Luka 9:26 - Alkawali Woiwoyi

²⁶ “Omi Masihu, sa ma ɓe cei dna nmimwa-mwa nmi Dada mwa-mwa yi nmi amalaika gyi-gyi-yi, nɓei wo aza vinyikwo nɓa wo mi ɓeda vinyikwo lo nsayi ye nyi.

Luka 9:26 ပူးပေါင်းရင်းမြစ်များ

Matta 16:27

Ntuge Emi, Zanugun, ɓaɓe n ma malaikayi dna latu Emi Dada nya, miye da zaho-zahoi owa shi wa zhan ɓo wu.

Matta 25:31

“Esa Emi, Masihu ɓa ɓe dna nmi latu, n mi amalaika yi, nɓo sase tu n Shinkpe-gye latu nya.

Matta 26:64

Yesu wa ye wo ge “E, emi nu. N nabye deye fye ɓei gye Mi, Eza Nugun, n sase tu n Shekwoyi bwai zhe bwa, Miyi jeze ɓe njesun dna nanyi nɓa kpe nshe nyi.”

Markus 8:38

Eza nwa womi vinyikwo n Mi nabari yi dna na nyipyei nukwoyi ye tna gaiciya ga nya, Emi, Kristi, sa Mi ɓei jeze ɓe dna Mi Dada mwamwa n na malalka gyi-gyi-yi Mi ɓei wo zahi vinyikwo ce.

Yohanna 12:43

Ɓa ɓo zhin ɓai gna ye aza nu ɓa ci ɓa, to ge Shekwoyi m.

Yohanna 5:44

Fye ta mi fya ga gaiciyam ntuge fye zan latu shin n aje aba, to fyei gye fye anuwan n latu yi nkwo gmi n Shekwoyi abam.

Atnu-tnuyi Aɓozhin 10:22

Ɓa gna wo soja tukwoda ɓo nu, Shekwoyi dnawoyi ngye shi malaika ɓe wo aba wa wu wo Bitrus aba wa ɓe ntu ge wa wu wo enya n Shekwoyi ye wa zhin.

Aromayi 1:16

Nabari manayi Kristi nya vinyiko ta wo milon, Shekwoyi ikoda zokwonu n wo ɓe n na zayi ri Shemi n ɓa gwo ko. Aɓei zhin nabari ye waʼazi n kmisun na Yahudiyi aba nu, amma n sayiye ala aza vinya yi ɓa ɓe Shekwoyi aba n zokwo yeyi.

Akorintiyi II 12:10

Shi mi kpelo ge ntu n Kristi ɓo nu nyi, bugba ta wun mi lo n ekna yi ɓon, n na agyeyi, n wahalayi, azhin n gmagma sin yi, gama esa n mi gba kala, n sahi nu n mi n kalayi.

Agalatiyayi 6:14

Nmi aba dai Shekwoyi kiyaye ma mwa mihin tukwo, sai dai dna Dagayi Yesu Kristi zundu mi. Ntu ge n zundu aba nu emi shakpe anyi da nya ɓei la duya tunyi n sapa, anyi ɓoda n kwo dna-mi nyi ɓola fi.

Timatawus I 5:21

Mi ga ho wyidna ye n Shekwoyi abye n Dagayi Yesu Kristi yi, n wo a amalaika a Gyi-gyi-yi, fya zhin lonu kwo pasto yi zhin ho nungundo nu kwo to woi zhin ho nungundon. Fye zhin aza ɓo gmanyi.

Timatawus II 1:12

Cenu zhin mi-i sin wahala dna n ya n kurkuku vinyikwoi ta wo mi lo n tu cen. Gama mi kpe ezaye lo n mi kpema wo, mi-i kpe lo nge wo ɓa mi wa gu enya n mi la gawo har ewyi n wo ɓa jeze ɓe n cei.

Timatawus II 2:12

N ya zʼhin nubo nge owo tnu-tnu n yi zhin nyi kwo dna ɓelo, pa ge n wyi-hoi yi ɓei se ase n woi ya gyi ebe n woi. Ama n ya fa wahala sin ɓo ya pmi avun wu Kristi, wo ɓei pmi avun wu yi ce.

Aibraniyi 11:26

Wo ɓei gna wo ta ye wa zhin aɓo n gye a Masar yi aɓin, ama wo ɓo gye kwo ɓa wo du wa sun wahala ntu Shekwoyi alkawali ɓo, Wo ɓei la gaiciya ga ge Shekwoyi ɓaga wo lada n du Masar nya.

Aibraniyi 13:13

Yi shegun Yesu n zhimi avun. Wato to ge nanyi ye mi m. Yi sun wahala ɓedo n vinyikwo yi n kun-sun woi.

Yahuda 1:14

Inok n wo ɓei zhin oza tnabayi n Adamu avun, ɓei kpe aza deye ɓo wa ci ge, “Gye, Dagayi ɓelo n wo azagyi-gyiyin mwa begye.

YOHANNA ƁEWYEGYE 1:7

Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.

YOHANNA ƁEWYEGYE 20:11

Magye esu-shinkpegye bui-bui, n zayi nwo sase tu n kwo, Anyi n eshe bmana yi ɓa busi n wo awyeba, ama to ɓa bwa abwi ban.

YOHANNA ƁEWYEGYE 21:8

Ama aɓiɓi n ɓa fa mi viɓo ɓai jeze n na avun yi, n na azayi nɓa ta nu egben, n na cegye dayi, azawuyi, n na aɓenukwoyi-zhinyi, n na aza yi n ɓa daɓo n alijanu yi, n na shangbayi, n na a kataceyi vinya, oɓa abwiba nyi n anapi ena zundna n kwo gyi ena n sulfa yi. Efi bayi nu.

YOHANNA ƁEWYEGYE 3:5

Ozahozahoyi n wa gyi nasara, aɓei kpewo aje abuyi, mi to ɓei wun owo eye ya n Littafi wye-wyeyi nyan, amma mi ɓei zhin wo se-ida n emi Dada abye n wo a malaikayi nge wo zhin emi nya nu.