Matta 26:41 - Alkawali Woiwoyi

⁴¹ Fye ku zhi gwu na duwa zhin yi ɓe! Nto lonun, jaraba ɓa gyi fye kala. Zafun cei yelo zin, ama ayi gba kala gba-gbai lo.”

Matta 26:41 ပူးပေါင်းရင်းမြစ်များ

Matta 24:42

“Ntu ce nu fye zhi n shiri zhin, ntu ge fye ta kpe nyipyei ye lo nfye Dagayi wo ɓe lo m.

Matta 25:13

“Ntu ce nu, fye zhi n shiri yi zhin, ntu ge fye takpe nyipyei lo ko esa, nmi ɓa jeze ɓe n cei m.

Matta 26:38

Wa gna ɓa ge, “Emi wye-wyeyi la lo wahala n bugba wun yi har efi–fye ku zhi ya–fya ku zhi n wyewyeyi ngnisun mi yi.”

Matta 6:13

To lo n yi n jaraba mi m, ama ha gniyi n Eza nukwoyi. Amin.

Luka 11:4

Ha zhin yi gafara gama yi ku zhin aza nɓa zhin yi laifi nyi. To ye ge ya lo jaraba m.”

Luka 21:36

Fye zhin peceiye, fyei zhin aduwa n nabai n fye ɓa bwa akala fyei kunya n aɓoye vinya n lafiya yi. N nabai fye zhi n oza Nugun aba dai-dai.”

Luka 22:40

Esanu wo ɓei si aba n wo zhin wa shi nyi wa ciɓa ge, “Fye zhin aduwa n nabai to fya kayafi n jaraba m.”

Luka 22:46

Wa nyaɓa ge, “Kni nu zhin fyei wan gyeʼa? Fye kukala fya zhin aduwa n nabai to fya kayafi n jara ba m.”

Luka 8:13

Ekni akuta nya wu ngye aza nu, n ɓa wo Shekwoyi ɓeda amma ko ta bwa amizhi ba m. Ɓa kpelo ge ɓedayi zhin gaiciya nu har ɓa zhin ngye ɓa ga gaiciya sa fyewyi. Amma sanu n wahala ɓe, sai ɓa ta Shekwoyi zokwo ya.

Aromayi 8:3

Ato gni yi, n laifi akun ntuge yi kpe Shekwoyi awyidna ye lo nun, ntuge yita mi n ɓa kni ya shi bwan, ama Shekwoyi wa zhin zokwo do wa gni yi, wa tnu n wo Nugun yi dna n Zanyikwoci nayi ngye eyi nya, ama eyi anya n laifi yi wa wun laifi iko ya n yi tukwo. Wa ga wohin tukwo hadaya ntu yi alaifi ɓo.

Akorintiyi I 10:13

Jaraba daho-dahoi n kwo ɓa ɓe haba, to oko pya nu ɓe azaje aba ce. Ama Shekwoyi zhin gbenu-yi nu. Wo ta ye ge a zhin ho jaraba n ko ɓa duho kala wyim. Esa n ha lo jarab ho, Wo ɓa gaho kala ha gni agni dako, har Wa wu ho zokwo n ho ɓa gmiya nkwo mi.

Akorintiyi I 16:13

Fye ku zhi gu, fye ku mizhi n gaiciya ga mi, fye ku edna ya, fye ku kala dna.

Akorintiyi I 9:27

Cenu zhin mi-i ga mi nayi tata, kwa zhin ɓo na ye cei, toge ɓonu ko yem. N mi to zhin lonun, odna wo mi lo ge sakun ma ku waʼazi zhin azaje ɓa ku lofi n na gbegyi ba, ama aila miyi dai gmiya ge mi to kunce lom.

Agalatiyayi 5:24

Aza nɓa zhin Kristi nya ɓa ku nayi zundu n kwa shakpei vinyan kpe nwo zundu.

Afisusuyi 6:18

Fye zhin aduwa cici, fye nya Shekwoyi ɓeho-ɓehoi n kwo dna n Zafun Gyi-gyi-yi ɓeye. Fye zhin atna n woi, fye pawo efya bukata ɓo, fye zhin aduwa ntu n na a Yesu viyi aje ɓo n na aba do.

Bitrus I 4:7

Anyi zo ɓelo esa fyewyi, ntucenu fye lace, fya zhin aduwa nubo cici.

Bitrus I 5:8

Fye zhin peceiye fya ku zhigu, ntuge shetan, ofye nuwun-yi yakwo, wo zan laɓa ngye gaba mikunyi nu woi boh, woi ye oza n wo ɓa wan wa saya.

Bitrus II 2:9

Ntu cenu, Dagayi ɓami wa gni yi n na jaraba n ɓa shegun yi laɓa nyi, wa gyi abye n na aɓo nukwoi tayi har owa da nyipyei-a ɓe.

YOHANNA ƁEWYEGYE 16:15

“Fye wo, mi ɓei ɓe ntna esa; dnayi ngy evi, anabarkada nu aza vinya n ɓa kmimilo n ɓa nu ajei zhin shiri lo, ɓato n na a pmayi lo ɓai zan-zan n na bwotolo yin n vinyikwoyin.”

YOHANNA ƁEWYEGYE 3:10

“Ntuge hoku ɓo vi n hakuriyi ko da yace ho sin wahala lo ntucenu mi ɓa guho n wahala yakwo esa n jarabai nkwo ɓaɓe n na anyi tukwo a mwi zaho-zahoi gye n wo n wyewyeyi.