Luka 5:20 - Alkawali Woiwoyi

²⁰ She Yesu ɓo gye ɓa gaiciya ga wa cige, “Emi nugundo aku gafara zhin ho.”

Luka 5:20 ပူးပေါင်းရင်းမြစ်များ

Matta 9:2

Esa fyewyi aza ɓe n ʼɓi nayi fi-fiyi da yi ntu na pece. She Yesu ɓo gye ɓa gaiciya ga, wa ci eɓi nyasan yi ge “Nugun, laka! Miku oha laifi zhin gafara!”

Matta 9:5

“Kni dei nu gna wo lo fwa-fwa, a cige miku ha laifi zo, kwo kuwa a la ho kagna?”

Markus 2:5

Sa n Yesu ɓei gye ɓa gaiciyaga, Wa ci nyasan-yi ge, “Aku ha laifi zhin gafara.”

Luka 7:48

Nsayi Yesu wa ci nyikwoyi ge, “Aku gafara zhin ho.”

Yohanna 2:25

Zaho-zahoi ta mi wa gna wo zado ɓon. Ntu ge wo kpe aza bugba lo sarai. Zado nu to ɓei ɓa gna wo zanyi-kwoci ɓon. Wo ɓei kpe shi za bugba pye doshan yi.

Yohanna 5:14

Nsado Yesu wa gye wo dna aduwa-nyakun, Wa gna wo ge, “Nsayi ho la lafiya bwa, to je laifi zhin shi ho ɓei shin zhin nyim. Kada enya nkwo du deye kwa bwa ho.”

Atnu-tnuyi Aɓozhin 11:23

Wasi Antakiya wagye aɓo wowoyi, n Shekwoyi a zhin nyi, a dawo n mwa, wa mi ɓa zhi, wa gna ɓa ge ɓa la nyima Dagayi.

Atnu-tnuyi Aɓozhin 14:9

Wa wo Bulus woi zhin waʼazi, Bulus kwa wa kukpe ge zaye n gaiciya gayi lo.

Akorintiyi II 2:10

Esa nu fya zhin ʼza gafara n laifi wa zhin nyi, mihin mi ku wo zhin gafara ce, gama esa ma zhin wo gafara ncei ndai gye nyaho lo, ma zhin gafara ntu kwo ɓo, to mi zhin kwo ntu Yesu ɓo nu, ntu fye ɓo njesun.

Akolosiyi 3:13

Fye zhin peceye fyei zhin shiri fya zhin aza gafara. Fye to shi za n fye min, fye pa ge Dagayi n ku gafara zhin fye, ntucenu tilas fya zhin azaje gafara.

Yakubu 2:18

Ama zaho ɓa naɓo ge “Fye gna, zokwo n kwo lo Shekwoyi aba gaiciya ga nu gmanyi, to ma cige atnu-tnu n na pmailo n mwa, gama n tna atnu-tnu manayi, ho takpe kwo ho n gaiciya gai lo, kwo ho to n cei lon. Ama zaho-zahoi ɓakpe ge mi n gaiciya gai lo ngye shi mi zhin aɓo n wu.”