Luka 6:23 - Alkawali Woiwoyi

²³ Fye dagma sosai gama fye ɓo bwa lada dnagmai n She mi. Ai ɓaɓo zhin anabawa kwo-kwoyi n lo nu nu.

Luka 6:23 ပူးပေါင်းရင်းမြစ်များ

Matta 5:12

Fye zhin bugba bui-bui! A da fye, ntu ge lada dnagmayi shi lo kwoi pmi fye n ʼshe. Fye pa ge anabi kwo-kwoyi ɓo ku wahala sin lo nu ce.

Luka 1:41

Sanu Maryamu ɓei ɓi ɓa gna eɓi n ko ɓei dna n Alizabatu nubo nyi kwa shan-shan dna mi. Alizabatu kwa wa nu n zafun yi.

Luka 1:44

Esanu n ha ɓe hoi ɓi mi gna nyi, shi mawo oho begye eɓi nkwo dna n mi nubo nyi, kwoyi shan-shan ntu agmada ɓo.

Luka 6:35

“Fye ye efya nuwun yi, fye zhin ɓa ɓe manayi, fye gaɓa nyamwi to ha gni hoi gye ge ɓa ɓa je ho gba m. Nsayi nu n ho lada ɓa mwa n she mi, fye ɓa ze Shekwoyi aɓi, gama wo zhin aza nɓa ta zhin godiya m ɓemanayi njesun n azai n ɓa zhin aza nukwoyi.

Atnu-tnuyi Aɓozhin 14:10

Bulus wa ciwo ge, “Omi zado lakala.” Wa laka wa ya zan-zan.

Atnu-tnuyi Aɓozhin 5:41

Abara kun ɓai dagma gama ɓa ku kunce ɓa sun wahala ntu Yesu ɓo.

Aromayi 5:3

Yi ɓa dagma ce sanu n ya lo wahala ncei, ntu ge yi kpe ge ko n na pmayi lo-lo n yi aba, ɓa wu yi shi yi ɓa zhin hankuri.

Akorintiyi II 12:10

Shi mi kpelo ge ntu n Kristi ɓo nu nyi, bugba ta wun mi lo n ekna yi ɓon, n na agyeyi, n wahalayi, azhin n gmagma sin yi, gama esa n mi gba kala, n sahi nu n mi n kalayi.

Akolosiyi 1:24

Ama emi tnu-tnu nu ma sin wahala ntu fye ɓo, ai dami lo, gama mi bmazhin lo ma nu Kristi azhingye n tu wo nayi ɓo, wato ikklisiya.

Timatawus II 2:12

N ya zʼhin nubo nge owo tnu-tnu n yi zhin nyi kwo dna ɓelo, pa ge n wyi-hoi yi ɓei se ase n woi ya gyi ebe n woi. Ama n ya fa wahala sin ɓo ya pmi avun wu Kristi, wo ɓei pmi avun wu yi ce.

Aibraniyi 11:26

Wo ɓei gna wo ta ye wa zhin aɓo n gye a Masar yi aɓin, ama wo ɓo gye kwo ɓa wo du wa sun wahala ntu Shekwoyi alkawali ɓo, Wo ɓei la gaiciya ga ge Shekwoyi ɓaga wo lada n du Masar nya.

Aibraniyi 11:6

Shekwoyi ta wo ho agmada m ndei ho to n gaiciya ga yi m. Oza n wo ye wa ɓe wa ba dole wa ga wo gaiciya. Wa kpe ge Shekwoyi zhin wa ga aza lada n ɓa zan wo shin nyi.

Yakubu 1:2

Omi azaje ye-yeyi, fye sin wahala lo, fyei gye azhin? Fye dagma.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

YOHANNA ƁEWYEGYE 2:17

“Fa oza nwo wo atnubua ɓo wa wo oɓo n Zafun gna a ikklisiya. Oza nwa gyi nasara, wo ɓa gyi n manna n kwo so shinyi. Asiri lafiya ganya n kwo soshi n eshe mi nyi, ma ga zaho-zahoi kuta buyi, n kuta yi mi ɓei ka eye tu n zahota kpe kwo yen, sai: oza n wa bwa kwo.”

YOHANNA ƁEWYEGYE 2:26

“Oza-n wa gyi nasara, wa zhin oɓo n kwo dami har nyipyei kmaknayi, miɓa ga wo iko tu n na akni tukwo.

YOHANNA ƁEWYEGYE 2:7

“Fa ɓedaye kwa lo zaho-zahoi tnubua n wo kna tunbua woi wo oɓo n Zafun gna a ikklisiya. Oza n wa gyi nasara, miɓa gawo, shinwa wye-wyeyi nya n kwo dna n Shekwoyi paradise wagyi.”

YOHANNA ƁEWYEGYE 21:7

Ozaho-zahoi n wa gyi nasara, wo ɓa bwa anyi gye vinya gado, ma ze wo Shekwoyi wa ze mi oɓi.

YOHANNA ƁEWYEGYE 3:12

“Oza n wa gyi nasara, miɓa ze wo jigo n mi Shekwoyi yakun, nyaho ta bwawon wo ta shagmin nyalo-nyalo miɓa ka emi Shekwoyi eye tu n wo, wa ze ekni ɓi n emi Shekwoyi aba. Woɓei bwa emi eye n katu n wo.

YOHANNA ƁEWYEGYE 3:5

Ozahozahoyi n wa gyi nasara, aɓei kpewo aje abuyi, mi to ɓei wun owo eye ya n Littafi wye-wyeyi nyan, amma mi ɓei zhin wo se-ida n emi Dada abye n wo a malaikayi nge wo zhin emi nya nu.