Luka 21:37 - Alkawali Woiwoyi

³⁷ Yesu ɓe zo owo anyipyei kmaknayi lonu woi wunya dna aduwa nyakun. Esanu wyeshe a she wo ɓei zhin wa gmiya wa lo Zaitun pe, har labmi.

Luka 21:37 ပူးပေါင်းရင်းမြစ်များ

Matta 21:1

Shi Yesu n wa bara yi ɓo ga Urushelima si, vivi n zhi ɓiyi hoi ai yi ko Betifaji n kpe n Zaitun pe, Yesu wa tnu wa bara gun aba ɓa lo ezhi ɓiyi, n ka zhi nkwa bye.

Matta 21:17

Wa laka wa jeze-lo Betenya, wa-a wan ʼgye n bwai.

Matta 26:30

Shi ɓa ɓo ku anyi ko, ɓa kun ya ɓa lo Zaitun pe.

Matta 26:55

Yesu wa daɓo naza begye yi Wa gna, “Mi zhin zajeyi nu fyei ɓe mi aba, n na kun kaya yi shi fya kpe Mi wan? Mʼbei zhin Miyi wu nya cici dna na duwa nyakun, ama to fya wan Mi m.

Markus 11:12

N labmi yi shi ɓa ɓei fa Baitanya, Wa wo mikun yi gnu Wo.

Markus 11:19

Nwyeshe yi shi ɓa shin zhin, ɓa fa ezhi yi ho.

Markus 14:49

Knihin nu ɓo zhin to fya wan Mi dna na duwa nyaknu ma? Mi ɓei dna ɓo Miyi wu nya fyegyi-fyegyi. Ama aɓeye zhin n na bai ɓa nu alɓeda n na ɓei da tu Mi tukwo nu.”

Luka 19:29

Shi wo ɓei wo vi-vi n Baitafaji ɓedo n Baitanya azhi ho n ɓa zhi vi-vi n epe hoi ai yi kwo ge Zaitun wa tnu owo abara ngun aba n wa bye.

Luka 19:37

Shi wo ɓei wu vi-viyi n Urushelima yi n zokwo, nkwo lo Zaitun pe nyi, aza nɓa ɓei viwo ɓe vinya ɓa la ɓai gode n Shekwoyi ɓai ga mwa-mwa bmana-bmana ntu aɓo wo-woi ɓo vinya n ɓa ɓei gye nyi.

Luka 19:47

Yesu kwa wawu ɓa nya dna n aduwa nyakun fyegyi-fyegyi. A prist dnagmayi kwa ɓedo n amalemi a Yahudawa nyai ɓedo n na tukwoda yi ɓeye ntuge ɓa wu wo.

Luka 22:39

Yesu wa fa zhimi shi wo ɓei zhin woi zhin ci-ci, wa lo Zaitun pe. Owo abara ɓa kun lo ngnisun n woi.

Yohanna 12:1

Paska kwoi ce anyipyei ngun tnanyi, Yesu wa lo Baitanya, Liyazaru ayi, oza n Yesu ɓo la wo kala n vingwo nyi.

Yohanna 18:2

Yahuda, nwo ɓo kun Yesu nyi, wo ɓei kpe abahi aba, ntu ge Yesu ɓei zhin woi lo ɓo cici nwo abara yi.

Atnu-tnuyi Aɓozhin 1:12

Aɓeye vinya ɓo zhin kpe a zaitun ʼpe nu. Ɓa jezelo Urishelima mi.