Luka 21:8 - Alkawali Woiwoyi

⁸ Yesu wa ci ɓa ge, “Fye zhin peceiye, Fye to ku ze aza gbeloi, gama aza nmwa ɓa ɓe dna n mi ye, ɓai cige eminu zhin Kristi. Esa lasi, amma fyeto vi ɓa m.

Luka 21:8 ပူးပေါင်းရင်းမြစ်များ

Matta 24:11

Anabi akatayi ɓo ɓe ɓo bwi aza zokwo

Matta 3:2

“Fye fa a laifi, fya pmi ɓe Shekwoyi aba ntu ge Shekwoyi ebe la ga ɓe.”

Matta 4:17

Tunyi n sayi yi, Yesu wa ya waʼazi zhin, “Fye fa a laifi fya pmiɓe Shekwoyi aba, ntuge Shekwoyi ʼbe la wo vi.”

Luka 17:23

Fye ɓei wo ge mi la jeze ɓe, nge mi gnilo n ya ko kwa n bwai, fye to ɓei ye m, ko kwa fyei lo ge fye zan mi shin.

Luka 21:7

Nsayi ɓa nyawo ge, “Malami kwo ɓei zhin lonu n knisayi ya? Kni nu ɓei zhin n nabai yi kpe ge esa lasi nkoɓo zhin lo nuʼa?”

Luka 21:9

Fye to wo dna esanu fya wo ge a sun akun lo, ko kwa ai shan asu do. Gama ko zhin dole nu aɓoye pya ɓa zhin kpa, amma kwo to wu ge esa kmaknayi la ga m.”

Yohanna 5:43

Ma ɓe dna nmi Dada ʼye, ama fye to gwo mim. Ama ndei ozado na ɓe dna n wohin ʼye to ge Dada wa tnu wom, fya gwo wo nu abwa ʼba-ba.

Yohanna 8:24

Ce na zhin mi-i gna fye ge, fye ɓa fi fi nfye alaifi. Nfye to ga gaiciya ge omi nu zhin Kristi m, tile fya fi fi n fye alaifi.”

Yohanna 8:28

Ntu cenu Yesu wa gna ɓa ge, Esa fye ɓo wu Kristi ncei, fye ɓo kpe nsahi nu ge omi nu zhin Wo. Njesun ge Mi ta da omihin ɓo num, ama oɓo n Dada wa wu mi.

Akorintiyi I 6:9

Fye ta kpe lo ge aza n ɓa zhin aɓoi pya ɓa to n gado yi lo n Shekwoyi bemi m? Fye to dna fyehin tukwo wyi m, ntuge aza nɓa zhin anagbai, ko ɓai gba ashan, to ɓai zhin befyece m, ko kwa zanugbai woi wagye n zanugbai yi, nyikoza woi wagye n zanugbai yi, nyikoza woi wagye n nyikoza yi-ɓa ta lo Woʼbe mim.

Afisusuyi 5:6

Fye to ku vi akwocednayin n ɓa fan ye n laifi nyin, ntuge Shekwoyi minagyi nukwoyi tulo n na aza tukwo nɓa zhin abeye.

Atasalunikayi II 2:3

Fye to ye zaho-zahoi wa dna fye kwoce kwo fyewyin. Gama nyipyei ta ɓen sai anya ngun aba nku zhin, kmisunyi esa n aza ɓei na Shekwoyi aɓo, n sayi oza kala kpeyi anapi ɓi wo ɓei ɓe.

Timatawus II 3:13

Ɓehinhin, a malami akatayi, n na aza nukwoyi ɓa ɓa gyi abye abye n ɓenukwoyi, ɓai dna aza kwoce n mwa, n ɓahin ce shetan n la ɓa dnakwoce.

Yohanna I 4:1

Omi a nugundo ye-yeyi fye to ga aɓo vinya gaiciya nfye won, ntuge aza gna fye ge Shekwoyi ɓeda nun fye mwi kwo kpa fya gye kwo Shekwoyi ɓeda nu. Gama anya wuyi a katayi lo.

Yohanna II 1:7

Fye ka atukwoda akatai wye, n ɓa sheyi gun laɓa nyi, n ɓata ga gaiciya nge Kristi ɓei la ɓe anyi dna n nayi ngye eyi nya pyan. Aza deye pya gni apapa n gaiciya yi, n Kristi yi.

YOHANNA ƁEWYEGYE 1:3

Nha ba anabci ye dna ikklisiya ai wo, ho ɓa gwo anabarka n Dagayi. Aza nɓa wo ɓa knatunbua ɓa zhin oɓo n kwa da ɓa bwa anabarka. Gama esa la wo viwyi n na aɓeye vinya ɓa zhin.

YOHANNA ƁEWYEGYE 12:9

Dragon yakwoye, owa kwo-kwoi n na yiwo Guzhenyi n satan yi nyi, n wo dna anyi vinya kwoce nyi, a shewo ya dna n anyi ɓedo n wo amalaika yi.