Matta 4:23 - Alkawali Woiwoyi

²³ Yesu wa zan-zan dna Galili ʼkni ivinya, woi wu aza dna n Yahudawayi aduwa-nyakun, woi zhin waʼazi Nabari Manayi nya ntu Eshe ʼbemi ɓo, woi ka anyasan yi doho-dohoyi pya gna.

Matta 4:23 ပူးပေါင်းရင်းမြစ်များ

Matta 11:5

Awyebuayi ɓai gye wyeba, aza bmazhi ɓai zan-zan, akuturu ɓai gwo kagna, atnubua-gunayi ɓai wo ɓeda, azafi yi bwa wye-wyei, fye gna wo mi Nabari manayi ɓo, n Mi da na wyekwoyi aba nyi.

Matta 12:9

Wa pmi wa lo ɓa duwa nyakun,

Matta 13:19

Zokwo nʼnyabye ɓo kaya kpe nyi, kwo wu gye ʼza bugba, n wo wo nabari manayi Shekwoyi Ebemi nya, to wa bwa awyegam, Shetanwa ɓe wa ɓeda yi gwo wo ya n wo bugba.

Matta 14:14

Shi Yesu ɓo piya tu n zhabui, wa gye deji zhi koi pmi wo, wa gye ɓa sun-sun wa ka ɓa nyasan-yi gna.

Matta 24:14

“A ɓo ku nabari manayi Shekwoyi ebe mi nya da anyi mi vinya, har abye doho-doho yi ɓo ku wo, esa kmaknayi ho kpe ɓe.

Matta 3:2

“Fye fa a laifi, fya pmi ɓe Shekwoyi aba ntu ge Shekwoyi ebe la ga ɓe.”

Matta 9:35

Yesu wa zan laɓa na zhi ɓiyi n na azhi dnagmai yi woi wu aza dna na Yahudawayi aduwa nyakun, woi danabari manayi ntu Shekwoyi ebe mi ɓo woi ka anyasan gna abaho-bahoi n wa lo.

Markus 1:14

Nsa dohoyi, Esu Hiridus, woi la Yohanna wan, Yesu wa lo Galili, waʼazi zhin Shekwoyi nabari manayi nya.

Markus 1:21

Yesu n Wa nugundoyi, ɓa ɓe Kafarnafum Nsatiwyi, nlabmiyi ɓa lo a Yahudawayi aduwa nyakun Wa zhin waʼazi.

Markus 1:39

Wa zan laɓa n Galili kni, woi zhin waʼazi n na aduwa nyakun, woi lo a zaya mwa na lijenu iko.

Markus 3:10

Ntuge Wo ɓola aza kagna n wyi yi mwa, ntu lo nu anyasanyi mwa ɓa she kna Wo, ɓai ye ɓa to Wo bwa.

Markus 6:2

N satiwyi yi wa lo aduwa nyakun, ntu ge wo wu nya, owo ɓeyekpe nwo aɓo wo-woyi zhin yi kwa wo aza, ntu ge wo ɓo zhin oza nu ngye ɓa. “Ɓa nya ge kafinta n Maryamu yi nugun nu to n, owo azaje nu to n Yakubu yi n Yusufu yi n Yahuda yi ɓedo n Simani yi n? Owo amapwi to bwa gni fi lo n ya n yi n.” To ca da ɓa m.

Markus 6:6

Ca wo wo ntu ɓa tna gaiciya ga ɓo. Wa gmiya wa lo azhi do wa wu ɓa nya.

Luka 13:10

Sanu Yesu ɓei dna woi wu nya n aduwa nyakun n satiwyi.

Luka 16:16

Kafin Yohanna wo ya waʼazi zhin n batisma yi, Musa owa, nu ɓei zhin fye zokwo ɓedo n waʼazi n anabi gbo-gbo ɓei zhin anyi. Amma Yohanna wa ɓe fye n nabari maayi nge Shekwoyi bemi la ga ɓe. To aza zhi nyi n mwa ɓai ye.

Luka 20:1

Nwyihoi, esanu Yesu ɓei dna n aduwa nyakun woi wu aza nya woi zhin ɓa waʼazi nabari manayi nya a prist dnagmai, ɓedo n atukwoda yi ɓa ɓe owo aba.

