Luka 5:38 - Alkawali Woiwoyi

³⁸ Ko zhin dole nu a fi je woi-woi n apa woi-woi ce.

Luka 5:38 ပူးပေါင်းရင်းမြစ်များ

Matta 9:17

Ko nyikanu ɓa fi nuwan shu-shuyi woi-woyi n pwakun kwokwoyiʼa? Nuwan shu-shuyi ye ɓa bma kwo har pwakun ɓa cepwo anab nuwan zeya. Sai dai a fi anab woi-woi n pwakun woi-woi, aɓa bwa ɓa pma vinya.”

Luka 5:37

Njesun ata zhin a fi oje woi-woyi n apa kwo-kwoyi m, gama oje woi-woyi ɓa sa apa kwo-kwoyi ya har kwa zeya zhi laɓa.

Luka 5:39

Amma eza to lo m n wo ku oje kwo-kwoyi sin, n wo cei pma wa je woi-woyi si m. Ɓa zhin ɓa cige, ‘Zokwo kwo-kwoyi gna bmiya.’ ”

Akorintiyi II 5:17

Esanu oza la vi Yesu, wola ze oza woi-woyi, oza kwo-kwoyi la duya, hali woi-woyi la ɓe.

Agalatiyayi 2:4

Ko ma, ɓenya deye pya to ɓei ɓa ɓen, sai dai aza n ɓa yi ɓahin ge a Yesu viyi, a Yesu viyi a katai n ɓa ɓe, ɓa pmi ɓe gye n yi zhin, ɓa gye a gmada pya n yi n cei dna n Yesu, ko yi shi a Yahudiyi awyidna bwa lo. Ɓa zhin atna ɓa payi gyi n ɓa wyidna n gye a fyenu pa zhi na gmayi.

Timatawus I 4:8

Nayi tnu-tnu n bmiya, amma Zafun tnu-tnu n du, kwoi bmaho zhin n nya n ho zhin. Ntu cenu tumwi ha ze Yesu viyi manayi, kwo ta bmaho zhin dna anyi ye nu gmanyin, ama har n doi n kwo ye ɓe-ɓelo.

YOHANNA ƁEWYEGYE 21:5

Oza nwo sase tu n esushinkpegye nyi wa gna, “Gyewye, mi zhin anya woi-woyi nu,” wa gnami nsai ge, “Ka aɓeye kpe, gama oɓo n mi gnaho nyi kwo zhin oɓo hin-hin nu n gaiciya yi.”