Luka 8:14 - Alkawali Woiwoyi

¹⁴ “Ado n ɓa kayafi n aknawuyi nyi, ko wu ngye aza nu nɓa wo har ɓaku gaiciya ga. Amma n navun anyiʼa wyeda zhin kwa ɓa gna-gna. Ntuce nu ɓa ta mi ɓa bma zado zhin ntuge wa vi nabari manayi m.

Luka 8:14 ပူးပေါင်းရင်းမြစ်များ

Matta 13:22

Ekni aknawuyi nya ko wu gye za n wo wo nabari, ama aɓopwawo anyi nya, nʼ nyabwa zanshinyi, ɓa ku Shekwoyi ɓeda gyisun, to wa mi nwo zhin nyaho ntu Shekwoyi ɓo m.

Markus 4:19

Ama safyewyi aɓowye-da anyinya, n nyabwa ye yi, n na bye-gyi zanyi yi, n na nya manayi shakpe yi, ɓa ɓe ɓa ku Shekwoyi ɓeda gyi sun n ɓa bugba, har to ɓa zhin ampanyi m.

Luka 16:13

“Gama zaho-zahoi to lo n wo ɓa mi wa bwa a maigida ngun aba m. Ko ha ye zaknayi to ha ye zadeyi m, ko kwa ha ye zadeye to ha ye zadeyi m. Ho ta mi ha vi Shekwoyi ɓedo n agyiwyei n esa gmanyi m.”

Luka 21:34

“Fye zhin peceiye, Fye to fa agmada n jesin yi har ɓedo n damuwa anyi nya ɓa ku fye gnagna m, kada nyipye yi ɓei ɓe to fyei dna ce m.

Luka 8:13

Ekni akuta nya wu ngye aza nu, n ɓa wo Shekwoyi ɓeda amma ko ta bwa amizhi ba m. Ɓa kpelo ge ɓedayi zhin gaiciya nu har ɓa zhin ngye ɓa ga gaiciya sa fyewyi. Amma sanu n wahala ɓe, sai ɓa ta Shekwoyi zokwo ya.

Luka 8:15

Amma ekni manayi wu ngye aza abugba manayi da nu. Ɓa zhin ɓa wo Shekwoyi ɓeda ɓa nyimako sosai har ɓa lo azado ncei, ntuge ɓa ka gaiciya ga ce.”

Luka 8:7

Adoho ɓa kayafi n a knawuyi, sanu n ɓa ɓei pa aknawuyi ɓa ɓa gyice.

Yohanna 15:6

Oza nwa kpeya nmi, a ɓa she wo ya ngye bwala ntna apma, nkwo zhin kwa wo akawu, abwala ye pya a zhin a ye ɓa zhin a dna ɓa ʼna, ɓa gyi ʼna.

Timatawus I 6:17

Gna aza n ɓa n nyabwai nyi nge ɓato mwa ɓahin tukwon, to ɓa kpema oɓa nyabwan. N kwo ɓa zo esa fyewyi nyin, ama ɓa gma ɓai kpema Shekwoyi wye-wyeyi da, n wo gayi anya vinya n yi n cei pma ntu n yi agmada ɓo nyi.

Timatawus II 4:10

Gama Dimas nla miya, wa wo anyi nya shakpe wa lo Tassalunika, Kiristis wo du Galatiya, Titus wa lo Dalmatiya.

Aibraniyi 6:1

Ntu cenu yi shi ɓeda bwa n yi ku wo nyi wato Yesu wuwu, to ya wu kwo nu cici m, ama yi gyi abye dna gni-gni zokwo har ya mwa. Atnu-tnu ta mi ɓa gni yi m, ntu cenu, yi mi zhi dna gaiciya ga. Yi ku atnu-tnu anayi nya fa. Ɓa ɓa lo yi na bwi-bwi ba.