Luka 4:14

Nsayi Yesu wa jeze lo Galili n nunu yi n Zafun yi. Nsai-sai aza ku wo laɓa.

Luka 5:17

Nwyihoi sa nu Yesu ɓo gni woi wu aza nya, a Yahudiyayi atukwoda ho ɓedo a Farisiyi ɓa ɓe ɓa ku sase zhi vivi (aɓei zhin ai gye ngye azayezhi ye ɓo kun n akauye nu n Galili, n Yahudiya yi, har ma n Urushelima yi.) Yesu kwa wo ɓei nunu yi n iko kagna nya yi.

Luka 6:17

Sanu n ɓa ɓei shin ɓe n epe yi, ɓa ɓe sarari ho kwo shiko nyi ɓa ɓei ye kpe n pe nu, owo abara ɓe vivi n woi. Aza n mwa-begye ɓa shewo kna njesun. Gama aza ɓo la kun ɓe n nabai gbo-gbo. Ɓa kun n Urushelima, Tayor Sidom yi n na bai a ka ɓa gna. Wa kun alijenu ya n naza mwa njesun.

Luka 6:6

Njesun n Satiwyi dohoi Yesu dna n ɓa aduwa nyakun woi wu ɓa nya. Oza ho wa ɓe dna ɓo ce n bwai sha-shayi.

Luka 8:1

Esa to ɓei shan mwan Yesu wa laɓa n Galili a zhi woi gna ɓa Shekwoyi bemi ɓeɓe ɓo. Wo ɓei gni sun n wo abarai awo cei ba.

Luka 9:11

Ama aza ɓei ku kpe aba nwa lo, ɓa vi wo lo: Wa gwo ɓa wa ya ɓa nya wu tu Shekwoyi ebemi tukwo, woi ka anyasan yi gna.

Luka 9:60

Yesu wa gna wo ge, “Fwa aza afifi yi ɓa bi aje. Amma oho tnu-tnu ha ɓe ha lo ho da Shekwoyi ebemi nabari.”

Yohanna 18:20

Yesu wa dna ɓegbe wa ci ge, “Aza kpe mi nyawu ɓeye lo vinya, Ma ku waʼazi zhin dna nna duwa-nyakun, a Yahudiyi atukwoda ɓai wo. Mi to wu nyaho n vim, ma wu kwo pei-pei nu.

Yohanna 6:59

Yesu ɓo da aɓo deye dna n a Yahudiyi aduwa nyakun nu, n Kafarnahum.

Yohanna 7:1

Ndeye avun, Yesu wa fa Yahudi ya wa lo Galili, woi zan nazhi aɓi-ɓi-yi, wo to ɓo ye wa dna n Yahudiya m, ntuge ɓa ɓo ye ɓa wu wo.

Atnu-tnuyi Aɓozhin 10:38

Ho kpe lo ge Zafun Gyi-gyi-yi ɓo gnisun n Yesu yi, wa ga wo iko woi ka aza gna du azayi n ɓa aljanu yi, ntu ge Shekwoyi ɓo kunsun n woi.

Atnu-tnuyi Aɓozhin 18:4

Bulus ɓei zhin wa lo aduwa nyakun n satiwyi doho-doho yi, woi wu a Yahudiyi ɓedo n a Helleniyi ge Yesu nu zhin Kristi.

Atnu-tnuyi Aɓozhin 20:25

“Mi kpe lo ge zaho-zahoi nfye mi, ta je mi wye gye m.

Atnu-tnuyi Aɓozhin 28:31

Woi gna ɓa Shekwoyi ebe mi ɓo, n Dagayi Yesu Kristi yi, zaho-zaho yi to ɓo wo wo ɓi m.

Aromayi 10:15

Oza ɓa lo n wuna wo gna ɓa to ai tnu wo ma? Nya nu n Shekwoyi ɓeda da sanu n kwa ci n cei ge, “Gye shi oɓa apita bmiya oɓanu nɓa zhin bugba fun nabari manayi Shekwoyi nya waʼazi, ɓai ɓe n nabari a gmada nyai. Aza a yeyeyi nu aza n ɓa zhin Shekwoyi nabari manayi waʼazi nyi.”