“Aza n ɓa ye abui, mi zhin ɓa batisma n nuwan yi, ama ozado ɓe lo n wo du mi lo, owo abuada mi ta mi ma shin (mi ta mi ma la wo tnu-tnu m) owo nu ɓa zhin fye batisma n Zafun Gyi-gyi-yi ɓedo n ena yi.
Amma Yohanna waciɓa ge, “Mi zhin baptisima n nuwai nu kawai. Amma ozaho ɓelo safyewyi. Wo du mi lo n iko. Har ma mito knuce lo ma zhin wo bara m. Wo ɓo zhin fye baptisma n ena yi njesun n Zafun Gyi-gyi-yi.
Gama dna n baptisma fye gye shi efya anayi akwo-kwoyi, anukwoyi ɓo ku fi n gnisun woi, aku fye bi n gnisun n woi, fya kun n ʼfi n woi, dna n wye-wyeyi woi-woyi ntu ge fye ɓei ga Shekwoyi ikoda ɓeda gaiciya n wo ɓei la Kristi kala n ʼfi nyi.
Zokwo kwokwoyi ɓei wu aɓo nu nɓa ɓa zhin a da Shekwoyi. Awyidna ɓei nyi ntu nyasin ɓo, n nyagyi, nuwan fu ɓedo n na nyajei mwa begye. Dole owo mwa-mwa gayi ɓa nu aɓoye. Kwo ɓei zhin dole nu ɓa zhin aɓo deye ntu ge ɓa zhin shiri ntu Yesu ɓeɓe ɓo. Yesu la zokwo woi-woyi guya kwoi lo Shekwoyi aba.
(Nlonu batisma zhin dogbe, dna n batisma, yi wu ge alayi gni n efi n bwi-bwi yi dna n Kristi kalala n vingwo; to ntuge ala nayi cegye shinya n, ama ntuge dna n batisma zhin, yi pmi awye wu Shekwoyi nu, yi ɓa wo wa zhan ya bugba ya n laifi.)
Ama n ya da eyi alaifi nwo aba, yi ɓa mi ya kpema wo wa zhin yi gafara. Wa zhanyi ya n ɓenukwoyi vinya. Kwo wulo cewo n Shekwoyi aba, wa zhinyi lonu ntuge Kristi ɓei lafi ntuge wa zhanyi alaifiya.