Luka 9:41 - Alkawali Woiwoyi

⁴¹ Yesu wa ci ɓa ge, “O aza tna gaiciya ga yi, nɓa sun esa nwuna nu nfyei a? Fye ɓe woi ya.”

Luka 9:41 ပူးပေါင်းရင်းမြစ်များ

Matta 11:28

Fye ɓe maba miɓa ga fye sun-sun, efye nu n fye naya shan-woi kpe.

Matta 12:39

Yesu wa gna ɓa ge, “Sai abye nukwoi ɓedo na tna gaiciya-gai yi, ɓa nu ɓa nya a tuze ɓo. Anyi ta shan ɓa doho wu ndu tuze anabi Yanana nya m! Ntu ge shi Yunana ɓo dna nʼbmiya yakwo mi anypyei gun ata, asukwoyi gun ata, nʼlo nu Emi Masihu ɓa dna nʼkni nubo anyipyeyi gun ata, asukwo gun ata.

Matta 16:4

Abye nukwoyi, atna gaiciya ga yi, fye nya atuze ɓo n she bmana, a ta wu fye atuze do n du Yunana nya n. Yesu a la wo nya ka, wa fa ɓa zhi.

Matta 17:17

Yesu wa gna, “Efye akala-kpei, atna gaiciya ga yi, miɓa bwa atna nfyei har kni sai na? Fye ɓemi woi ya.”

Matta 23:36

E, owaye vinya ko ɓo ɓe tu aza tuko n cala ye nu.

Matta 3:7

Ama shi wo ɓo gye a Farisiyi n Sadukiyi ɓai ɓe ntu ge azhin ɓa batisma, wa nya ɓa ɓo. “Efye awa aɓi! Nyika gna fye ge fye ɓa pwo Shekwoyi minagyi n kwo ɓelo nyi a?

Markus 10:14

Ama sanu Yesu ɓei gye ɓo ɓa zhin, to ca dawo m, Wa ci ɓa ge, “Fye fa aɓi nawyi ɓa ɓe Ma ba, gama Shekwoyi bemi zhin ɓa nya nu. Fye to nya ɓa yam.

Markus 10:49

Sanu n Yesu ɓei wo, Wapi gni n zokwo, Wa ci ge Gna wo ge wo ɓe ya. “Laka ha dagma, wo yi ho lo.”

Markus 9:19

Yesu wa gna Wo abara, “O, a gaiciya ga ɓiyi da, Har kniwyi nu Mi ɓa knusun fyei ya? Har kni sayi nu Mi ɓa zhin ankuri n fyei ya? Fye ɓe Mi ɓihi ya.”

Luka 8:25

Nsayi wa ci wa bara ge, “Migye fye gaiciya? Ceʼa wo ɓa sosai har ɓa cige, Nyikado nu zeye yi har ese koi wo owo ɓeda?”

Luka 9:40

Mi-i gyi ho abara wye ge ɓa kun alijenu ya, to ɓai mi m.”

Luka 9:42

Shi oɓi hi ɓei ɓe, alijanu ɓa la wo ɓa zun wo nkni via, ɓa ga wo wahala. Ama Yesu wa gna alijenu ge ɓa kun nwo, wa ka ɓihi gna wa la wo wa wo ga wo dada.

Yohanna 14:9

Yesu wa gna wo ge, “Filibbus? Esa la mwa, yi kunsun na jeyi, Knihin nu zhin to hoi kpe Dada ye ma? Oza nwo ku mi gyewye, wo ku Dada gyewye. Knihin nu zhin hoi nya mi Dada ɓo njesun-a?

Yohanna 20:27

Wagna Toma ge, Dna ho bwanyi n mi abwada. Ha to mi abmai bwa, to zhin shaka zhin m, la gaiciya ga.

Atnu-tnuyi Aɓozhin 13:18

Wa kun sun n ɓai har aye shinyi n zhabui. Ɓai zan-zan laɓa n bmana.

Atnu-tnuyi Aɓozhin 2:40

Bitrus ɓei zhin waʼazi Yesu nya wa gna ge ɓa ye abui ɓa vi Shekwoyi.

Aromayi 2:4

Hota gye lo shi Shekwoyi zhin hakuri n hoi m? Ko ho ta kula lo ma? Hota gye lon, esaye vinya woi pmi ho to woi tahon, woi gaho sa ha pmi avun wu ho a laifin. Wo wuho alheri deye ntu ge haye abui nu.

Aibraniyi 3:19

Ntu lonu ɓato ɓei lo asun-sun ba m, (wato a Israila yi) ntu n ɓa tna gaiciya ga ɓo.

Aibraniyi 4:11

Ntu cenu, yi zhin atna ya lo ofun deye Kada tna gaiciya ga kwa hana n yi.

Aibraniyi 4:2

Nabari manayi ɓei la ɓe yi aba, ngye ɓa ɓaku wo ce, ama ko to ɓei zhin ampanyi m, ntu ge ɓa to wo n gaiciya gai m.

Aibraniyi 7:25

Gni-gni nwo ga nyi, kwo nu-nuyi lo njesun kwo zhin nyalo-nyalo nya nu. Yesu nyi nyalonyalo. Ntu cenu Yesu ɓa mi wa gni aza nɓa ɓe wa ba nyi. Wo zhin wa gyi Shekwoyi wye ntu yi ɓo.