Luka 22:17 - Alkawali Woiwoyi

¹⁷ Nsayi Yesu wala kap, wato aba n anab nuwan ɓei fi nyi, wa zhin godiya ga Shekwoyi wa cige, “Fye gwo fya sin fyei ce ga je.

Luka 22:17 ပူးပေါင်းရင်းမြစ်များ

Matta 14:19

Wa gna aza ge ɓa ku sase kpe nagbe-gbe, Wa ku bredi yi ngun atnu ɓedo na bmiya yi ngun aba, wa kpa wye wu she wa ɓa Shekwoyi ge wo tu nyagyi anabarka, wa sa-kwo-ya, wa ga abara ɓa ga ʼza.

Matta 15:36

Wa go bredi tnaba yi na bmiya yi, wa zhin Shekwoyi godiya, wa sa ko ya ga wo abara ɓa pmi ɓa ga ʼza.

Matta 26:26

Shi ɓa ɓo kpe ɓai gyi nya, Yesuwa la bredi Wa tu ko anabarka, Wa sa ko ya Wa ga Wo abara Wa gna, “Fye gwo fya gyi, deye ko zhin ʼMi nayi nu!”

Markus 14:22

She ɓa ɓei kpe ɓai gyi nyagyi, Yesu wa la bredi Wa gyi Shekwoyi wye Wa tu kwo anabarka. Wa sakwo ya Wa gaɓa Wa cige, “Fye gyi Emi nayi nu.”

Luka 22:19

Nsa yi wa la bredi wa zhin Shekwoyi godiya wa gnakwo ajeya wa gaɓa wa cige, “Deye, kwo nu zhin omi nayi (n Shekwoyi n cei ga ntu fyeɓo nyi.) Fye zhin ko lonu ci-ci fyei pa mi ɓo.”

Luka 9:16

Yesu wa gwo buredi ngun-atnu hi ɓedo abmiya yi ngun-aba, wa kpe awye wu nshe wa zhin godiya; wa sa ko ya waga wo abara ɓa gna azayezhi.

Aromayi 14:6

Nho n na anyipyeyi kni hoi ga Shekwoyi mwamwa, ho ye ha lawo tu ho zhin ɓe manayi nu. Nlo nunce oza n wo gyi abu n na zun sha ga eshan. Wo sa Shekwoyi ami ntu nkwo ɓo, wo zhin ɓe manayi nu, oza ce n wo ta to abuyi bwan, wo zhin atna nu wa zhin oɓo n kwo da Dagayi, Woi zhin godiya.

Akorintiyi I 10:16

N Dagayi tebur, esa yi tu nuwan byei anabarka, kwo to wu ge, yi gni anabarka bwa nu dna n Yesu amin? Esa yi sa bredi ya, ya gyi, kwo wu ge yi gni Yesu nayi apma bwa nu n najei.

Akorintiyi I 11:23

Ntuge n Dagayi aba nu n ma gwo wu-wu ye n mi kafye wu nyi. Nge dna sukwo nna ɓei kun Dagayi Yesu nyi, Wa la bredi,