Luka 24:47 - Alkawali Woiwoyi

⁴⁷ Njesun ge dna wo eye nu aɓa zhin waʼazi ntuge aza ɓa bwa gafara n ɓa laifi. A zhin aza vinya, kwoi ya n Urushelima.

Luka 24:47 ပူးပေါင်းရင်းမြစ်များ

Matta 28:19

Ntu ce nu fye lo fye zan abara do shin nabye vinya, fya zhin ɓa batisma dna Dada ʼye, n Nugun yi, n Zafun Gyi-gyi-yi.

Matta 3:2

“Fye fa a laifi, fya pmi ɓe Shekwoyi aba ntu ge Shekwoyi ebe la ga ɓe.”

Matta 9:13

Fye lo fye zan aya ye awyega shin, ‘Mi ta ye sadaka lo n na nyaga yim, Mi ye fya ze asun-sun gye yi.’ Ma ɓe, ntu ge ma yi alaifi da ɓa ɓe Shekwoyi aba to ge aza n ɓa yi ɓahin ge aɓe-fyeceyi m.”

Luka 13:34

Oh, Urushelima, Urushelima ezhi nko wu anabi nyi. Ezhi nkwo kni aza kuta n na tnu ɓai n ɓa aba nyi. Miɓa zhin wuna gama mi zhin ma ye ntuge ma ye fye zhi, shi pese zhin kwa ye ekwo aɓi zhi nyi, amma fyeta ye lo m.

Atnu-tnuyi Aɓozhin 10:43

Anabi vinya ɓo ku ka tu nwo tukwo ɓa gna ozaho-zaho nwa ga gaiciya, aba zhinwo alaifi gafara dna Yesu ye.

Atnu-tnuyi Aɓozhin 11:18

Shi a zaje ɓo wo lonu ɓa ku ɓa aɓena fa ɓa ci Shekwoyi. Ɓa gna, E, Shekwoyi la dama ga abye do ɓa ɓe wo aba ɓa bwa wye-wyei nyalo-nyalo.

Atnu-tnuyi Aɓozhin 13:46

Bulus n Barnaba yi kuwa ɓa cige, “Kwo yi zhin dole nu ya ɓe fya ba a Yahudiyi n nabari manayi. Amma n saiye fye la yi ɓo na, fye ta ye yi ɓeda lo m. Ntu cenu yi lo abyedo aba nu.”

Atnu-tnuyi Aɓozhin 2:38

Bitrus wa gna, “Fye fa alaifi, fya yi Shekwoyi a zhin fye baptisma dna Kristi ye.

Atnu-tnuyi Aɓozhin 20:21

Nabari gmanyi nu n mi cei ntu a Yahudiyi ɓo ɓedo abye do yi, nabari ho ko nu nyi ge aza ɓa fa laifi ɓa ɓe Shekwoyi aba. Tile zaho-zahoi wa ga Yesu gaiciya.

Atnu-tnuyi Aɓozhin 26:18

ha kpe ɓa awye ya, ɓa gye gaiciya ɓa ye abui, ɓa zan-zan dna buzangna Shekwoyi nya, maimakon shetan wyegma, ntu ge ɓa bwa gafara oɓa alaifi nya, ɓa ze gado Shekwoyi nya, ɓedo aza yi abaho-bahoi vinya, oɓa nu a la oɓa alaifi zhan ya ntu ɓa gaiciya ga ɓo omi aba.’

Atnu-tnuyi Aɓozhin 26:20

Ma ya waʼazi zhin ga aza n Dimashika mi, n Urushelima yi ɓedo n Yahudiya ekni yi, n jesun n abyedo aba, mi-i gna ɓa ge ɓa fwa alaifi ɓa pmibma ɓe Shekwoyi aba, ɓa wu oɓa bmapmi a tnu-tnu manayi.

Atnu-tnuyi Aɓozhin 28:28

Mi ye fya kpe ge, gni-gni Shekwoyi nya ye, kwo nyi ntu abyedo ɓo nu ce, ɓai ɓa gwo kwo.”

Atnu-tnuyi Aɓozhin 3:19

Ko bmiya fya shan bugba do, fya ɓe Dagayi aba, Fye ye abui a zhan fye ya, fye ɓa bwa agmada m Shekwoyi aba.

Atnu-tnuyi Aɓozhin 4:12

Gni-gni to lo n na babaho yin, n Eshe sinta, eye do to lo n aza ɓa yi ɓa pwo nkwo aba m.”

Atnu-tnuyi Aɓozhin 5:31

Shekwoyi lawo ze yerima ɓedo n gniyi. Wa zhin ce lo nu ntu ge a Israilayi ɓa ya bui, a zhin ɓa laifi gafara.

Aromayi 5:20

Aɓei ga awyidna ngun awo, n nabai zahozahoi wa gye aba nwa kaya n Shekwoyi awyidna bwashi. Ama, sanu ya gye eyi alaifi, ya gye Shekwoyi alheri dna ngafara zhin mi n mwa.

Afisusuyi 1:6

Mwa-mwa n Shekwoyi aba ntu n wo alheri ɓo n wo ye-yei nwa zeya puyi, ntuge yi zhin owo Nugun ye-ye yi aɓi nu.

Afisusuyi 3:8

Fye dnawye fa gye kwo shi ko nyi mito ɓei zhin ɓeho nu a gami kwon, emi nu nmi zhin. Yesu viyi gbeloyi n wolo n na anyi, dudu lonu a ɓei kni mi nu n na agmada manayi ye ɓo, ma gna abyedo Nabari Dagayi nyabwa n kwota shan zon, n kwo lo ntu n ɓa ɓo dna n Kristi nyi.

Yohanna I 2:12

Mi ka aɓeye ga fye nu efye vinya, emi aɓi, gama aku fye a laifi zhin gafara dna n Yesu eyi Gniyi.