

N ho ye ha gni ho wye-wyei, ho ɓa bwi kwo nuwan, Sai aza n ɓa she ɓa wye-wyei ya ntu Mi ɓo, n Nabari manayi yi, ɓa ɓa kpe nyaye na yige wye-wyei bwa.

Luka 21:12

“Amma kafin anyagye ɓa zhin a ɓei wan fye, ai zhin fye zamba, ai lo n fyei n na aduwa nyakun ntuge a dafye owa, ai gufye fi n purusuna, ai lo n fyei n asu abye gbo-gbo ntu mi ɓo.

Luka 21:17

Zaho-zahoi ɓei la ze ofye nuwuyi ntu mi ɓo.

Luka 6:22

Fye dagma of ye n naza ta yefye yi m, ɓai kpe fya gye ɓai da aɓo nukwoyi doho-dohoyi ntuge fye vi mi.

Luka 9:24

Oza nwa bwi wohin wye-wyeyi ntu mi ɓo, wo ɓa bwa ko, ama oza nwo ye wa shi kwo, kwo ɓa wo bwi.

Yohanna 15:21

Aza n anyi ɓa ga fye wahala, ntu ge fye zhin oma nya nu, gama ɓa takpe Shekwoyi ye lo, nwa tnu nmi nyim.

Yohanna 9:28

Ɓa kni wo akmi, ɓa gna, Ho nu zhin wo viyi, ama yi zhin Musa aviyi nu.

Atnu-tnuyi Aɓozhin 9:16

N ɓa wu wo shi wo ɓa sin, wahala nsun ntu mi ɓo.”

Aromayi 8:36

Awo, gama littafi a gnayi, ntu n wo ɓo tilas ya zhin shiri ya sin wahala n saho-sahoyi, yi wu ngye akni nu n ɓa pmi a wuɓa.

Akorintiyi I 4:10

Yi ku ze a ma-ma ntu Yesu ɓo, amma fye ku ze aza ce-ce ntu Yesu ɓo. Yi ku ze akala gbai, ama fye na kalayi lo. A kuyi ze aza gbolo, ama aku mwa-mwa gafye.

Akorintiyi II 4:11

Dna yi wye-wyeyi vinya, yi fi wahala efi nya ntu Yesu ɓo, ntuge aza ɓa gye Yesu n yi anayi fi-fi-yi.

Afilibiyi 1:29

Gama n fye aba ala esa ga fye, to ge fya kpema wo kawai m, ama fya gye azhin ntu wo ɓo.

Bitrus I 2:23

A kni wo akmi, to wa gba akmi tam, esa na ɓei gawo wahala wo to ɓei kun akalam, ama wa wohin fa dna n Shekwoyi akun n wo da owa ntna awyekwo nyi.

Bitrus I 4:14

Fye dagma n na kni fye akmi ai tu fye ʼkni she fye vi Yesu, ntuge n kwa bwa fye lonu Shekwoyi Zafun ɓa ɓe fye aba n mwa-mwa yakwoyi.

YOHANNA ƁEWYEGYE 2:3

Hoku wahala sin ntu mi ɓo, to hoi fa min.