Luka 23:4 - Alkawali Woiwoyi

⁴ Nsayi Bilatus wa ci a pirist dnagmai ɓedo n amalemi attaurat nyai ge, “Mi to gye wo n laifi hoi, n kola kunce ma wu wo m.”

Luka 23:4 ပူးပေါင်းရင်းမြစ်များ

Matta 27:19

Esa nu wo ɓo dna n awada ba, Bilatus nyiko wa tnu ga wo ge, “La abwa kun n eza ɓefye-cei ye ɓo mi ku ena ednanya nu nsukoyi n wo yi.”

Markus 15:14

Bilatus wa nya ɓa, “Ntu Kniɓeya? Wo ku kniɓei nukwoyi zhan?” Ama ɓa gna aku fyi-fyi ge, “A zun wo du.”

Luka 23:22

Bilatus wa ciɓa, ʼbwa tahi ge, “Amma wo ku kni ɓei nu zhiʼa? Mi to gye enya n wa zhin n kunce n fi m. Mi ɓa da a zhin wo bulala a yawo kawai.”

Yohanna 18:38

Bilatus wa nya ge “Knidonu zhin gaiciya?” Wa gmiya lo bmi da a Yahudiyi wa gna ɓa ge, “Mi to bwa laifi ho nwo abam.”

Atnu-tnuyi Aɓozhin 25:25

Amma n mi wyegye, wo to zhin nyaho nkwo kunce awu wom. Dudu lonu wo ku na ge wo ɓa lo nɓeda yi n Kaisar aba, omihin mi to nɓodo yi lo nmi ɓa zhin m, sai ma tnu woi.

Atnu-tnuyi Aɓozhin 3:13

Shekwoyi Ibrahim nya, n Ishaku yi, n Yakub yi ɓedo n yi azakwoyi nyayi na zhin deye, wo la Yesu ga mwa-mwa ntu aɓeye ɓo. Yesu n fye ɓo na wo aɓo n Bilatus abye nyi kwo shi ko nyi Bilatus ɓo la ye wa lo wo ya nyi.

Aibraniyi 7:26

Wo ɓei la ze ngye ʼyi kodashike wo to ɓei zhin laifi m, Oza gyi-gyi-yi nu, n tna zamba. A woi knaya n na alaifi da, a mwa-mwa gawo n eshemi.

Bitrus I 1:19

Ama wo ɓei gba n Kristi ami gyi-gyiyi nu, Shekwoyi kugya n tna laifi n tna ecigusa.

Bitrus I 2:22

Wo to ɓei zhin laifim, to wa ca katam.

Bitrus I 3:18

Kristi ɓei ku wahala sin, wo ɓei fi bwa zungmanyi ntu eyi vinya alaifi ɓo. Koda-yake owo wohin tukwo wo to ɓei n laifiyi kwo gmanyi n, nnabai wa ɓe yi n Shekwoyi aba n tna Benukwoi. Koda-yake owo nayi ɓolafi, owo zafun ye n wye-wyeyi lo.