Luka 3:11 - Alkawali Woiwoyi

¹¹ Yohanna ci ge, “Ngye ho na ajei lo ngnu aba, to, sai ha ga zaho gmanyi. Ngye ho nyagyi lo n mwa, to, sai ha cega ʼza nɓa to cei lo m.”

Luka 3:11 ပူးပေါင်းရင်းမြစ်များ

Matta 25:40

“Emi, Esu nɓo gna ɓage, esa nu fye ɓo zhin mi azaje n cei lo nyi, fye ɓo zhin mi nu.

Luka 11:41

Azhin a wu gyigyi, a wu n ye-ye nu.

Luka 18:22

Sanu Yesu ɓei wo lonu wa ci malami ye ge, “Enya ye hoi celo gmanyi. Lo hoi kun anya vinya n ho cei lo, ha ku agyiwye ga anyamwa yi, hoɓa bwa dukiya n eshe mi nsayi haɓe ha vimi.”

Luka 19:8

Zaka wa lakala gni wa ci Dagayi ge, “Dna emi nyabwa vinya miɓa la tokunyi ma ga aza n ɓato n nyahoi m. Ngye mila zaho-zahoyi gyifi kwa, miɓa gbawo ta har abwa ngun anyi.”

Yohanna 13:29

Shi Yahuda nu ɓo zhin oɓa gyiwyeshiyi nyi, azaho ɓa gye ge Yesu ɓo tnu wo nyagyi si nu, ko ge wo ga awyekwoi gyiwye.

Atnu-tnuyi Aɓozhin 10:2

Wo ɓei zhin oza nu nwo wo Shekwoyi edna duk n wo puwayi, woi ga sadaka dai-dai, woi zhin aduwa cici.

Atnu-tnuyi Aɓozhin 10:31

Wagna mi ge omi aduwa n sadaka yi ɓa ku si Shekwoyi aba.

Atnu-tnuyi Aɓozhin 10:4

Malaika gna wo ge, owo sadaka n aduwa yi ɓa ku si Shekwoyi aba.

Afisusuyi 4:28

Ndei oza wyivi lo, tilas wa fa evi wyiɓo, wa ya tnu-tnu zhin n wo abwayi, n nabai wa bma azaje zhin n ɓa gyi san lo.

Timatawus I 6:17

Gna aza n ɓa n nyabwai nyi nge ɓato mwa ɓahin tukwon, to ɓa kpema oɓa nyabwan. N kwo ɓa zo esa fyewyi nyin, ama ɓa gma ɓai kpema Shekwoyi wye-wyeyi da, n wo gayi anya vinya n yi n cei pma ntu n yi agmada ɓo nyi.

Timatawus I 6:18

Gna ɓa ɓa zhin apma n ɓa agyiwyei dna n ɓemana zhin. Ɓa ku ze anyabwai dna n ɓemana zhin, ɓai ga aza n ɓa gyisan lo n bugba bui-buyi, n shiri yi zhin ɓa gni n na azai enya n Shekwoyi wa ga ɓa.

Aibraniyi 6:10

Shekwoyi ta gyi za fim wo ta gyi za atam. Wo ku yeye gye, n fye wu aza ntu wo ɓo nyi, wo ta ze ko amwim. Fye gyi abye lonu.

Yakubu 1:27

Yesu-viyi nwo gyi-gyi-yi ntna aɓe nya n Shekwoyi Dada awyeba, ozanu n wo shi a kuwyi bwa, n na anyigbayi, n zayi n wo kpema Dagayi n gaiciya yi, to wun-wun yi ya, kwo n tucegye n na anyi nya yin.

Yakubu 2:14

Emi azaje ye-yeyi, mi gye kwo apma, nfye cige fye n gaiciya gailo, fyei zhin a Yesu-viyi nu, ama to fyei bma azaje zhin. Gaiciya-ga yi pya ɓa gni oza?

Yohanna I 3:17

Ama ndei oza n wo zhin Yesu-viyi wo n na agyiwyeyi lo nwo ɓa sase n dagma, wa gye zado n na awyekwoyi to wa bmawo zhin, Shekwoyi ye-ye dnalo n wuna nu nwo miʼa?

Yohanna I 4:20

Ndei oza gna ge, “mi ye Shekwoyi lo” ama woi wun owo zado nun, wo zhin za kata nu, woɓa ye Shekwoyi n wuna n wo to shin wo gye-nyin, ndei wo ta ye wo zado lo n wo gyewo wye nyin ma?