Luka 24:51 - Alkawali Woiwoyi

⁵¹ Shi wo ɓei gni woi tuɓa anabarka yi Walakala tu she har wa bwi ɓa wye woi gun n sheyi.

Luka 24:51 ပူးပေါင်းရင်းမြစ်များ

Markus 16:19

Sanu Dagayi Yesu ɓei ku ɓeda zoda mɓai, a lawo lo cei n eshemi wa sase tu n Shekwoyi bwai-zhe bwa.

Luka 24:50

Nsayi wa kunɓaya zhi nbmi wa vi zokwoyi n kwolo Baitanya nyi. Wa ku abwa wu nshe wa tuba anabarka.

Luka 24:52

Ɓa zhin wo sujada zhi ɓo, Nsayi ɓa jezelo Urushelima n nu-nuyi n agmadayi.

Yohanna 20:17

Yesu wa ci wo ge, to to mi bwa m, ntu ge mi to gun lo mi Dada aba kpam. Ama lo da omi azaje ho gna ɓa ge, mi du gun da mi Dada nfye Dadayi, omi Shekwoyi nfye Shekwoyi.

Atnu-tnuyi Aɓozhin 1:9

Safyewyi wa laka tulo ʼshe owo abara ɓa shi wo awye har wa bwi wye.

Aibraniyi 1:3

Yesu nu wu Shekwoyi buzangna ɓehin-hin nya, wonu zhin Shekwoyi degbe, Owo iko nu shi aɓo bwa vinya. She wo ɓei pwo ya laifi zhanya ɓo, n wo ami yi wa lo wa sase n Shekwoyi shinkpegye bwaizhe-bwa.

Aibraniyi 4:14

Yesu eyi pirist dnagmayi wo du she. Wo nu zhin Yesu Shekwoyi nugun. Ntu cenu yi kpema wo dei-dei.