Luka 7:13 - Alkawali Woiwoyi

¹³ Sanu n Yesu ɓei gye wo, wa wo wo sun-sun, wa ci wo ge, “to zhin bwi ci m.”

Luka 7:13 ပူးပေါင်းရင်းမြစ်များ

Luka 10:1

Dagayi wa kni owo aviyi shi tnaba wa tnu ɓa, ɓa lo azhi vinya n wo ɓei n shiri zhin ntu ge walo n wohin.

Luka 11:1

Nwyihoi sanu Yesu ɓei lo woi zhin aduwa. Owo abara ɓa ɓe ɓa ciwo ge, “Wu yi shi yi ɓa zhin aduwa nwu shi Yohanna ɓei wu wo abara nyi.”

Luka 11:39

Amma Yesu wa ciɓa ge, “Ofye a Farisiyi fye zhin fya zhan obmi sarai amma ofye mi tu cegye lo ngye ʼvun.

Luka 12:42

Yesu wa ciwo ge, “Mi daɓo n zaho-zahoi nu n wo nɓefyecei lo, n wo n nubo zhi lo. Eza n wo dagayi wa ga wo tnu-tnu n nabai wa bma aza do zhin. Nwo dagayi wa jeze ɓe wa gye wo ku tnu-tnu zo zhin n bmiya, a ɓei gawo lada. Owo dagayi ɓei tu wo n anya she vinya n wo ncei.

Luka 13:15

Amma Yesu wa ciwo ge, “Zagbolo! Ho ta lo anakwo ya n Satiwyi ntuge ɓa sin nuwan?”

Luka 17:5

Nwyihoi Yesu abara ɓa ciwo ge, “Yi ye gaiciya ga lo n mwa. Yi ɓa bwa kwo n wuna?”

Luka 17:6

Yesu wa ciɓa ge, “Nfya bwa gaiciya ga ye n bwa sun ciwyi, ngye musta byegye (Musta wu ngye fulu nu.) Ko ɓa mi kwa shi shinwan dnagmai ya har kwa shekwoya dna n la. Nfya ga gbe, koɓa ze lo nu.

Luka 18:6

“Nsayi Yesu wa ciɓa ge, ngye alkaliye pya ɓa zhin lai, fye ta kpe ge Shekwoyi ɓa zhin owo aɓi daidai, nɓa gyi wo wye n sukwoyi ɓedo n nyipyeyi ko?

Luka 19:8

Zaka wa lakala gni wa ci Dagayi ge, “Dna emi nyabwa vinya miɓa la tokunyi ma ga aza n ɓato n nyahoi m. Ngye mila zaho-zahoyi gyifi kwa, miɓa gbawo ta har abwa ngun anyi.”

Luka 22:61

Yesu wa shi Bitrus awye, nsayi Bitrus wa pa Dagayi ɓeda shi wo ɓei da ge, “Kafin pise kwo cheku n naiye ho ɓei na ma ɓo har abwa ngun ata.”

Luka 24:3

Ntucenu ɓa lofi. Amma shi ɓa ɓei lofi to ɓa gye Yesu nayi shi m.

Luka 24:34

Ɓa cige, “Lalle Dagayi la lakala n vingwo gama wo ku wohin tukwo wu Siman.”

Luka 7:12

Ɓasi ezhi yi ai lo nzai o bi. Eɓi n wo ɓei fi nyi kwa owo ya toɓo ndohoi shan sun m. Aza viwo n mwa ɓai cibwi.

Luka 7:14

Nsayi wa lo wa to zafi bwa, azafi layi ɓa ku kpe zhi. Yesu wa cige, “samari, wye-wyeyi ko jezebɓe da ho.”

Luka 7:19

Yohanna wa tnu aza ngun aba nge ɓa lo ɓa nya Yesu ge, “Oho nu zhin Masihu (Kristi) kwo kwa yi tu awye na bye a?”

Luka 8:52

Aza ɓo fi n mwa ɓai cibwi. Yesu wa ci ɓa ge, “Fye to zhin bwi ci m, ai wo to fi m, wo wan gye nu kurum.”

Yohanna 11:2

Maryamu ye nwo mapui ɓei shi n nyasan yi nyi, owo nu ɓo ze omi sin-dayi ya kpe n Yesu apita, wa wun kwo ya nwo tukwo yi-i.

Yohanna 11:3

Ntu cenu, Liyazaru mapui ɓa tnu tnu-tnu ga Yesu ge, “Dagayi gye nyasan oho ʼza ye-ye-yi lo.”

Yohanna 20:13

Ɓa nya wo ɓo ge, “Nyikwoza knihin nu zhin hoi cibwi a?” Wa gna ɓa ge, “Ɓa la mi Dagayi la, mi ta kpe aba lo nɓa woi ya shim.”

Yohanna 20:15

Yesu wa nya wo ge, “Knihin nu zhin hoi ci bwi a? Ho ye nyikana?” Maryamu wa gye ngye lambu zhin yi ho nu dna, wa ci wo ge Puwada ngye ho la wo la ho la so, wu mi aba, ma lo mi la wo ɓe cei.

Yohanna 4:1

Yesu ɓei zhin aza batisma ndu Yohanna nya, nna barayi nmwa begye njesun. Afarisiyi ɓa ku kpe.

Yohanna 6:23

Aza ho ɓa kun n Tibariya, ɓa piya kpe vivi aba yi aza ɓai gyi buredi, n Dagayi ɓei tu kwo anabarka nyi.

Akorintiyi I 7:30

Agmada, ko bugba-wun, ko nyabwa, ɓa to go zaho-zahoi Shekwoyi tnu-tnu yam.

Atasalunikayi I 4:13

Nsaiye, omi azaje, mi n cei pmalo fya kpe oɓo n kwo bwa Yesu viyi, esa n wa fi n cei. N na abai n kwa bwa fye, fyeta wun bugba n duwyin, ngye aza n ɓato n na awyetu yin.

Aibraniyi 2:17

Ntu lo nu wa ze ngye owo azaje, n anya vinya. Deye kwa ga wo iko wa zhin pirist dnagmayi. Wo kpe lo shi wo ɓa gye yi sun-sun wa zhin gaiciya n Shekwoyi abye. Ce na zhin wami wala aza laifi. Woi la yi ye ɓedo n Shekwoyi yi.

Aibraniyi 4:15

Gama Yesu eyi pirist wo kpe yi a kala gbaɓolo, ntu ge a ɓei ku jaraba zhin wo ngye yi. Ama wo to zhin laifi m.