Matta 5:10 - Alkawali Woiwoyi

¹⁰ Agmada n aza aba na ga ɓa wahala ntu ɓe manayi zhin ɓo, Eshe ebe mi zhin ɓa nya nu.

Matta 5:10 ပူးပေါင်းရင်းမြစ်များ

Matta 10:23

“Ndei a ga fye wahala n ʼzhi, fya kun fya lo ezhi do, miɓa jeze ɓe kafin fye zo azhi zan vinya.

Matta 19:14

Yesu wa gna, “Fye fa aɓi naiye ɓa ɓe Ma ba, fye to nya ɓa ya m. Adeye pya, ɓa zhin Shekwoyi be-mi nya nu.”

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Matta 5:3

Wa gna, “Aza n ɓa gba ɓahim tukwo ɓa ku gode, ntu ge eshe ebemi zhin ɓa nya nu.”

Markus 10:14

Ama sanu Yesu ɓei gye ɓo ɓa zhin, to ca dawo m, Wa ci ɓa ge, “Fye fa aɓi nawyi ɓa ɓe Ma ba, gama Shekwoyi bemi zhin ɓa nya nu. Fye to nya ɓa yam.

Markus 10:30

Nwo ta gwo gyiba abwa tagyim, tu nwo puwa, owo aje, owo amapwi, owo ya, owo aɓi, owo kni, nwahala sin yi. Anya deye vinya ɓa zhin wo nya nu, dna na ʼnyi ye n anyi ɓa ɓe lo nyi, njesun wo ɓa bwa wye-wyei nyalo-nyalo nya.

Luka 21:12

“Amma kafin anyagye ɓa zhin a ɓei wan fye, ai zhin fye zamba, ai lo n fyei n na aduwa nyakun ntuge a dafye owa, ai gufye fi n purusuna, ai lo n fyei n asu abye gbo-gbo ntu mi ɓo.

Luka 22:29

Njesun shi omi dada la iko gami nge mi gyibe nyi, to miɓa zhin alkawali ye n fyei.

Luka 6:20

Nsayi wa gna owo abara ge, “Fye dagma nfye to nyabwai yi m, gama Shekwoyi be mi zhin fye nyanu.

Luka 6:22

Fye dagma of ye n naza ta yefye yi m, ɓai kpe fya gye ɓai da aɓo nukwoyi doho-dohoyi ntuge fye vi mi.

Yohanna 15:20

Fye pa ɓo lo nma gna fye nyi? Fyenu ta du wo puwa da m. Shi ɓa ku wahala ga mi nyi, kwo wu nu ge, ɓa ɓa ga fye wahala ce. Ɓa gna ɓa mi aɓeda gwo, ɓo la ofye aɓeda gwo.

Atnu-tnuyi Aɓozhin 5:40

A shaula zhin yi ɓa yi abara ɓa lu ɓa. Ba gna ɓa ge ɓa to je Yesu ɓeda da m.

Atnu-tnuyi Aɓozhin 8:1

A ɓo da Bulus ntu Istifanus fi ɓo. Esayi a ga Yesu-viyi wahala, har kwa ɓa ze dole ɓa busi ɓa lo Yahudiya ɓedo n Samaria yi.

Akorintiyi II 4:17

Wahala ɓiyi ye n yi sin kwo nyi kwa, kwo ta mwasa m. Amma kwo ɓaɓe yi mwa-mwa dnagmayi nyalo-nyalo nya, n du eyi wahala ye.

Afilibiyi 1:28

Ntna edna, kwo ofye anuwunyi zhin fye n wuna na. Kwo ɓa wu ɓa nge ɓala kaya, ama n fye aba kwo ɓa wufye nge Shekwoyi kunsun lo n fyei. Woi la wye-wyeyi nyalo-nyalo nya ga fye n gnisun n woi.

Timatawus II 2:12

N ya zʼhin nubo nge owo tnu-tnu n yi zhin nyi kwo dna ɓelo, pa ge n wyi-hoi yi ɓei se ase n woi ya gyi ebe n woi. Ama n ya fa wahala sin ɓo ya pmi avun wu Kristi, wo ɓei pmi avun wu yi ce.

Timatawus II 3:11

Ho kpelo shi mi sin wahala n sun n tuge mi zhin nabari manayi waʼazi. Ho kpe ɓe ye lo n na ɓei zhin mi esa n mi ɓei lo Antakiya nyi, n Ikoniya yi, n Listra yi, ama Dagayi ɓei lami gni.

Yakubu 1:12

Bugba bui-da nu oza n wo wan wohin shi, to wa kaya dna n jaraban, gama n na avun wo ɓa bwa rawani wye-wyeyi nyalo-nyalo nya, n Dagayi a zhin aza alkawali nɓa ye wo nyi.

Yakubu 5:11

Yi kpelo shi ɓa dagma lo n saiye, ntu ge ɓa bei la kpema wo nsahi yi, kwo dayake ɓa bei ku wahala sin n mwa. Ayuba zhin misalinu oza n wo ɓei kpema Dagayi dna n wo azhin-gye, dna n wo wahala, yi ku gye shi Dagayi shiri bei zofi n ɓemana, gama wo nu-nuyi n sun-sungye yi.

Yohanna I 3:12

Yi to ku ze ngye Kayinu, nwo ɓei zhin shetan nya, wa wu owo mado nyin. Kninu ɓei zhin wa wu woa? Ntuge Kayinu ɓei zhin woi zhin ɓenukwoyi, wo ɓei n cei kpe n ge owo mado zan-zan ɓei gna wo nya bmiya.

YOHANNA ƁEWYEGYE 2:10

To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.