Luka 6:20 - Alkawali Woiwoyi

²⁰ Nsayi wa gna owo abara ge, “Fye dagma nfye to nyabwai yi m, gama Shekwoyi be mi zhin fye nyanu.

Luka 6:20 ပူးပေါင်းရင်းမြစ်များ

Matta 11:5

Awyebuayi ɓai gye wyeba, aza bmazhi ɓai zan-zan, akuturu ɓai gwo kagna, atnubua-gunayi ɓai wo ɓeda, azafi yi bwa wye-wyei, fye gna wo mi Nabari manayi ɓo, n Mi da na wyekwoyi aba nyi.

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Matta 5:1

Nwyihoi aza-yezhi ɓa be, wa laka wa lo epe sepa n wo abara yi wa sase wa ya ɓa nya wu.

Luka 12:32

“Ntu cenu fye to wo dna m, aɓi gama ko zhin kwa da fye dada wa ga fye owo ʼbe mi.

Luka 13:28

“Fye ɓei ci bwi n mwa fyei gyi anyikna. Gama fye ɓei gye Ibrahim, Ishaku n Yakubu yi n be mi ɓedo n anabi yi vinya.

Luka 14:15

Ozaho n wo ɓei tu woi wo Yesu ɓeda wa ci Yesu ge, “Ai oza wa lo Shekwoyi bemi wo ku saʼa dnagmayi zhin.”

Luka 16:25

“Amma Ibrahim wa ciwo ge ‘Eɓi pa sanu n ho ɓei dna n anyi ho ɓei nyaho-nyahoi n ho ɓei cei pma. Amma Liazuru to ɓei nya hoi m. Amma n saiye a zhin wo atna lo amma ho dna lo n wahala.

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Akorintiyi II 6:10

Yi bugba wun yi lo, ama yi n agmada yi lo ci-ci, yi wu lo n gye yi to n nyaho yim, ama yi ga azaje arziki lo, ko yi to arzikim, yi n nyaho-nyahoi lo vinya.

Akorintiyi II 8:2

Kwo shi kwo nyi ɓa fi lo n wahala nsa nukwoyi, ɓa ku oɓa bugba buyi gmaje nɓa sangyi-yi, deye kwoi zhin ɓa, ɓai mi ɓa ga nyaga, ntu azaje ɓo nbugbayi gmanyi.

Akorintiyi II 8:9

Fye kpe lo shi eyi Dagayi Yesu ɓei nu n ye-yeyi, n na aza bmazhin yi. Kwo shi kwo nyi wo zhin nyabwa-yi nu, ama wa ze wyekwoyi nabayi, dna n wo awyekwo wa ze fye a nyabwayi.

Atasalunikayi I 1:6

Ntu ce nu fye ku ze eyi aviyi n Shekwoyi anya yi, ntu ge fye ɓei la eyi ɓeda gwo n bugba buibuyi n Zafun Gyi-gyi-yi aba, to fyei gye efye anuwan n wahala yi nbugbawun yi n kwo ɓei ɓe fye n ce yin.

Atasalunikayi II 1:5

Zokwo gmanyi nu nyi n Shekwoyi zhin tnu-tnu, gama wo zhin a pma n wahala yi, woi zhin fye shiri ntu wo bemi ɓo.

Yakubu 1:12

Bugba bui-da nu oza n wo wan wohin shi, to wa kaya dna n jaraban, gama n na avun wo ɓa bwa rawani wye-wyeyi nyalo-nyalo nya, n Dagayi a zhin aza alkawali nɓa ye wo nyi.

Yakubu 2:5

Fye wo, emi azaje, Shekwoyi nla awyekwoyi kni ɓa ze anyabwayi dna n gaiciya ga, Eshebemi zhin ɓa nya nu, gama cauta nu n Shekwoyi zhin aza alkawali nɓa ye Wo.

YOHANNA ƁEWYEGYE 2:9

“Mikpelo shi ho sin wahala ntu Dagayi ɓo nsun, mikpe oho awye kwoye lo, (amma ho n nabwa eshe nyayi lo.) Mi kpe aza kwoce dnai yelo n ɓa gni apa-pa n hoi nyi, nɓa gna ge ɓa zhin a Yahudiyi nyi Shekwoyi aɓi, ɓai to zhin owo aɓi nun, gama ɓa ce Shetan zokwo golo.